Yeremia 4:3 - Baibuli Ekibono kya Katonda 2014

³ Musengwa Katonda akoba abantu b'omu Buyudaaya n'ab'omu Yerusalemu, ati: “Mulime enimiro dhaimwe edhaawuumuzibwaku okulimwa, mutasiga nsigo mu mawa.

Yeremia 4:3 ပူးပေါင်းရင်းမြစ်များ

Amainhama 3:18

Eitaka eryo liidha kumerangaku amawa n'ebindi ebikufumita; era oidha kulyanga ebimera eby'omu nsiko.

Okuvaayo 23:11

Aye mu mwaka ogwomusanvu olekanga eitaka lyo lyawuumulaku, era emere yoonayoona ebala mu misiri erekebwangayo, abaavu baagirya. Ate eyo abaavu ye baba nga tibaliire bagirekeranga ensolo edh'omu nsiko dhaalya. Mu nsambo n'endala eyo, otyo bw'onaakolanga amasamba go ag'emizabbibu n'ag'emiti emyoliva.

Hosea 10:12

Nze naakoba nti, ‘Mulime enimiro dhaimwe edhaawuumuzibwaku okulimwa, musige ensigo ey'obutuufu. Mwidha kukungula ebibala olw'okungonza nze obutalekera. Kino n'ekiseera okuunoonia nze Musengwa Katonda. Era ndidha kwidha mbamwageku emikisa egy'obulokozi mingi ng'oti n'amaadhi agagwa.’

Matayo 13:22

Ensigo edhaagwa mu mawa, n'oyo awulira ekibono aye okweraliikirira eby'obulamu obw'ensi, n'okuguyibwa eby'obukombe bifundekeza ekibono kyaloba kwama naire.

Matayo 13:7

Edhindi dhaagwa mu mawa, amawa gaadhifundekeza.

Mariko 4:7

“Edhindi dhaagwa mu mawa, amawa gaaduuma gaadhifundekeza era edho tidhaabala.

Luka 8:14

Ate eyo eyagwa mu mawa n'abantu abawulira ekibono kya Katonda, aye bwe baja, okweraliikirira, obukombe, n'amasanhu ag'obulamu buno bibafundekeza, era tibaleeta bibala.

Luka 8:7

Eyindi yaagwa mu mawa, era olw'okukulira mu mawa gaagifundekeza.