Yeremia 42:4 - Baibuli Ekibono kya Katonda 2014

⁴ Nze naabairamu nti: “Bye mukobye mbiwuliire. Bwenebwene ndidha kusaba Musengwa Katonda waife, nga bwe munsabye. Era by'anankoba byonabyona ndidha kubibakobera, aghazira okulekayo waire ekirala kiti.”

Yeremia 42:4 ပူးပေါင်းရင်းမြစ်များ

Zabbuli 40:10

Tyasirikira mu mwoyo gwange mawulire malungi ag'okulokolwa. Buliidho nkobera abantu ku bwesigwa bwo ni ku buyambi bwo. Era nga ndi mu bantu bo abeesoloiza okukusinza, tyaloba kwogera ku kugonza kwo okutakoma, ni ku bwesigwa bwo.

Okuvaayo 8:29

Musa yaamwiramu ati: “Olunaava ghano nti, nga neegayirira Musengwa Katonda, olwaidho atoolegho ebikuukuulu eby'ensowera okuva ku iwe, ni ku bakungu bo, era ni ku bantu bo abandi boonaboona. Aye ku mukuzi guno otairamu kutuguyaguya ng'olobera abantu okuja okughaayo emisengo eri Musengwa Katonda.”

Yeremia 23:28

Omulanzi aloose ekirooto agwaine akobe ati ekyo kirooto bulooto. Ate omulanzi afunie obukwenda okuva ye ndi agwaine alangirire obukwenda obwo n'obwesigwa. Omusiisi guba mulungi ng'engaano yeene?

Yeremia 23:35

Aye buli muntu aidha kubuuzanga bakagwa be oba aboluganda lwe ati, ‘Musengwa Katonda aizemu atya? Musengwa Katonda akobye ki?’

Yeremia 26:2

Musengwa Katonda yankoba ati: “Yemerera mu luya olw'eisinzizo, olangirire ebyo byonabyona bye nkulagira okukobera abantu abaidha okusinza, nga bava mu bibuga bya Buyudaaya. Ghatabaagho ky'olekayo naire ekirala kiti.

Ezekieli 2:7

Oidha kubakobera bye ndi kukutuma okubakobera, oba bawulirisa oba tibawulirisa.

Ebikolwa by'Abatume 20:20

Mwidhi nga ghazira kiisi kintu kyonakyona kiganhula, kye nabagisa. Nakibeegeresanga ghalala era naabeegeresa ndhu ku ndhu.

Ebikolwa by'Abatume 20:27

Ghazira kye nabagisa, nabakobera Katonda by'abendeza.

Ab'e Roma 10:1

Aboluganda, omwoyo gwange kye gwenda era kye nsabira Abaisiraeli ye Katonda ni kino nti balokoke.

1 Samueli 12:23

Era ku lwange, neeghemba Musengwa Katonda ansaasire ndobe kukola kibi ni mmusungughaza, nga ndekayo okubasabira imwe. Era ndidha kubeegeresanga ekirungi era ekituufu kye mugwaine okukola.