Yeremia 4:7 - Baibuli Ekibono kya Katonda 2014

⁷ Azikiriza amaghanga aviireyo, aviireyo ng'oti mpologoma eva mu kisaka kyayo. Aidhie okufafaagania ensi yaimwe; ebibuga byaimwe biidha kufuuka bifulukwa byereere, nga biziramu bantu babibaamu.

Yeremia 4:7 ပူးပေါင်းရင်းမြစ်များ

2 Bakyabazinga 24:1

Yehoiakimu bweyali nga ni kyabazinga, ghaabaagho kyabazinga Nebukadinezzari ow'e Babilonia yaalumba Buyudaaya. Yehoiakimu yaakakibwa okufuuka omugheereza we okumala entangama ya myaka esatu. Aye yaamala yaamwefuulaku, yaamudheemera.

2 Bakyabazinga 25:1

Ku lunaku olweikumi, mu mwezi ogweikumi, mu mwaka ogwomwenda nga Zedekia n'afuga Buyudaaya, kyabazinga Nebukadinezzari ow'e Babilonia yaidha n'eigye lyonalyona okulumba ekibuga Yerusalemu. Baakizingiza era baakibungaku emungo ey'eitaka ey'okuniiniraku okukirwanisa.

Isaia 1:7

Ensi yaimwe bagizikiriiza, n'ebibuga byaimwe baabyokya omuliro byasiriira; abantu abagwira balumbye ensi yaimwe; baaginhaga era baazikiriza n'ebigirimu nga mubona muti.

Isaia 5:9

Mpuliire Musengwa Katonda Afuga Amagye ng'akoba ati: “Bwenebwene endhu kamaala dhirifuuka bifulukwa, endhu enkologho era edhiboneka obulungi dhirisigala ndhereere omuzira bantu.

Isaia 6:11

Nze naabuuza nti: “Wo Musengwa Katonda, ekyo kiriba kityo kumala kiseera ki?” Yandhiramu ati: “Okutuusa ng'ebibuga bifuuse bifulukwa, nga tibikaalimu bantu babibaamu, n'amayumba nga tigakaalimu bantu, n'ensi ng'ezikiriire okuweekereragho.

Yeremia 2:15

Abazigu baibwe babawologomera na maani ng'oti mpologoma. Era baleeteire ensi Isiraeli okufuuka eirungu, baazikiriza ebibuga byamu byafuuka bifulukwa byereere, ghaabulagho omuntu abibaamu.

Yeremia 22:6

Musengwa Katonda ati bw'akoba ku kisaagaati kya kyabazinga wa Buyudaaya: “Ekisaagaati kya kyabazinga wa Buyudaaya kiboneka bulungi ng'oti n'ensi Gileadi, era ng'oti n'ensozi edh'e Lebanoni. Aye nja kukifuula ekifo ekisigaire obwagho kityo, era ekibuga ekiziramu muntu akibaamu naire.

Yeremia 22:7

Nja kusindika abantu baidhe bakizikirize. Baliidha n'empasa dhaibwe, baatematema empango dhaakyo edh'emivule edhiboneka obulungi einho, baadhisuula mu muliro.

Yeremia 25:38

Musengwa Katonda alekuliire agho abantu be, ng'oti n'empologoma bw'eva mu mpuku yaayo. Ebitiisa eby'omu lutalo n'obusungu bwa Musengwa Katonda obubitirivu, bireeteire ensi yaibwe okufuuka ng'oti bwa irungu.”

Yeremia 25:9

‘Bona, nja kwetesa abantu boonaboona ababa ku luuyi olw'omukono omugooda olw'e buvandhuba, era ndhetese n'omugheereza wange Nebukadinezzari kyabazinga w'e Babilonia. Memale mbaleete balwanise abantu b'omu Buyudaaya, n'ab'omu maghanga goonagoona agaliiraine agho. Nja kuzikiriza nsaaniegho eighanga lino Buyudaaya ghalala n'amaghanga agaliiraine agho, mu nsambo etiisa einho, buli muntu ageesimoozenga bwesimooze era agavumirirenga ebyanda n'ebyanda. Nze Musengwa Katonda, ninze nkobye.

