Yeremia 40:14 - Baibuli Ekibono kya Katonda 2014

¹⁴ Baakoba Gedalia bati: “Oidhi nga kyabazinga Baalisi owa Ammoni yatuma Ishimaeli aidhe akutemule?” Aye Gedalia yaaloba kukiikiriza.

Yeremia 40:14 ပူးပေါင်းရင်းမြစ်များ

Isaia 26:10

Ababi ni bw'obakolera ekisa, tibeega kukola bituufu. Ni mu nsi y'abantu abeesimbu mwona bakoleramu bwa bikyamu, baaloba kubona Musengwa Katonda nga bw'ali omukologho.

Yeremia 25:21

abantu ab'omu Edomu, n'ab'e Moabu, n'ab'omu Ammoni

Yeremia 40:13

Agho Yohanani mutabane wa Karea, n'abakulu ab'abaisirukale abaali mu irungu abaaloba okweghaayo okwira ku luuyi lwa kyabazinga w'e Babilonia, baidha ye Gedalia e Mizipa.

Yeremia 40:8

Abaidha baali bano: Ishimaeli mutabane wa Nethania, ni Yohanani mutabane wa Karea, ni Seraia mutabane wa Tanhumethi, ni batabane ba Efai ow'e Netofa, ni Yezania mutabane w'omusaadha ow'e Maaka. Era baidha nga bali ghalala n'abaisirukale baibwe.

Yeremia 41:1

Mu mwezi ogwomusanvu mu mwaka gwene ogwo, Ishimaeli mutabane wa Nethania era mwidhukulu wa Elishama, nga wa ku lulyo lulangira era nga n'owundi ku bakungu ba kyabazinga abakologho, yaaja n'abantu ikumi eri Gedalia e Mizipa. Bwe baali eyo nga bali kuliira ghalala emere,

Yeremia 41:10

Agho baghala ba kyabazinga n'abantu abandi abaali bakaasigairegho e Mizipa, Nebuzaradani omukulu w'abaisirukale be yali agemiisa Gedalia abalabirire, Ishimaeli yaabatwala ng'abasibe, yaasimbira ku luuyi olw'ekiketezo kya Ammoni.

Yeremia 41:2

Ishimaeli ni bale eikumi be yaidha nabo, baasituka, baasowolayo empiima dhaibwe baita Gedalia, kyabazinga w'e Babilonia ye yali aghaire okufuga ensi eyo.

Mika 7:5

Otaikirizanga muntu muliraanwa wo ky'akoba, era oteesiganga ni bw'aba mukagwa wo. Weegenderezenga inho mu by'oyogera, ni bw'oba ng'oli kwogera ni mukazi wo y'oyenda.