Yeremia 40:15 - Baibuli Ekibono kya Katonda 2014

¹⁵ Agho Yohanani yaamukoba mu kyama ati: “Ka nje ndhite Ishimaeli, ghazira aidha kumanha amwise. Lwaki tumuganha okukutemula? Ekyo kiidha kuleetera Abayudaaya boonaboona abeesololeza ghano gh'oli okusansaana, era kireeta akabi ku abo abaasigala mu Buyudaaya boonaboona.”

Yeremia 40:15 ပူးပေါင်းရင်းမြစ်များ

2 Samueli 18:3

Aye abantu baamukoba bati: “Busa, iwe otaja n'ife, kuba ife bwetunaalumuka abazigu tibaidha kutufaaku. Ni bwetunaafa abangi, nga ku buli bantu ababiri ababiri kufaaku omuntu mulala mulala, era abazigu tibaidha kufaayo. Aye iwe ovaamu ife omutwalo mulamba (10,000). Kale, ekisingaku bukalamu, niiwe okusigala mu kibuga n'otugheerezanga obuyambi.”

2 Samueli 21:17

Aye Abishai mutabane wa Zeruia yaidha yaayamba Daudi, yaalumba Omufilisiti oyo yaamwita. Agho abasaadha ba Daudi baamulayirira bati: “Iwe oli ng'oti itaala lya Isiraeli, kale tokairayo kuja n'ife mu lutalo, tiikulwa ng'eitaala eryo lizima.”

Yobu 31:31

Abantu boonaboona ababa mu maka gange baidhi bati kiisi muntu eyaidhanga ye ndi, yagabulwanga eby'okulya yaiguta.

Yeremia 40:8

Abaidha baali bano: Ishimaeli mutabane wa Nethania, ni Yohanani mutabane wa Karea, ni Seraia mutabane wa Tanhumethi, ni batabane ba Efai ow'e Netofa, ni Yezania mutabane w'omusaadha ow'e Maaka. Era baidha nga bali ghalala n'abaisirukale baibwe.

Yeremia 42:2

ye ndi nze Yeremia. Bankoba bati: “Tukweghembye ganha otukolere kye tuja okukusaba! Tusabire eri Musengwa Katonda waife. Tusabire ife twenatwena abaawonagho, kuba eira twali abantu kamaala, aye mpegaano nga bw'obona twasigala batono bati.

Yoanne 11:50

Timubona ng'ekisinga n'omuntu omulala okufiiririra abantu, mu kifo ky'eighanga lyonalyona okuzikirizibwa?”

1 Samueli 24:4

Abasaadha ba Daudi baakoba Daudi bati: “Luno n'olunaku Musengwa Katonda lwe yakukoba ati, ‘Bona eno, nja kukuta omuzigu wo mu ngalo. Olimukola kyonakyona ky'olyenda.’ ” Agho Daudi yaasituka, yeibirira, yaaja yaasala akatundu k'eigemo ku kanzu ya Saulo.

1 Samueli 26:8

Abishai yaakoba Daudi ati: “Katonda akughaire omuzigu wo mu ngalo olwaleero. Kale ni leka mmubiseemu eifumo irala liti, lingire ni mu itaka. Tiidha kumufumita lyakubiri.”