Yeremia 40:11 - Baibuli Ekibono kya Katonda 2014

¹¹ Mu nsambo n'endala, Abayudaaya abandi abaali mu Moabu, ni mu Ammoni, ni mu Edomu, ni mu nsi edhindi, baawulira nga kyabazinga ow'e Babilonia yaganha Abayudaaya abandi okusigala mu Buyudaaya era nga Gedalia ni ye yabagha okubafuga.

Yeremia 40:11 ပူးပေါင်းရင်းမြစ်များ

Amainhama 36:8

Kale, Esau, era ayetebwa Edomu, yaabanga mu Seiri ensi ey'ensozi.

Isaia 11:14

Balyeyimba ghalala baalumba Abafilisiti e bugwandhuba, era baaja baanhagulula abantu b'e buvandhuba. Balighangula Abaedomu n'Abamoabu, n'Abammoni boona balibagondera.

Isaia 16:4

Mutuleke tusenge mu nsi yaimwe, mutuwonie oyo ali kwenda okutuzikiriza; kuba oyo atunhigiriza alituusa ekiseera yaavaagho, yaalekera agho okutuzikiriza. Oyo atutyankirira n'ebigere aliva mu nsi yaife.

Yeremia 24:9

Ndidha kubafuula ekintu ekitiisa einho abantu boonaboona ku nsi, bafuuke eky'okwogerwaku era eky'okuyeeyereza. Baidha kubanga kivumo era kikolimo, eyo yoonayoona ye ndibasansaaniza.

Yeremia 41:10

Agho baghala ba kyabazinga n'abantu abandi abaali bakaasigairegho e Mizipa, Nebuzaradani omukulu w'abaisirukale be yali agemiisa Gedalia abalabirire, Ishimaeli yaabatwala ng'abasibe, yaasimbira ku luuyi olw'ekiketezo kya Ammoni.

Yeremia 43:5

Era Yohanani n'abakulu ab'ebikunsu eby'abaisirukale boonaboona, baatwala e Misiri abantu boonaboona abaali basigaire mu Buyudaaya, ghalala n'abo boonaboona abaali baize okuva mu maghanga ye baali basansaaniire.

Yeremia 43:6

Mu abo mwalimu abasaadha, n'abakazi, n'abaana, ni baghala ba kyabazinga, n'abantu abandi boonaboona Nebuzaradani omukulu w'abaisirukale Abababilonia, be yali agemiisa Gedalia okubalabirira. Era mu abo baatwaliramu ni Baruku, ninze.

Yeremia 9:26

Abantu abo ni bano: Abamisiri, Abayudaaya, Abaedomu, Abammoni, Abamoabu, nabo boonaboona ababa mu irungu abasala ku nviiri dhaibwe. Kale ni waire ng'ab'eighanga lya Isiraeli lyonalyona bakekete, aye era beebisa ng'abatali bakekete.”

Ezekieli 25:12

Musengwa Katonda akoba ati: “Olw'okuba Abaedomu beesasuuliza ku Bayudaaya bubi inho, olwo beereetaku omusango omunene einho,

Ezekieli 25:2

“Iwe omuntu, amaiso go galingirize Abammoni, olange akabi akali kubaidhira.

Ezekieli 25:6

Musengwa Katonda waife ayongera yaakoba ati: “Mwakuba mu ngalo, mwasambagala olw'eisanhu, mwalaga omwoyo gwaimwe omubi ogwidhwire obukyayi eri ensi Isiraeli.

Ezekieli 25:8

Musengwa Katonda akoba ati: “Olw'okuba ab'e Moabu baakoba bati Buyudaaya eri ng'amaghanga agandi goonagoona,

Ezekieli 34:6

Entaama dhange edho dhaaja nga dhitambulatambula eyo dhityo, ku nsozi enene ni ku busozi obutono. Dhaasansaanira mu nsi yoonayoona aghazira adhinonerezaaku oba adhinooniaku.

Ezekieli 35:15

ng'oti niiwe bwe wasagamba nga Isiraeli, ensi yange, erekeibwa agho etyo ng'eri bifulukwa byereere. Olusozi Seiri ndidha kulukolaku n'ensi Edomu yoonayoona ngikoleku, birekebwe agho bityo nga biri bifulukwa byereere. Olwo balimanha nga ninze Musengwa Katonda.”

Ezekieli 35:5

Wali n'enzigu ku Baisiraeli ey'olubeerera, wabaghaayo okwitibwa mu lutalo mu kiseera kye baabeera mu kabi, ekiseera eky'okubonerezebwa kwaibwe okusembayo.

Ezekieli 5:12

Ndibaawulamu ebitundu bisatu: Abaliba mu kitundu ekisooka mulifa endwaire era mwalambuka endhala. Abaliba mu kitundu ekyokubiri muliitibwa mu ntalo edhiryezungulula ekibuga kyaimwe. Ate abaliba mu kitundu ekyokusatu ndibasansaaniza ku ndhuyi dhoonadhoona, empewo yaabatwaliriza. Era ndisowolayo empiima mu kiruutu yaaja ng'ebabingirira.

Ezekieli 5:3

Ku nviiri edho oidha kulekaghooku butono buti, obusibe mu katu ku igemo ly'ekanzu yo.

Okubala 22:1

Agho Abaisiraeli baasitula, baaja baatuuka e Yeriko, ere ng'osomoike omwiga Yorudani, mu kiketezo ky'e Moabu eky'oku museetwe, baasimba eyo weema dhaibwe.

Okubala 25:1

Abaisiraeli bwe baali e Shittimu, baatoolera obutaba beesigwa eri Katonda waibwe, baakolanga obwamalaaya n'abakazi Abamoabu.

Okubala 25:2

Abakazi abo bwe baakolanga embaga edh'emisengo gye baaghangayo eri emisambwa gyaibwe, nga beeta Abaisiraeli abo okubeeyimbaku. Abaisiraeli abo baalyanga nabo, era baakubiranga emisambwa egyo amakiryaivu.

1 Samueli 11:1

Agho kyabazinga Omuammoni eyayetebwanga Nahashi, yaaja yaalumba ekibuga Yabeshi Gileadi, yaakizingiza okukyezunguluza. Abantu ab'e Yabeshi baakoba Nahashi oyo bati: “Kola n'ife endagaano, olwo twidha kukugheerezanga.”

1 Samueli 12:12

Aye bwe mwabona nga kyabazinga Nahashi ow'Abammoni ali kwidha okubalumba, mwaloba Musengwa Katonda waimwe okuba kyabazinga waimwe. Mwankoba muti, ‘Twenda kyabazinga n'abe atufugenga.’