Yeremia 40:7 - Baibuli Ekibono kya Katonda 2014

⁷ Ghaaligho abandi ku bakulu mu magye ga Buyudaaya n'abaisirukale baibwe abaali mu irungu, nga bakaali kweghaayo kwira ku luuyi lwa kyabazinga w'e Babilonia. Bwe baawulira nga kyabazinga w'e Babilonia aghaire Gedalia mutabane wa Ahikamu okufuga ensi yaibwe n'abantu boonaboona abasembayo okuba abaavu abataatwalibwa Babilonia mu bunhage, baidha eri Gedalia oyo e Mizipa.

Yeremia 40:7 ပူးပေါင်းရင်းမြစ်များ

2 Bakyabazinga 25:12

Aye yaaleka mu Buyudaaya abandi ku bantu abaavu einho abazira ke bali nako, balimenga era balabirirenga amasamba g'emizabbibu.

2 Bakyabazinga 25:4

Agho baawomola ekituli mu kimante eky'oku kibuga, kyabazinga n'abaisirukale boonaboona baalumuka obwire, waire nga Abababilonia baali bazingiiza ekibuga ku ndhuyi dhoonadhoona. Baagema engira ebitira mu nimiro ya kyabazinga, baabita mu mulyango oguyimba ebimante ebibiri, baaja nga boolekeire ekiiko ekirimu omwiga Yorudani.

Yeremia 39:10

Yaaleka mu Buyudaaya abandi ku bantu abaavu einho abazira ke bali nako, yaabagha amasamba ag'emizabbibu n'ebibandha.

Yeremia 39:14

bandhetesa bantoolayo mu luya olw'ekisaagaati kya kyabazinga. Bangemya Gedalia mutabane wa Ahikamu era mwidhukulu wa Shafani, antwale ewange. Kale naasigala nga ndi mu bantu be bataatwala Babilonia mu bunhage.

Yeremia 39:4

Kyabazinga Zedekia n'abaisirukale be boonaboona bwe baabona ebigwiregho, baalumuka bave mu kibuga obwire. Baagema engira ebitira mu nimiro ya kyabazinga, baabita mu mulyango oguyimba ebimante ebibiri, baaja nga boolekeire ekiiko ekirimu omwiga Yorudani.

Yeremia 39:9

Agho Nebuzaradani omukulu w'abaisirukale Abababilonia yaatwala e Babilonia mu bunhage, abantu abaali basigaire mu kibuga, n'abo abaali beeghaireyo ni baira ku luuyi lwa kyabazinga w'e Babilonia, era n'abandi boonaboona.

Yeremia 41:1

Mu mwezi ogwomusanvu mu mwaka gwene ogwo, Ishimaeli mutabane wa Nethania era mwidhukulu wa Elishama, nga wa ku lulyo lulangira era nga n'owundi ku bakungu ba kyabazinga abakologho, yaaja n'abantu ikumi eri Gedalia e Mizipa. Bwe baali eyo nga bali kuliira ghalala emere,

Yeremia 41:10

Agho baghala ba kyabazinga n'abantu abandi abaali bakaasigairegho e Mizipa, Nebuzaradani omukulu w'abaisirukale be yali agemiisa Gedalia abalabirire, Ishimaeli yaabatwala ng'abasibe, yaasimbira ku luuyi olw'ekiketezo kya Ammoni.

Yeremia 41:11

Agho Yohanani mutabane wa Karea, n'abakulu ab'ebikunsu eby'abaisirukale boonaboona be yali nabo, baawulira obutemo obwo Ishimaeli bwe yakola.

Yeremia 43:6

Mu abo mwalimu abasaadha, n'abakazi, n'abaana, ni baghala ba kyabazinga, n'abantu abandi boonaboona Nebuzaradani omukulu w'abaisirukale Abababilonia, be yali agemiisa Gedalia okubalabirira. Era mu abo baatwaliramu ni Baruku, ninze.

Yeremia 52:16

Aye yaaleka mu Buyudaaya abandi ku bantu abaavu einho abazira ke bali nako, balimenga era balabirirenga amasamba g'emizabbibu.

Ezekieli 45:16

“Abantu boonaboona ab'omu nsi Isiraeli baidha kuleetanga ebigheebwayo ebyo ye kyabazinga wa Isiraeli.