Yeremia 4:28 - Baibuli Ekibono kya Katonda 2014

²⁸ ‘Ekyo kirireetera ensi okulira, ni ku igulu kwairugala; kuba nze kye ndhogeire tiidha kukikyusaamu naire, era kye nsazeegho tiidha kukivaaku naire.’

Yeremia 4:28 ပူးပေါင်းရင်းမြစ်များ

Isaia 24:4

Ensi ewolongeire n'ebigiriku byayongobera; eitaka likaze n'ebiririku byaniala. Ebiri ghaigulu ku igulu n'ebiri ghansi ku itaka byonabyona bifafaagaine.

Isaia 34:4

Endhuba n'omwezi n'emuunienie, birighanuka ku igulu byagwa, eigulu lyazingibwaku ng'oti nzingo ya kitabo. Eby'oku igulu byonabyona birimagala, ng'oti n'amakaba bwe gava ku muzabbibu oba ku mutiini, ni gagwa.

Isaia 5:30

Olunaku olwo bwe lulituuka, baliwologomera mu Isiraeli, ng'oti n'enhandha bw'ewolomboka. Omuntu bw'aliringirira ensi eyo, alibona nzikiiza na nnaku byonka, ng'ebire bikingiriiza omusana, enzikiiza yaidha.

Isaia 50:3

Nsobola okwirugaza eigulu, lyaba ng'oti ndivaaziiza kutiya lyoleke nga bwerinakughaire.”

Yeremia 12:11

Bagifiire bifulukwa byereere omuzira kalungi ke mbonaku. Ensi eyo yoonayoona efuuse irungu, aye ghazira na muntu afaayo naire.

Yeremia 12:4

Ensi yaife erituusa li okukala, n'eisubi lyamu lyonalyona okuniala? Ensolo n'enhonhi dhiri kufa, olw'obubi bw'abantu baife abo abakoba bati: “Katonda tabona bye tukola.”

Yeremia 14:2

“Ensi Buyudaaya eri mu kulira, ebibuga byamu biri kufaagho. Abantu baamu balambaala ku itaka olw'okunakughala. N'ab'omu Yerusalemu baawowoola ebitaloodheka.

Yeremia 23:10

Ensi eidhwire abantu abatali beesigwa eri Musengwa Katonda. Bakola ebibi era baakozesa bubi obuyinza bwaibwe. Ensi erira bulire, n'eisubi lyakala mu byayiro, olw'ekikolimo kya Musengwa Katonda.

Yeremia 23:20

Era obusungu bwa Musengwa tibuja kwika, okutuusa ng'amaze okukola n'okutuukiriza ky'asazeegho okukola. Imwe abantu be, ekyo mulikitegeera bukalamu mu biseera eby'oluvainhuma.”

Yeremia 30:24

Era obusungu bwa Musengwa Katonda obubitirivu tibuja kwika, okutuusa ng'amaze okukola n'okutuukiriza ky'asazeegho okukola. Imwe abantu be, ekyo mulikitegeera bukalamu mu biseera eby'oluvainhuma.

Yeremia 51:12

Mughanike ebendera muje mulumbe ekimante ekyezungulwire ekibuga Babiloni. Mwongere ku baisirukale abali kukikuuma babe bangi. Muteegho abakuuma omusana n'abakuuma obwire, era muteegho n'abeeteeze okuzinduukiriza abazigu.” Musengwa Katonda atuukiriiza ekyo kye yeesoomera okukola abantu b'omu Babilonia.

Yeremia 7:16

Musengwa Katonda yaakoba ati: “Iwe Yeremia, otadaaga kusabira bantu bano. Era otandirira ku lwaibwe waire okunsaba ng'obeewolereza, kuba tiidha kukuwulirisa.

Okulira 2:17

Musengwa alwire eira yaatuukiriza ekigendererwa kye, nga bwe yatwesoomera. Era nga bwe yasalagho eira einho, azikiriiza ng'aziramu na kusaasira. Aghaire abazigu baife okusagamba olw'obughanguzi, yaabongera okuba ab'amaani einho.

Ezekieli 24:14

Nze Musengwa Katonda mwene, ninze nkobye. Era ekyo ndikikola naakituukiriza. Tiriira inhuma, tirisaasira era tiryeidhusa naire. Ndikusalira omusango nga njiira ku mpisa dho ni ku bikolwa byo.” Musengwa Katonda atyo bw'akoba.

Hosea 13:14

Tirinunula bantu bano kubatoola mu magombe, waire okubawonia okufa. Iwe Okufa, ebibamba by'osindikira abantu biri gha? Iwe Amagombe, okuzikiriza kwo kuli gha? Nze tikaali na kusaasira naire.

Hosea 4:3

Kale ni ensi eno erikala, na buli kiramu ekigiriku kyafa. Ensolo edh'omu nsiko, n'enhonhi edhiguluka, n'ebyenhandha, byonabyona birifa.

Yoeli 1:10

Enimiro dhaazika, eitaka lyawolongera; kuba engaano yazikirizibwa, emizabbibu mwe bakunha omwenge gyaniala, n'ebibala eby'emiti emyoliva mwe bakamula omuzigo byakala.

Zekaria 8:14

Musengwa Katonda Afuga Amagye akoba ati: “Badhaadha baimwe bwe bansonsoonia ni bandeetera okusungughala, nategeka okubakola akabi era naatuukiriza entegeka eyo aghazira kukyusaamu kirowoozo kyange naire.

Okubala 23:19

Katonda talimba, aye abantu balimba; Katonda takyuka, aye abantu bakyuka. Ky'akoba taloba kukikola; ky'ayogera taloba kukituukiriza.

Matayo 27:45

Mperaano, okuva ku saawa eyomukaaga enzikiiza yaagema ensi yoonayoona okutuuka ku saawa eyomwenda.

Mariko 15:33

Esaawa bwe dhaaghera omukaaga, enzikiiza yaagema ensi yoonayoona okutuuka esaawa omwenda.

Luka 23:44

Olwo agho dhaali esaawa nga mukaaga, ensi yairugala be zigizigi okutuusa esaawa mwenda,

Ab'Efeso 1:11

Katonda akola byonabyona nga bw'ayenda ng'ajiira ku ntegeka ye, mu Kurisito oyo

Ab'Efeso 1:9

yatumanhisa ekyama eky'ebyo bye yayenda, bye yali yategeka eira okutuukiririza mu Kurisito.

Abaheburayi 7:21

Aye Yesu yafuuka kabona nga ghaligho ekirayiro Katonda bwe yamukoba ati: “Musengwa yalayira era talyeidhusa, ‘Oli kabona ebyanda n'ebyanda.’ ”

Okwolekebwa 6:12

Entaama Ento bwe yakakampula akamanhiso akomukaaga, naja okulinga nti nga mbona musisi ow'amaani, n'endhuba ng'eirugala ng'oti kisiriiza, n'omwezi gwonagwona nga gumyuka ng'oti musaayi.

1 Samueli 15:29

Ate ekindi, oyo Ekitiisa kya Isiraeli talimba oba okweidhusa, kuba ti muntu amala ni yeidhusa.”