Yeremia 41:2 - Baibuli Ekibono kya Katonda 2014

² Ishimaeli ni bale eikumi be yaidha nabo, baasituka, baasowolayo empiima dhaibwe baita Gedalia, kyabazinga w'e Babilonia ye yali aghaire okufuga ensi eyo.

Yeremia 41:2 ပူးပေါင်းရင်းမြစ်များ

2 Samueli 3:27

Era Abuneri bwe yaira e Heburoni, Yoabu yaamwiza gha mbali gh'omulyango, yaaba ng'oti ali kwenda kwogera naye kyama. Bwe baali nga bali eyo, Yoabu yaamufumita mu mabunda yaafa. Okwo kwali kwesasuuza, kuba Abuneri yaita Asaheli muganda wa Yoabu oyo.

2 Bakyabazinga 25:25

Aye mu mwezi ogwomusanvu, Ishimaeli mutabane wa Nethania era mwidhukulu wa Elishama ow'oku lulyo olulangira, yaaja n'abantu ikumi e Mizipa, baalumba baita Gedalia, n'Abayudaaya, era n'Abababilonia abaali naye eyo.

Zabbuli 109:5

Kale bwe mbakolera ebikalamu bansasulamu bibi, bwe mbagonza bansasulamu kunkyagha!

Zabbuli 41:9

Ni mukagwa wange mwene ow'omukago ye nali neesiga era ye nalyanga naye, yeena aneefuuliire.

Yeremia 40:14

Baakoba Gedalia bati: “Oidhi nga kyabazinga Baalisi owa Ammoni yatuma Ishimaeli aidhe akutemule?” Aye Gedalia yaaloba kukiikiriza.

Yeremia 40:16

Aye Gedalia yaamwiramu ati: “Otakikola. Ebyo bye muli kwogera ku Ishimaeli ti bituufu naire.”

Yeremia 40:5

Agho yankoba ati: “Bw'oba ng'onaasigala, irayo ye Gedalia mutabane wa Ahikamu era mwidhukulu wa Shafani, kyabazinga w'e Babilonia ye yagha okufuga Buyudaaya. Osobola okusigala n'oyo, olwo waaba ng'osigaire mu bantu be bataatwala Babilonia mu bunhage, oba okuja aghandi woonawoona gh'oyenda okuja.” Agho omukulu w'abaisirukale oyo yampa eby'okulya era yampa n'ekirabo, memale yandeka naaja.

Yeremia 40:7

Ghaaligho abandi ku bakulu mu magye ga Buyudaaya n'abaisirukale baibwe abaali mu irungu, nga bakaali kweghaayo kwira ku luuyi lwa kyabazinga w'e Babilonia. Bwe baawulira nga kyabazinga w'e Babilonia aghaire Gedalia mutabane wa Ahikamu okufuga ensi yaibwe n'abantu boonaboona abasembayo okuba abaavu abataatwalibwa Babilonia mu bunhage, baidha eri Gedalia oyo e Mizipa.

Yeremia 40:8

Abaidha baali bano: Ishimaeli mutabane wa Nethania, ni Yohanani mutabane wa Karea, ni Seraia mutabane wa Tanhumethi, ni batabane ba Efai ow'e Netofa, ni Yezania mutabane w'omusaadha ow'e Maaka. Era baidha nga bali ghalala n'abaisirukale baibwe.

Yeremia 41:3

Ishimaeli era yaita n'Abayudaaya boonaboona abaali ni Gedalia e Mizipa, n'abaisirukale Abababilonia abaali agho mu kiseera ekyo.

Yoanne 13:18

“Aye tiri kwogera ku imwe mwenamwena, ndidhi abo be nalonda. Aye Ebyaghandiikibwa biri n'okutuukirira, ebikoba biti, ‘Omuntu mwene alya ku mugaati gwange n'anfuukiire omuzigu.’