Yeremia 42:7 - Baibuli Ekibono kya Katonda 2014

⁷ Nga ghabiseegho enaku ikumi, Musengwa Katonda yaayogera ninze.

Yeremia 42:7 ပူးပေါင်းရင်းမြစ်များ

Zabbuli 27:14

Weesige Musengwa Katonda otawaamu maani, guma omwoyo. Bwenebwene weesige Musengwa Katonda.

Isaia 28:16

Kale ni, Musengwa Katonda Afuga Amagye kyava n'akoba ati: “Mubone, ndi kuta mu Sioni eibaale erikakasiibwa nga igumu, libe eibaale ery'omughendo ery'omusingi mu nsonda era likole omusingi omugumu begulugulu. Ndidha kulighandiikaku nti, ‘Okwikiriza okugumu era kubaamu n'obuguminkiriza.’

Isaia 30:18

Aye ate Musengwa Katonda ali agho ateegereire ng'ayenda abagemerwe ekivunika. Yeetegeike okubasaasira, kuba by'akola byonabyona bituufu nga tiyeekubira. Ba nkabi abo boonaboona abamwesiga.

Yeremia 40:1

Agho Musengwa Katonda yaayogera ninze, nga Nebuzaradani omukulu w'abaisirukale amaze okunsibulula mu ikomera e Rama. Eyo baali bantwaireyo nga bansibye ku ndhegere, ghalala n'abantu boonaboona abaatoolebwa mu Yerusalemu ni mu Buyudaaya nga bali kutwalibwa e Babilonia mu bunhage.

Yeremia 42:8

Kale naayeta Yohanani, n'abakulu ab'ebikunsu eby'abaisirukale boonaboona abaali naye, n'abantu abandi boonaboona okuviira irala ku basembayo ghansi okutuukira irala ku babbede.

Ezekieli 3:16

Enaku edho omusanvu bwe dhaawaaku, Musengwa Katonda yaayogera ninze. Yankoba ati:

Habakkuku 2:3

Bighandiike kuba ekiseera kyabyo eky'okutuukirizibwa kikaali. Aye nga kiri kwidha mangu, era bye ndi kukwoleka biri n'okubaagho. Ni bwebiboneka okuba ng'oti biidha mpola, era biteegerere. Tibiriroba kubaagho, era biryangughaku.