Yeremia 41:5 - Baibuli Ekibono kya Katonda 2014

⁵ abasaadha kinaana baatuuka nga bava e Shekemu, n'e Shilo, n'e Samaria. Baali basazeeku ebirevu byaibwe, nga bakanwire ebivaalo byaibwe, era nga beesazesaze n'emisale ku mubiri. Baali baleese emere ey'empeke n'obubbaani mu isinzizo, ng'ebigheebwayo.

Yeremia 41:5 ပူးပေါင်းရင်းမြစ်များ

Amainhama 33:18

Agho Yakobo yaava e Paddanarama, yaatuuka bukalamu mu kibuga eky'e Shekemu, ekiri mu nsi y'e Kanaani, yaasimba weema dhe kumpi n'ekibuga.

Amainhama 34:2

Shekemu, mutabane wa Hamori Omuhivi omufuzi mu nsi eyo bweyamubona, yaamugema era yaamukaka yaaba naye mu buliri.

Amainhama 37:12

Agho baganda ba Yosefu bwe baali bajiire e Shekemu okwaya ebyayo bya iseibwe,

2 Samueli 10:4

Kale Hanuni yaagema abagheereza ba Daudi, buli muntu yaamusalaku oluuyi olw'ekirevu kye era yaamusalaku ebivaalo bye okutuusa mu nkende, memale yaabalekula baaja.

1 Bakyabazinga 12:1

Agho Rehoboamu yaaja e Shekemu Abaisiraeli ye baali beesolokeiza okumufuula kyabazinga.

1 Bakyabazinga 12:25

Agho Yeroboamu yaazimba ekibuga Shekemu mu kiketezo kya Efuraimu eky'oku nsozi, yaaba omwo. Era yaava agho yaazimba ekibuga Penueli.

1 Bakyabazinga 16:24

Yaagula ku Shemeri olusozi Samaria ebitundu kakaaga (6,000) ebya feeza, yaaluzimbaku ekibuga. Ekibuga ekyo kye yaluzimbaku yaakituuma eriina Samaria, ng'ajiira ku liina lya Shemeri eyali mwene lusozi olwo.

1 Bakyabazinga 16:29

Mu mwaka ogwamakumi asatu n'omunaana (38) ogwa kyabazinga Asa nga n'afuga Buyudaaya, Ahabu mutabane wa Omuri yaafuuka kyabazinga wa Isiraeli, era yaafuga Isiraeli ng'ali mu Samaria okumala entangama ya myaka amakumi abiri n'ebiri.

2 Bakyabazinga 25:9

Yaayokya eisinzizo lya Musengwa Katonda, n'ekisaagaati kya kyabazinga, n'ebizimbe byonabyona ebikologho eby'omu Yerusalemu.

1 Ebyomubyanda 19:4

Kale Hanuni yaagema abagheereza ba Daudi, buli muntu yaamusalaku oluuyi olw'ekirevu kye era yaamusalaku ebivaalo bye okutuusa mu nkende, memale yaabalekula baaja.

Zabbuli 102:14

Abagheereza bo bagonza inho Sioni waire nga kyazikirizibwa; era bakirumirwa inho waire nga kyasigala bwa bifunfugu.

Zabbuli 78:60

Yaalekulira agho weema ye eyali mu Shilo mwe yabanga ng'ali mu bantu be abo.

Isaia 15:2

Abantu b'e Diboni baniinieniinie, baaja mu bifo ebigulumivu bye basinzizaamu ku busozi, baalirira eyo amaziga. Abamoabu bali kuwowoola amaziga olw'ebibuga Nebo ni Medeba. Basazeeku enviiri ku mitwe gyaibwe baadhimaliriraku ng'oti mpaata, baasalaku n'ebirevu okwoleka nga bwe bali mu nnaku.

Yeremia 16:6

Abantu ababbede beene n'abo abasembayo ghansi balifiira mu nsi eno aye ghaabulagho omuntu abaziika oba abalira, nga yeesalasala ku mubiri gwe, oba ng'amwa enviiri gha mberi ku mutwe gwe gwaba ng'oti gwa mpaata olw'okunakughala.

Yeremia 41:4

Olunaku olwairirira, nga kikaali kumanhikana nga batemwire Gedalia,

Yeremia 47:5

Abantu b'e Gaza bamweire enviiri gha mberi ku mitwe gyaibwe gyaba ng'oti gya mpaata, olw'okunakughala! Ab'e Ashikeloni bafiire baasirika. Abanaki abakaasigairegho, balituusa li okwesalasala ku mibiri gyaibwe olw'okunakughala?

Yeremia 48:37

Boonaboona bamweire enviiri ku mitwe gyaibwe, baasalaku n'ebirevu byaibwe. Era beesazesaze emisale ku mikono gyaibwe, baavaala n'ekutiya olw'enaku.

Yeremia 7:12

Muje mu kifo kye nasooka okulonda okunsinzizangamu e Shilo, mubone kye nakikola olw'ebibi by'abantu bange Abaisiraeli.

Yeremia 7:14

Kale ni kye nakola Shilo, kye ndidha okukola n'eisinzizo lino eryange lyene lye mwesiga. Ekifo kino kye nabagha imwe ni badhaadha baimwe, ndidha kukikola ekintu n'ekirala ng'oti ni kye nakola Shilo.

Yoeli 2:13

Mutakanulamu bivaalo byaimwe okwoleka nga bwe munakughaire, aye mwemenhe mu myoyo gyaimwe, ekyo n'ekibe kyoleke okwenenia kwaimwe.” Kale ni mwire ye Musengwa Katonda waimwe, kuba wa kivunika era asaasira inho. Agonza inho abantu obutalekera era yaabaguminkiriza. Buliidho aba mwetegefu okukyusa ebirowoozo bye, yaaloba kubabonereza.

Amateeka Agokubiri 14:1

Musa yaakoba Abaisiraeli ati: “Imwe muli bantu ba Musengwa Katonda waimwe. Kale ni muteesalasalanga ku mibiri gyaimwe, oba okumwa enviiri gha mberi ku mitwe gyaimwe ni giba ng'oti gya mpaata, ng'abantu abandi bwe bakola nga bali kulira abafu.

Yoshua 18:1

Abaisiraeli bwe baamala okughangula ekiketezo kyonakyona Katonda kye yabagha, beesololeza e Shilo boonaboona, era nga bali eyo baasimba Weema ey'Okwagaananirangamu ni Musengwa Katonda.

Yoshua 24:32

Amagumba ga Yosefu, Abaisiraeli ge baidha nago okuva e Misiri, baagaziika e Shekemu mu itaka Yakobo lye yagula ku batabane ba Hamori lata wa Shekemu. Eitaka eryo yaligula ebitundu bya feeza kikumi, era lyafuuka obutaka obwa baidhukulu ba Yosefu.

Abalamuzi 18:31

Kale baataagho ekifaananie ekibaadhe Mika kye yakola, kyasigalayo ekiseera kyonakyona endhu ya Katonda kye yabeeragho e Shilo.

Abalamuzi 9:1

Abimeleki mutabane wa Gideoni yaaja e Shekemu y'aboluganda lwa inhina, yaabakoba boonaboona ati:

1 Samueli 1:7

Kityo bwe kyalinga buli mwaka. Buli lwe baajanga mu ndhu ya Musengwa Katonda, nga Pennina oyo amuyeeyereza. Olw'ekyo Hanna yaaliranga bwa bulire, nga n'okulya emere talya.