Yeremia 40:10 - Baibuli Ekibono kya Katonda 2014

¹⁰ Nze mwene ndidha kuba e Mizipa nsobole okuboogereragho imwe nga Abababilonia baidhie ye tuli. Aye imwe muje mube mu byalo byaimwe, musoloze era mutereke omwenge ogw'emizabbibu, n'ebibala eby'ekyengera, n'omuzigo ogw'ebibala eby'emiti emyoliva.”

Yeremia 40:10 ပူးပေါင်းရင်းမြစ်များ

2 Samueli 16:1

Kyabazinga Daudi bweyali ng'amaze okubitaku akabanga katono ku mutwe gw'olusozi, yayagaanana ni Ziba omugheereza wa Mefiboshethi. Yali n'endogoyi ibiri edhiriku ebintu ebityamibwaku, nga dheetwise emigaati ebikumi bibiri, n'obufaaganda kikumi obw'emizabbibu emikaze, n'ebifaaganda kikumi eby'ebibala ebisookereza okwenga, n'ensagho ey'oluwu ey'omwenge ogw'emizabbibu.

1 Bakyabazinga 10:8

Bakazi bo beesiimye! N'abagheereza bo ababa buliidho mu maiso go ni bawulira eby'amagezi by'oyogera beesiimye!

Ensambo 22:29

Omuntu akola omulimo gwe obukalamu aba nga takaali mu bantu babuliidho, aba agwanira kuba mu bakyabazinga.

Ensambo 27:25

Eisubi ery'ebyayo bwe liba nga limaze okusalibwa era ng'eito liri kumera, n'ery'oku nsozi nga lyona limaze okusalibwa lyaterekebwa,

Isaia 16:9

Mpegaano ndi kulira olw'emizabbibu egy'e Yazeri era naalira n'emizabbibu egy'e Sibima; era ndi kumagaza amaziga olwa Heshiboni ni Eleale, kuba amakungula g'ebibala byaimwe gamiriibwa olutalo.

Yeremia 35:19

Kale ni, nze Musengwa Katonda Afuga Amagye, Katonda wa Isiraeli, nsuubiza nti buliidho ghaidha kubangagho omusaadha ku baidhukulu ba Yonadabu mutabane wa Rekabu, anampeerezanga.’ ”

Yeremia 39:10

Yaaleka mu Buyudaaya abandi ku bantu abaavu einho abazira ke bali nako, yaabagha amasamba ag'emizabbibu n'ebibandha.

Yeremia 40:12

Kale baava eyo yoonayoona ye baali basansaaniire, baira mu Buyudaaya. Baaja e Mizipa ye Gedalia era baasoloza omwenge ogw'emizabbibu n'ebibala eby'ekyengera kamaala.

Yeremia 40:6

Naaja ye Gedalia e Mizipa, naabanga eyo ghalala naye mu bantu be bataatwala Babilonia mu bunhage.

Yeremia 43:5

Era Yohanani n'abakulu ab'ebikunsu eby'abaisirukale boonaboona, baatwala e Misiri abantu boonaboona abaali basigaire mu Buyudaaya, ghalala n'abo boonaboona abaali baize okuva mu maghanga ye baali basansaaniire.

Yeremia 48:32

Ndidha kulira abantu b'e Sibuma okusingaku bwe ndira abantu b'e Yazeri. Iwe ekibuga Sibuma, oli ng'oti muzabbibu oguli n'ensaga endeeyiriri edhituuka ku Nhandha Eyomuunhu, ni dhituukira irala n'e Yazeri. Aye mperaano ole azikiriza agwire mu bibala byaimwe eby'ekyengera n'emizabbibu gyaimwe, yaabizikiriza.

Mika 7:1

Nkagwireku nze! Ndi oti n'omuntu ali endhala aja ku muti ogw'ebibala n'ayagaana nga baagumalaku, era n'aja ku mizabbibu nga kwona baaginogaku. Olwo yaaba ng'asubiibwa obuwoomi bw'emizabbibu n'obw'ebibala eby'emitiini ebisookereza okwenga!

Luka 21:36

Mulingirire inho ebirigho era musabe, musobole okuwona ebyo ebija okubaagho era n'okwemerera mu maiso g'Omwana w'Omuntu.”

Amateeka Agokubiri 1:38

aye omubeezi wo Yoshua, mutabane wa Nuni n'aligingiramu. Kale gumya Yoshua oyo omwoyo, kuba n'alituusa Abaisiraeli mu nsi eyo ni bagitwala ng'obutaka bwaibwe’.

Amateeka Agokubiri 16:13

Musa yaakoba Abaisiraeli ati: “Bwe munaamalanga okukuba emere yaimwe ey'empeke n'okugikunguuta, ni mumala n'okukunha omwenge gwaimwe ogw'emizabbibu, munaakolanga Ekibinuko eky'Entindi okumala enaku musanvu.