Yeremia 26:9

Lwaki olanze mu liina lya Musengwa Katonda oti eisinzizo lino lija kufuuka nga Shilo, era oti ekibuga kino kija kuzikirizibwa ghabule n'omuntu akibaamu?” Agho abantu boonaboona beesololeza ghe ndi, baaneezungulula mu isinzizo.

Yeremia 27:8

“Aye eighanga lyonalyona oba obwakyabazinga, abaliroba okufugibwa Nebukadinezzari, ni baloba okugonda ng'oti n'ensolo bw'egonda n'evaala mu nkoto ekikoligo kya musengwa waayo, ndibabonereza nga mbazikiriza mu ntalo era nga mbasindikira endhala n'endwaire ya kawumpuli bibaite, okutuusa lwe ndireetera Nebukadinezzari oyo okubasaanizaagho irala.

Yeremia 33:10

Musengwa Katonda akoba ati: “Abantu bakoba bati ekifo kino kiri ng'oti irungu, era bati kiziramu bantu bakibaamu waire ensolo. Era batuufu okukoba batyo, kuba ebibuga eby'omu Buyudaaya biziramu bantu, n'enguudo edh'omu Yerusalemu nkalu. Ghazira bantu babaamu waire nsolo dhibaamu. Aye mu bifo ebyo oliiramu okuwulira

Yeremia 34:22

Nze Musengwa Katonda ndiragira Abababilonia baira okulumba ekibuga kino, era baakirwanisa baakigema, baakyokya omuliro. Ebibuga eby'omu Buyudaaya ndibifuula bifulukwa byereere, ghaabulagho omuntu abibaamu. Nze Musengwa Katonda, ninze nkobye.”

Yeremia 4:29

Abantu b'omu bibuga oluliwulira empindo dh'abavuzi b'embalaasi n'edh'abalasa obusaale, ng'olwo boonaboona balumukamu. Abandi balyekuba mu bibira, ate abandi baniina ghaigulu mu gabaalebaale. Ebibuga byonabyona birisigala bwagho bityo nga biziramu bantu naire.

Yeremia 44:2

Musengwa Katonda oyo Afuga Amagye, Katonda wa Isiraeli, yaakoba ati: “Imwe beene mwabona bukalamu akabi ke natuusa ku Yerusalemu, ni ku bibuga ebindi eby'omu Buyudaaya byonabyona. Ni ye buli eno byasigala agho bityo nga biri bifulukwa byereere omutaba bantu,

Yeremia 46:18

Nze Musengwa Katonda Afuga Amagye, ninze kyabazinga, era ninze Katonda omulamu. Ng'olusozi Tabori bwe lweruupiise ghaigulu okusinga ensozi edhindi dhoonadhoona, era ng'olusozi Karumeli bwe lugungumaire ku mbali kw'enhandha, n'amaani g'oyo aja okubalumba imwe gatyo bwe galisinga ag'omuntu owundi yeenayeena.

Yeremia 49:19

Ng'empologoma bw'evaayo mu kibira ekizibirivu ekiri ku mbali kw'omwiga Yorudani n'eja n'erumba ebyayiro by'ensolo ebirungi, zeena ntyo bwendiidha okuzindula Abaedomu, balumuke bave mu nsi yaibwe. Olwo omuntu ye ndirondagho n'alifuga eighanga eryo. Naani asobola okwegeza ku nze? Naani asobola okuneesonsaaku? Era mufuzi ki asobola okuntakania?

Yeremia 5:6

Abantu abo bali n'ebibi kamaala era baava inho ku Katonda. Kale ni empologoma dhiriva mu kibira dhaabaita, emisege gyava mu irungu gyabazikiriza, n'empala dhaabeeteega mu bibuga byaibwe, nga kiisi muntu afuluma dhimuyuzayuza.

