Yeremia 41:1 - Baibuli Ekibono kya Katonda 2014

¹ Mu mwezi ogwomusanvu mu mwaka gwene ogwo, Ishimaeli mutabane wa Nethania era mwidhukulu wa Elishama, nga wa ku lulyo lulangira era nga n'owundi ku bakungu ba kyabazinga abakologho, yaaja n'abantu ikumi eri Gedalia e Mizipa. Bwe baali eyo nga bali kuliira ghalala emere,

Yeremia 41:1 ပူးပေါင်းရင်းမြစ်များ

2 Samueli 3:27

Era Abuneri bwe yaira e Heburoni, Yoabu yaamwiza gha mbali gh'omulyango, yaaba ng'oti ali kwenda kwogera naye kyama. Bwe baali nga bali eyo, Yoabu yaamufumita mu mabunda yaafa. Okwo kwali kwesasuuza, kuba Abuneri yaita Asaheli muganda wa Yoabu oyo.

2 Bakyabazinga 11:1

Agho Athalia inhina wa kyabazinga Ahazia bwe yabona nga mutabane we oyo bamwise, yaasituka, yaazikiriza ab'oku lulyo olulangira boonaboona.

2 Bakyabazinga 25:22

Kyabazinga Nebukadinezzari ow'e Babilonia yaataagho Gedalia, mutabane wa Ahikamu era mwidhukulu wa Shafani, abe omufuzi w'abantu abaasigala mu Buyudaaya, kyabazinga oyo be yalekamu.

2 Bakyabazinga 25:25

Aye mu mwezi ogwomusanvu, Ishimaeli mutabane wa Nethania era mwidhukulu wa Elishama ow'oku lulyo olulangira, yaaja n'abantu ikumi e Mizipa, baalumba baita Gedalia, n'Abayudaaya, era n'Abababilonia abaali naye eyo.

2 Ebyomubyanda 22:10

Agho Athalia inhina wa kyabazinga Ahazia bwe yabona nga mutabane we oyo bamwise, yaasitukiramu, yaazikiriza ab'oku lulyo olulangira boonaboona.

Zabbuli 109:5

Kale bwe mbakolera ebikalamu bansasulamu bibi, bwe mbagonza bansasulamu kunkyagha!

Zabbuli 41:9

Ni mukagwa wange mwene ow'omukago ye nali neesiga era ye nalyanga naye, yeena aneefuuliire.

Ensambo 13:10

Okwekuluntaza kuleeta okutabukatabuka, aye okwebuuza ku magezi kuleetera omuntu okuba omugezi.

Ensambo 27:4

Waire ng'omuntu aliku ekiruyi n'obusungu aba mukambwe era wa kabi, aye tatuuka ku wa nsaalwa.

Yeremia 36:12

Yaaja mu kisaagaati kya kyabazinga, mu kisenge eky'omughandiisi abakungu boonaboona ye baali nga batyaime: Elishama omughandiisi, ni Delaia mutabane wa Shemaia, ni Elinathani mutabane wa Akabori, ni Gemaria mutabane wa Shafani, ni Zedekia mutabane wa Hanania, n'abakungu abandi boonaboona.

Yeremia 36:20

Abakungu baata enzingo y'ekitabo mu kisenge kya Elishama omughandiisi. Baamala baaja mu luya lwa kyabazinga, era baakobera kyabazinga byonabyona.

Yeremia 39:14

bandhetesa bantoolayo mu luya olw'ekisaagaati kya kyabazinga. Bangemya Gedalia mutabane wa Ahikamu era mwidhukulu wa Shafani, antwale ewange. Kale naasigala nga ndi mu bantu be bataatwala Babilonia mu bunhage.

Yeremia 40:13

Agho Yohanani mutabane wa Karea, n'abakulu ab'abaisirukale abaali mu irungu abaaloba okweghaayo okwira ku luuyi lwa kyabazinga w'e Babilonia, baidha ye Gedalia e Mizipa.

Yeremia 40:5

Agho yankoba ati: “Bw'oba ng'onaasigala, irayo ye Gedalia mutabane wa Ahikamu era mwidhukulu wa Shafani, kyabazinga w'e Babilonia ye yagha okufuga Buyudaaya. Osobola okusigala n'oyo, olwo waaba ng'osigaire mu bantu be bataatwala Babilonia mu bunhage, oba okuja aghandi woonawoona gh'oyenda okuja.” Agho omukulu w'abaisirukale oyo yampa eby'okulya era yampa n'ekirabo, memale yandeka naaja.

Yeremia 40:6

Naaja ye Gedalia e Mizipa, naabanga eyo ghalala naye mu bantu be bataatwala Babilonia mu bunhage.

Yeremia 40:7

Ghaaligho abandi ku bakulu mu magye ga Buyudaaya n'abaisirukale baibwe abaali mu irungu, nga bakaali kweghaayo kwira ku luuyi lwa kyabazinga w'e Babilonia. Bwe baawulira nga kyabazinga w'e Babilonia aghaire Gedalia mutabane wa Ahikamu okufuga ensi yaibwe n'abantu boonaboona abasembayo okuba abaavu abataatwalibwa Babilonia mu bunhage, baidha eri Gedalia oyo e Mizipa.

Yeremia 40:8

Abaidha baali bano: Ishimaeli mutabane wa Nethania, ni Yohanani mutabane wa Karea, ni Seraia mutabane wa Tanhumethi, ni batabane ba Efai ow'e Netofa, ni Yezania mutabane w'omusaadha ow'e Maaka. Era baidha nga bali ghalala n'abaisirukale baibwe.

Ezekieli 17:13

Yaatwala mulala ku balangira, yaakola naye endagaano era yaamulayiza okuba omwesigwa. Yaatwala n'abantu abakologho mu nsi eyo ng'omusingo,

Yoanne 13:18

“Aye tiri kwogera ku imwe mwenamwena, ndidhi abo be nalonda. Aye Ebyaghandiikibwa biri n'okutuukirira, ebikoba biti, ‘Omuntu mwene alya ku mugaati gwange n'anfuukiire omuzigu.’