Yeremia 41:18 - Baibuli Ekibono kya Katonda 2014

¹⁸ Baayenda okuja e Misiri olw'okutya Abababilonia, kuba Ishimaeli mutabane wa Nethania yatemula Gedalia mutabane wa Ahikamu, kyabazinga w'e Babilonia ye yali aghaire okufuga Buyudaaya.

Yeremia 41:18 ပူးပေါင်းရင်းမြစ်များ

2 Bakyabazinga 25:22

Kyabazinga Nebukadinezzari ow'e Babilonia yaataagho Gedalia, mutabane wa Ahikamu era mwidhukulu wa Shafani, abe omufuzi w'abantu abaasigala mu Buyudaaya, kyabazinga oyo be yalekamu.

2 Bakyabazinga 25:25

Aye mu mwezi ogwomusanvu, Ishimaeli mutabane wa Nethania era mwidhukulu wa Elishama ow'oku lulyo olulangira, yaaja n'abantu ikumi e Mizipa, baalumba baita Gedalia, n'Abayudaaya, era n'Abababilonia abaali naye eyo.

Isaia 57:11

Musengwa Katonda akoba ati: “Bwenebwene bakatonda ki abo be mutya einho mutyo, ni mutuuka n'okuunimba nze era ni muneerabirira irala? Obwo mulekeire agho okuntya, lwa kuba nasirika busirike okumala ekiseera ekinene kityo?

Yeremia 40:5

Agho yankoba ati: “Bw'oba ng'onaasigala, irayo ye Gedalia mutabane wa Ahikamu era mwidhukulu wa Shafani, kyabazinga w'e Babilonia ye yagha okufuga Buyudaaya. Osobola okusigala n'oyo, olwo waaba ng'osigaire mu bantu be bataatwala Babilonia mu bunhage, oba okuja aghandi woonawoona gh'oyenda okuja.” Agho omukulu w'abaisirukale oyo yampa eby'okulya era yampa n'ekirabo, memale yandeka naaja.

Yeremia 42:1

Agho abakulu ab'ebikunsu eby'abaisirukale boonaboona, ni Yohanani mutabane wa Karea, ni Azaria mutabane wa Hoshaia, n'abantu abandi boonaboona okuviira irala ku basembayo ghansi okutuukira irala ku babbede beene, baidha

Yeremia 42:11

Mulekere agho okutya kyabazinga w'e Babilonia. Nze ndi n'imwe era ndidha kubatoola mu ngalo dhe mbawonie.

Yeremia 42:16

mumanhe ng'entalo dhe mutya dhiribaagaana eyo. N'endhala ye muli kulumuka eribanonereza, era mulifiira eyo e Misiri.