Yeremia 40:5 - Baibuli Ekibono kya Katonda 2014

⁵ Agho yankoba ati: “Bw'oba ng'onaasigala, irayo ye Gedalia mutabane wa Ahikamu era mwidhukulu wa Shafani, kyabazinga w'e Babilonia ye yagha okufuga Buyudaaya. Osobola okusigala n'oyo, olwo waaba ng'osigaire mu bantu be bataatwala Babilonia mu bunhage, oba okuja aghandi woonawoona gh'oyenda okuja.” Agho omukulu w'abaisirukale oyo yampa eby'okulya era yampa n'ekirabo, memale yandeka naaja.

Yeremia 40:5 ပူးပေါင်းရင်းမြစ်များ

2 Bakyabazinga 22:12

Yaagha ekiragiro eri Hilikia kabona, ni Ahikamu mutabane wa Shafani, ni Akabori mutabane wa Mikaia, ni Shafani omughandiisi, ni Asaia omugheereza wa kyabazinga. Yaabakoba ati:

2 Bakyabazinga 22:14

Agho Hilikia kabona, ni Ahikamu, ni Akabori, ni Shafani, ni Asaia, baaja eri Huluda omulanzi omukazi, muka Shallumu. Shallumu oyo yali mutabane wa Tikava era mwidhukulu wa Harahasi. Omukazi oyo yabanga mu kiketezo ekiyaaka ekya Yerusalemu, era nga iba oyo Shallumu n'akuuma eiterekero ly'ebivaalo eby'omu isinzizo. Agho baayogera n'omukazi oyo ku nsonga eyo.

2 Ebyomubyanda 34:20

Yaagha ekiragiro eri Hilikia, ni Ahikamu mutabane wa Shafani, ni Abudoni mutabane wa Mika, ni Shafani omughandiisi, ni Asaia omugheereza wa kyabazinga. Yaabakoba ati:

Ezera 7:27

Agho Ezera yaakoba ati: “Tusaake Musengwa Katonda, Katonda wa badhaadha baife, eyata ekidhuubo ekyo mu mwoyo gwa kyabazinga okulungiya eisinzizo lya Musengwa Katonda oyo, eriri mu Yerusalemu.

Ezera 7:6

Ezera oyo yaava mu nsi Babilonia nga munamateeka mulamba eyali aidhi einho amateeka, Musengwa Katonda, Katonda wa Isiraeli ge yagha Musa. Era olw'okuba Musengwa Katonda yabanga ghalala ni Ezera oyo, kyabazinga yaamugha byonabyona bye yamusabanga.

Nehemia 1:11

Wo Musengwa Katonda, tega kutu wo owulire nze omugheereza wo bye nkusaba, owulire n'eby'abagheereza bo abandi, abasanhukira einho okutya eriina lyo. Nze omugheereza wo nkusaba ompe obughanguzi olwaleero luno, oleetere omusaadha ono okunsaasira.” Mu kiseera ekyo, ninze nagheerezanga kyabazinga eby'okunhwa.

Yobu 22:29

kuba Katonda aisa ghansi abo abeekuluntaza, aye yaalokola abo abeisa ghansi.

Ensambo 16:7

Omuntu bw'akola ebisanhusa Musengwa Katonda, Musengwa Katonda oyo afuula n'ababaire abazigu b'omuntu oyo baaba bakagwa be.

Ensambo 21:1

Omwoyo gwa kyabazinga guba mu buyinza bwa Musengwa Katonda; agukyukiza buli y'ayenda ng'oti n'omweta ogw'amaadhi.

Yeremia 15:11

Aa, Musengwa Katonda, kale ka kibe kityo, ebikolimo byaibwe bingeme, bwemba nga tyakugheereza bukalamu, era bwemba nga tyewolerezaagho muzigu mu biseera ebizibu era eby'obulumi.

Yeremia 26:24

Aye nze Yeremia tibampaayo eri bantu kundhita, kuba Ahikamu mutabane wa Shafani yampolerezaayo inho.

Yeremia 39:14

bandhetesa bantoolayo mu luya olw'ekisaagaati kya kyabazinga. Bangemya Gedalia mutabane wa Ahikamu era mwidhukulu wa Shafani, antwale ewange. Kale naasigala nga ndi mu bantu be bataatwala Babilonia mu bunhage.

Yeremia 40:4

Bona, mperaano ndi kukusibululaku endhegere dhino ku mikono obe wa idembe. Bw'oba oyenda okuja ninze e Babilonia, idha tuje, era ndidha kukulabiriranga bulungi. Aye bw'oba toyenda kuja, otaidha. Bona, ensi yoonayoona eri agho ekuteegereire. Londaku gh'oyenda okuja woonawoona, oje.”

Yeremia 41:1

Mu mwezi ogwomusanvu mu mwaka gwene ogwo, Ishimaeli mutabane wa Nethania era mwidhukulu wa Elishama, nga wa ku lulyo lulangira era nga n'owundi ku bakungu ba kyabazinga abakologho, yaaja n'abantu ikumi eri Gedalia e Mizipa. Bwe baali eyo nga bali kuliira ghalala emere,

Yeremia 41:18

Baayenda okuja e Misiri olw'okutya Abababilonia, kuba Ishimaeli mutabane wa Nethania yatemula Gedalia mutabane wa Ahikamu, kyabazinga w'e Babilonia ye yali aghaire okufuga Buyudaaya.

Yeremia 41:2

Ishimaeli ni bale eikumi be yaidha nabo, baasituka, baasowolayo empiima dhaibwe baita Gedalia, kyabazinga w'e Babilonia ye yali aghaire okufuga ensi eyo.

Ebikolwa by'Abatume 27:3

Ku lunaku olwairirira twatuuka e Sidoni. Yulio yaabisa bukalamu Paulo, yaamuganha okuja ye bakagwa be okumulabirira.

Ebikolwa by'Abatume 27:43

Aye omukulu ow'ekikunsu eky'abaisirukale yaabalobera olw'okwenda okuwonia Paulo. Yaalagira abo abasobola okwewuga basooke okwesuula mu maadhi, beewuge batuuke ku bukalu.

Ebikolwa by'Abatume 28:10

Baatugha ebirabo kamaala era bwe twatuusa ekiseera okuvaayo baatugha byonabyona ebyali byetaagisa mu lugendo.

Abaheburayi 13:6

Kyetuva ni twogera n'obugumu tuti: “Musengwa n'omubeezi wange, tiityenga kintu kyonakyona. Omuntu aghanga kunkola ki?”