Yeremia 42:10 - Baibuli Ekibono kya Katonda 2014

¹⁰ ‘Bwe muliganha okubanga mu nsi eno, ndibazimba mu kifo ky'okubasansula, era naabasimba mu kifo ky'okubaiwululagho kuba nnakughaire inho olw'akabi ke nabatuusaaku.

Yeremia 42:10 ပူးပေါင်းရင်းမြစ်များ

2 Samueli 24:16

Malaika bwe yagolola omukono gwe okuzikiriza Yerusalemu, Musengwa Katonda yaakyusa ekirowoozo kye eky'okukola Abaisiraeli akabi. Kale Musengwa Katonda yaamukoba ati: “Ekyo kinaamala. Lekera agho!” Agho malaika yali atuuse mu kifo aghakubirwa engaano ekya Arauna Omuyebusi.

Zabbuli 102:16

Musengwa Katonda bw'alizimba Sioni n'akiizaagho alyoleka ekitiisa kye.

Zabbuli 106:45

Ku lwaibwe yaidhukira endagaano ye era yaabairiramu olw'okugonza kwe okutakoma.

Zabbuli 37:3

Weesige Musengwa Katonda era okole ebirungi, oidha kuba bukalamu mu nsi era ghabule ekikweraliikiriza.

Zabbuli 69:35

Katonda aliwonia Sioni abazigu, yairamu okuzimba ebibuga bya Yuda, abantu be baabityamangamu nga byaibwe ku bwaibwe.

Okuvaayo 32:14

Kale Musengwa Katonda yaakyusa ekidhuubo kye, yaaleka kubazikiriza nga bweyali abeesoomeire.

Yeremia 24:6

Ndidha kubalabiriranga, mmale mbaize mu nsi eno. Ndibazimba, mu kifo ky'okubasansula, era naabasimba, mu kifo ky'okubaiwululagho.

Yeremia 26:19

Abakulu ab'ebika abo baayongera okukoba bati: Mulowooza muti kyabazinga Hezekia n'abantu b'omu Buyudaaya baamala baita Mika oyo? Busa naire. Mu kifo eky'okumwita, kyabazinga Hezekia oyo yata bwa mu Musengwa Katonda kitiibwa era yaagezaaku okukola ebisiimya Musengwa Katonda oyo. Era Musengwa Katonda yakyusa ekirowoozo kye, yaaloba kubaleetaku kabi ke yali akobye okubaleetaku. Aye ife mperaano tuli kwenda okwereetaku akabi akanene einho.”

Yeremia 27:11

Aye abantu ab'eighanga, abaliganha okufugibwa kyabazinga Nebukadinezzari ow'e Babilonia, ni bagonda ng'oti n'ensolo bw'egonda n'evaala mu nkoto ekikoligo kya musengwa waayo, ndibaleka baasigala mu nsi yaibwe, baagirimamu emere era baatyama baatereera. Nze Musengwa Katonda, ninze nkobye.”

Yeremia 31:28

Era nga bwe nakola einho okubabonereza, n'okubaiwululagho, n'okubamenhamenha, n'okubaleetera okughangulwa, n'okubazikiriza, era ntyo bwe ndifaayo einho okubasimba n'okubazimba.

Yeremia 33:7

Abantu b'omu Buyudaaya n'ab'omu Isiraeli ndibaleetera ebintu okwiramu okubajiiranga obukalamu. Ndiiramu okubazimba babe nga bwe baalinga eira.

Yeremia 43:4

Kale Yohanani, n'abakulu ab'ebikunsu eby'abaisirukale boonaboona, era n'abantu abandi boonaboona, baaloba kugondera kiragiro kya Musengwa Katonda eky'okusigala mu Buyudaaya.

Ezekieli 36:36

Olwo amaghanga agabeezungulwire agaliba gasigairegho, galimanha nga nze Musengwa Katonda, ninze nazimba obuyaaka ebifo ebyali bisigaire ebyanhe n'ebifunfugu ebyereere. Era naasimba buyaaka emere mu bifo ebyali birekeibwa obwagho nga biwolongeire nga bitiisa. Nze Musengwa Katonda ninze nkobye, era ndikituukiriza.”

Hosea 11:8

Abaisiraeli nsobola ntya okubaghaayo? Nsobola ntya okubalekulira agho? Nsobola ntya okubazikiriza ng'oti bwe nakola Adama? Nsobola ntya okubabisa ng'oti bwe nabisa Zeboiimu? Omwoyo gwange tigunganha kukikola; kuba mbagonza inho ebitaloodheka.

Yoeli 2:13

Mutakanulamu bivaalo byaimwe okwoleka nga bwe munakughaire, aye mwemenhe mu myoyo gyaimwe, ekyo n'ekibe kyoleke okwenenia kwaimwe.” Kale ni mwire ye Musengwa Katonda waimwe, kuba wa kivunika era asaasira inho. Agonza inho abantu obutalekera era yaabaguminkiriza. Buliidho aba mwetegefu okukyusa ebirowoozo bye, yaaloba kubabonereza.

Amosi 7:3

Musengwa Katonda yaakyusa ekidhuubo kye. Yaakoba ati: “Kale, ky'oboine tikiidha kubaagho.”

Amosi 7:6

Musengwa Katonda yaakyusa ekidhuubo kye. Yaakoba ati: “Kale, ekyo ky'oboine kyona tikiidha kubaagho.”

Yona 3:10

Katonda bwe yabona bino bye baakola, ni balekayo ebikolwa byaibwe ebibi, yaakyusa ekidhuubo kye, yaaloba kubazikiriza nga bwe yali akobye.

Yona 3:4

Yona yatoolera okutambula mu kibuga okumala olunaku lulamba, agho yaalangirira ati: “Nga ghabiseegho enaku amakumi ana (40) Nineve kija kuzikirizibwa.”

Yona 4:2

Agho yaakoba ati: “Wo Musengwa Katonda, bino ti bye nakoba nga nkaali mu nsi yange? Nze namanha ng'oli wa kivunika era asaasira einho. Ogonza inho abantu obutalekera era obaguminkiriza buliidho oli mwetegefu okukyusa ebidhuubo byo waaloba kubabonereza. Era kyova obona nali numukiire e Tarushishi.

Ebikolwa by'Abatume 15:16

‘Ebyo nga biwoire, ndiira era ndizimba enhumba ya Daudi eyagwa. Ndigizimba mu kyanhe kyayo, naagiizaagho.

Amateeka Agokubiri 32:36

Musengwa Katonda bw'alibona abantu be boonaboona nga bawoiremu amaani, alisala omusango baagusinga. Bw'alibona nga tighakaali yeesobola k'abe omwiru oba ow'eidembe, alibagemerwa ekivunika.

Abalamuzi 2:18

Musengwa Katonda bwe yateerangagho Abaisiraeli omukulembeze, Musengwa Katonda oyo ng'aba ghalala n'omukulembeze oyo, era yaawonianga abantu abazigu baibwe, ekiseera kyonakyona omukulembeze oyo kye yamalanga ng'akaali mulamu. Musengwa Katonda yabagemerwanga ekivunika, kuba baasindanga olw'abo abaabadaazadaazanga ni babatuntuza.