Yeremia 50:17

Musengwa Katonda akoba ati: “Abaisiraeli bali ng'oti ntaama edhirumuka ni dhisansaana ng'empologoma dhiri kudhibinga. Kyabazinga ow'e Assiria n'eyasooka okubalumba, memale kabiri kyabazinga Nebukadinezzari ow'e Babilonia yaababegeta amagumba.

Yeremia 50:44

“Ng'empologoma bw'evaayo mu kibira ekizibirivu ekiri ku mbali kw'omwiga Yorudani n'eja n'erumba ebyayiro by'ensolo ebirungi, zeena, nze Musengwa Katonda, ntyo bwendiidha okuzindula Abababilonia, balumuke bave mu kibuga kyaibwe. Olwo omuntu ye ndirondagho n'alifuga eighanga eryo. Naani asobola okwegeza ku nze? Naani asobola okuneesonsaaku? Era mufuzi ki asobola okuntakania?

Yeremia 8:16

Abazigu baife bamaze okutuuka mu kibuga ky'e Dani. Embalaasi dhaibwe tudhiwulira nga dhiri kugufula, era nga dhiri kukuba emyasi, n'ensi yoonayoona yaadhugumira. Abazigu baife bali kwidha okuzikiriza ensi yaife n'ebigirimu byonabyona, era bazikirize ebibuga byaife n'abantu ababirimu boonaboona.”

Yeremia 9:11

Musengwa Katonda yankoba ati: “Ndidha kufuula ekibuga Yerusalemu kibe mmungo dha bifunfugu, era kibe ekifo omusula ebibe. Ebibuga by'omu Buyudaaya byonabyona bija kusigala bifulukwa byereere, ghabulegho omuntu abibaamu.”

Ezekieli 12:20

Ebibuga byonabyona buti ebirimu abantu birizikirizibwa, ensi eyo yaasigala agho bifulukwa byereere. Olwo balimanha nga ninze Musengwa Katonda.”

Ezekieli 21:31

Ndibamaliraku obusungu bwange, ekiruyi kyange kyabatumbukiraku ng'oti muliro, era naabaghaayo mu ngalo edh'abantu abakambwe ng'oti nsolo, abali n'obumanhirivu mu kuzikiriza.

Ezekieli 32:2

“Iwe omuntu, lira amaziga kulwa kyabazinga wa Misiri, omukobe oti: Weebisa ng'oti mpologoma mu maghanga, aye nga bwene oli ng'oti ngoina mu maadhi. Otuumira mu maadhi waagataabuulataabuula n'ebigere byo, waasiikuulasiikuula emiiga.

Danieli 5:19

Era olw'okuba yamugha okuba omukologho, ekyo kyaleetera abantu boonaboona, abava mu maghanga goonagoona, era aboogera enimi dhoonadhoona, okumutyanga n'okudhugumiranga mu maiso ge. Oyo ye yayendanga okwita ng'amwita, ate ye yayendanga okulekagho ng'akaali mulamu ng'amulekagho ng'akaali mulamu. Oyo ye yayendanga akugha ekitiisa ng'akimugha, ate ye yayendanga okukimutoolaku ng'akimutoolaku yaamuleetera okunhoomebwa.

Danieli 7:4

Ekyasooka nga kiri ng'oti mpologoma, aye nga kiri n'amaghagha ng'oti ga nkookooma. Bwe nali nga nkaalingiriire, baakimaanhuulaku amaghagha. Baamala baakisitusa, baakyemereza ku magulu abiri ng'oti muntu, era baakigha okulowooza ng'oti kwa muntu.

Abalevi 26:31

ndidha kusaaniagho ebibuga byaimwe, n'ebifo mwe musinziza, ndobe na kusiimanga misengo gyaimwe.

Abalevi 26:33

Ndidha kubaleeteranga entalo dhibaite, mbasansaanizenga eyo mu maghanga. Ensi yaimwe esigalenga agho etyo, n'ebibuga byaimwe mbisaaniegho.