Yeremia 41:10 - Baibuli Ekibono kya Katonda 2014

¹⁰ Agho baghala ba kyabazinga n'abantu abandi abaali bakaasigairegho e Mizipa, Nebuzaradani omukulu w'abaisirukale be yali agemiisa Gedalia abalabirire, Ishimaeli yaabatwala ng'abasibe, yaasimbira ku luuyi olw'ekiketezo kya Ammoni.

Yeremia 41:10 ပူးပေါင်းရင်းမြစ်များ

Nehemia 2:10

Aye Saniballati ow'e Bethi Horoni ni Tobia omugheereza Omuammoni bwe baakiwulira, baanakughala ebitaloodheka, okubona nga ghaligho omuntu eyali ali kukola ku lw'obulungi obw'abantu Abaisiraeli.

Nehemia 2:19

Aye Saniballati ow'e Bethi Horoni, ni Tobia omugheereza Omuammoni, ni Geshemu Omuwarabu, bwe baawulira kye tutegeka okukola, baatusekerera inho era baatunhooma. Batubuuza bati: “Muli kukola ki ekyo? Muli kudheemera kyabazinga?”

Yeremia 22:30

“Omusaadha ono mumughandiike mu kitabo eky'abaziraku baana, abe ng'oti tabangaku na mwana naire. Era abe ng'oti n'omuntu atalifuna kalungi mu bulamu; kuba taja kubaaku na mwana oba mwidhukulu aja kwiramu kufuga Buyudaaya ng'omusika wa Daudi. Nze Musengwa Katonda, ninze nkobye.”

Yeremia 38:23

Agho naayongeraku kino nti: “Abaisirukale baja kutoola bakazi bo boonaboona n'abaana bo, babatwale e Babilonia. N'iwe mwene toja kubawona, baja kukugema bakugheeyo eri kyabazinga w'e Babilonia, n'ekibuga kino bakyokye omuliro.”

Yeremia 39:6

Era yeene eyo e Ribula, kyabazinga w'e Babilonia oyo ye yaitira batabane ba Zedekia nga ni Zedekia mwene alingiriire. Yaita n'abakungu ba Buyudaaya boonaboona.

Yeremia 40:14

Baakoba Gedalia bati: “Oidhi nga kyabazinga Baalisi owa Ammoni yatuma Ishimaeli aidhe akutemule?” Aye Gedalia yaaloba kukiikiriza.

Yeremia 40:7

Ghaaligho abandi ku bakulu mu magye ga Buyudaaya n'abaisirukale baibwe abaali mu irungu, nga bakaali kweghaayo kwira ku luuyi lwa kyabazinga w'e Babilonia. Bwe baawulira nga kyabazinga w'e Babilonia aghaire Gedalia mutabane wa Ahikamu okufuga ensi yaibwe n'abantu boonaboona abasembayo okuba abaavu abataatwalibwa Babilonia mu bunhage, baidha eri Gedalia oyo e Mizipa.