Yeremia 42:1 - Baibuli Ekibono kya Katonda 2014

¹ Agho abakulu ab'ebikunsu eby'abaisirukale boonaboona, ni Yohanani mutabane wa Karea, ni Azaria mutabane wa Hoshaia, n'abantu abandi boonaboona okuviira irala ku basembayo ghansi okutuukira irala ku babbede beene, baidha

Yeremia 42:1 ပူးပေါင်းရင်းမြစ်များ

2 Bakyabazinga 25:23

Ghaaligho abakulu mu magye ga Buyudaaya n'abaisirukale baibwe abaali mu irungu, nga bakaali kweghaayo. Bwe baawulira nga kyabazinga w'e Babilonia aghaire Gedalia obufuzi, baidha eri Gedalia oyo e Mizipa. Abaidha baali bano: Ishimaeli mutabane wa Nethania, ni Yohanani mutabane wa Karea, ni Seraia mutabane wa Tanhumethi ow'e Netofa, ni Yaazania mutabane w'omusaadha ow'e Maaka.

Isaia 29:13

Agho Musengwa Katonda yaakoba ati: “Abantu bano baidha ye ndi bantaamu ekitiisa mu bibono bubono, aye ng'emyoyo gyaibwe gindi ghala. Ensinza ye bansinzaamu ejiira ku ndhegeresa na mateeka abantu bye bataagho, ni babigema obugeme mu mitwe gyaibwe ng'oti nkusu.

Isaia 48:1

Imwe ab'endhu ya Yakobo muwulire kino: Mwetebwa Baisiraeli abasimuka mu Yuda. Mulayira mu liina lya Musengwa Katonda, era mwayatula nga Katonda wa Isiraeli oyo, ni Katonda waimwe, aye nga bya ku munwa bunwa, ebiziramu mazima waire obwesimbu.

Yeremia 37:3

Agho kyabazinga Zedekia oyo yaatuma Yehukali mutabane wa Shelemia, ni kabona Zefania mutabane wa Maaseia, baidha bankoba bati: “Tusabire eri Musengwa Katonda waife.”

Yeremia 40:13

Agho Yohanani mutabane wa Karea, n'abakulu ab'abaisirukale abaali mu irungu abaaloba okweghaayo okwira ku luuyi lwa kyabazinga w'e Babilonia, baidha ye Gedalia e Mizipa.

Yeremia 40:8

Abaidha baali bano: Ishimaeli mutabane wa Nethania, ni Yohanani mutabane wa Karea, ni Seraia mutabane wa Tanhumethi, ni batabane ba Efai ow'e Netofa, ni Yezania mutabane w'omusaadha ow'e Maaka. Era baidha nga bali ghalala n'abaisirukale baibwe.

Yeremia 41:11

Agho Yohanani mutabane wa Karea, n'abakulu ab'ebikunsu eby'abaisirukale boonaboona be yali nabo, baawulira obutemo obwo Ishimaeli bwe yakola.

Yeremia 41:16

Agho Yohanani n'abakulu ab'ebikunsu eby'abaisirukale boonaboona be yali nabo, baalabirira abantu Ishimaeli be yali atoire e Mizipa ng'abasibe, ng'amaze okutemula Gedalia. Mu abo mwalimu, abaisirukale, n'abakazi, n'abaana, n'abagheereza. Kale baabaiza okuva e Gibeoni.

Yeremia 41:18

Baayenda okuja e Misiri olw'okutya Abababilonia, kuba Ishimaeli mutabane wa Nethania yatemula Gedalia mutabane wa Ahikamu, kyabazinga w'e Babilonia ye yali aghaire okufuga Buyudaaya.

Yeremia 42:20

munaaba mukoze ekisobyo ekija okubaitisa kuba mwantuma okubasabira ye Musengwa Katonda waife, nga mukoba muti, ‘Tusabire ye Musengwa Katonda waife, era buli ky'anairamu okitukobere ife. Era twidha kukikola.’

Yeremia 42:8

Kale naayeta Yohanani, n'abakulu ab'ebikunsu eby'abaisirukale boonaboona abaali naye, n'abantu abandi boonaboona okuviira irala ku basembayo ghansi okutuukira irala ku babbede.

Yeremia 43:2

Azaria mutabane wa Hoshaia, ni Yohanani mutabane wa Karea, n'abasaadha abandi abeetwala okuba aba ghaigulu, bankoba bati: “Oli kulimba. Musengwa Katonda waife tiyakutuma iwe kwidha kutukoba tulobe kuja mu Misiri kuba eyo.

Yeremia 44:12

Abantu boonaboona abaali bawoniegho mu Buyudaaya, aye ni basalagho nga bamaliriire okuja okuba mu nsi Misiri, ndibaleetera boonaboona okuzikiribwa. Okuviira irala ku basembayo ghansi okutuukira irala ku babbede beene, balifiira mu nsi Misiri, nga babaitira mu ntalo oba nga bafa endhala. Balifuuka ekintu ekitiisa einho, abantu baaboogerangaku nga babayeeyereza bwe babavuma. Era abantu balikozesanga eriina lyaibwe ng'ekikolimo.

Yeremia 6:13

kuba okuviira irala ku basembayo ghansi okutuukira irala ku babbede beene, boonaboona bagwidhubanira bya kufuna mu bukyamu. Waire abalanzi ni bakabona, boona bakupankupania.

Yeremia 8:10

Kye ndiva ni mbatoolaku bakazi baibwe ni mbagha abasaadha abandi, n'emisiri gyaibwe ni ngigha abantu abandi; kuba okuviira irala ku basembayo ghansi okutuukira irala ku babbede beene, boonaboona bagwidhubanira bya kufuna mu bukyamu. Waire abalanzi ni bakabona, boona bakupankupania.

Ezekieli 11:1

Agho omwoyo gwa Katonda gwambeeda gwantwala ku mulyango ogw'eisinzizo lya Musengwa Katonda ogulingiriire ku luuyi olw'e buvandhuba. Okuja okulinga nti nga mbona abasaadha abiri na bataanu nga bali agho gha mulyango. Nga mu abo mulimu ni Yaazania mutabane wa Azzuri, ni Pelatia mutabane wa Benaia, bombi abaali bakulembeze b'abantu.

Ezekieli 33:31

Olwo nga baidha y'oli bya bulungi ng'abantu bange, era nga bawulira by'obakoba, aye baaloba kubikola. Booleka nga bwe bali n'okugonza okungi, mu bibono bubono bye boogera. Aye ng'emyoyo gyaibwe giri ku bya kufuna.

Ezekieli 8:11

Era naabona abandi ku bakulembeze ab'eighanga lya Isiraeli nsanvu nga beemereire omwo, nga n'omuli ni Yaazania mutabane wa Shafani. Buli mulala yali agemye ekiniokezebwamu obubbaani, era ng'ebiniokezebwamu obubbaani ebyo birikuvaaku omwosi gwaja ghaigulu.

Matayo 15:8

‘Abantu bano bantaamu ekitiisa mu bibono bubono, aye omwoyo gwaibwe gundi ghala.

Ebikolwa by'Abatume 8:10

Abantu boonaboona okuva ku muto okutuuka ku mukulu baamuwuliranga baakoba bati: “Ono n'amaani ga Katonda ow'ekitiisa.”