Yeremia 42:21 - Baibuli Ekibono kya Katonda 2014

²¹ Aye waire nga mpegaano nze ndi kubaidhukiza, imwe muli kudheemera byonabyona Musengwa Katonda waife bye yantuma okubakobera.

Yeremia 42:21 ပူးပေါင်းရင်းမြစ်များ

Zabbuli 81:12

Kale n'okubaleka bajiire ku ebyo emyoyo gyaibwe emidheemu bye gibalagira, beebise nga beene bwebalowooza.

Yeremia 43:1

Bwe namala okukobera abantu ebyo byonabyona Musengwa Katonda waibwe bye yantuma okubakobera,

Yeremia 43:4

Kale Yohanani, n'abakulu ab'ebikunsu eby'abaisirukale boonaboona, era n'abantu abandi boonaboona, baaloba kugondera kiragiro kya Musengwa Katonda eky'okusigala mu Buyudaaya.

Yeremia 43:7

Kale baadheemera batyo ekiragiro kya Musengwa Katonda, baaja e Misiri era baatuukira irala ere mu kibuga ekyetebwa Tahapanhesi.

Ezekieli 2:7

Oidha kubakobera bye ndi kukutuma okubakobera, oba bawulirisa oba tibawulirisa.

Ezekieli 3:17

“Iwe omuntu, nkutairegho obe omukuumi ow'abantu b'omu Isiraeli. Buli lw'onaawuliranga bye nkoba, ng'olwo oja obatuusaaku okulabula kwange kwe nnaabanga nkutumye.

Ezekieli 33:31

Olwo nga baidha y'oli bya bulungi ng'abantu bange, era nga bawulira by'obakoba, aye baaloba kubikola. Booleka nga bwe bali n'okugonza okungi, mu bibono bubono bye boogera. Aye ng'emyoyo gyaibwe giri ku bya kufuna.

Ezekieli 33:32

Era, bona eno, iwe bakutwala ng'omwembi ow'enhembo edh'okugonzania, ayemba mu mamiro amalungi okuwulira era n'akubiraku ebivuga obukalamu. Bawulirisa bukalamu by'obakoba, aye ghazira naire ekirala kiti kye bata mu nkola.

Ebikolwa by'Abatume 20:20

Mwidhi nga ghazira kiisi kintu kyonakyona kiganhula, kye nabagisa. Nakibeegeresanga ghalala era naabeegeresa ndhu ku ndhu.

Amateeka Agokubiri 29:19

Ghatabangagho awulira bibono bya ndagaano eno erimu okulayira, n'akoba mule ati: ‘Ndidha kuba bukalamu ni bwe nnaasigala nga tiri kujiira ku ndagaano eyo, nga neekolera byange.’ Okukola ekyo, kuba kuleetera abalungi n'ababi okuzikirira aghazira kubitiza.

Amateeka Agokubiri 30:15

“Bona, olwaleero ndi kubagha okulondagho okuba obulungi oba okuba obubi, okuba abalamu oba okufa.

Amateeka Agokubiri 30:19

Ndayira olwaleero eigulu n'ensi bibe abadhulizi bange ababalumiriza, nti mbaghaire okulondagho okuba abalamu oba okufa, okugheebwa enkabi oba okukolimirwa. Kale ni mulondegho obulamu, mughange okubanga abalamu n'eizaire lyaimwe.