Yeremia 4:22 - Baibuli Ekibono kya Katonda 2014

²² Musengwa Katonda akoba ati: “Abantu bange basiru tibandidhi naire. Basiru ng'oti bwa baana bato; baziramu kutegeera naire. Bakugu mu kukola ebibi, aye tibaidhi kukola birungi.”

Yeremia 4:22 ပူးပေါင်းရင်းမြစ်များ

Amainhama 39:16

Omukazi yaakuuma ekivaalo kya Yosefu, okutuusa musengwa wa Yosefu lwe yaira eka.

2 Samueli 13:3

Aye Amunoni yali ni mukagwa we nga bamweta Yonadabu mutabane wa Shimea, nga Shimea oyo yali muganda wa Daudi. Yonadabu oyo yali musaadha agetageta ebintu einho ng'amagezi tigamuwaaku.

Zabbuli 36:3

Byonabyona by'ayogera byoleka itima na buguya; by'akola tibikaali bya magezi waire okuba ebirungi.

Zabbuli 36:4

Akola entegeka ey'okukola eby'eitima ng'ali mu buliri, yaasituka nga ghazira kirungi kye yeetegeike kukola, era ghazira kibi kimugemya ntete kukola.

Zabbuli 53:4

Aye abakozi b'ebibi bano, abalya abantu bange ng'oti balya mere, kiki kyene kye bataidhi, ekibalobera okusinza Katonda?

Zabbuli 82:5

Muli na butamanha bwaga gha? Muli basiru ba nkula ki? Lwaki mukola eby'obukupya ebyereere? Abantu tibakaakola mazima mu nsi.

Ensambo 28:5

Ababi tibategeera kukola mazima kye kitegeeza, aye abasinza Musengwa Katonda bakitegeera bukalamu.

Isaia 1:3

Ente emanha mwene yo, n'endogoyi yaamanha ekintu musengwa waayo mw'agigheera eby'okulya; aye abantu bange Abaisiraeli okumanha okwaibwe tikutuuka agho, era abantu bange abo baziramu kategeera naire.”

Isaia 27:11

Ensaga dh'emiti gyamu bwe dhikala, abakazi badhikookola, baadhigherera ng'enku. Era ng'abantu abo bwe baziramu naire akategeera, Katonda eyabatonda talibasaasira waire okubagemerwa ekivunika.

Yeremia 10:8

Abo boonaboona basiru era baziramu kategeera, kuba bazira kye basobola kwegera ku bifaananie ebyo eby'ekiti obuti.

Yeremia 13:23

Omuntu asobola okukyusa langi y'omubiri gwe? Oba empala esobola okukyusa obudholodhondho bwayo ku mubiri? Ebyo bwebiba bisoboka, olwo n'imwe mwena omwamanhirira okukola ebibi, mwandibaire musobola okwega okukola ebirungi.

Yeremia 2:8

Bakabona baaloba naire okwebuuzaaku bati, ‘Musengwa Katonda ali gha?’ N'abanamateeka boona baaloba okuumanha. Abafuzi bandheemera, abalanzi baalanga mu liina ly'omusambwa Baali, baajiira ku bintuntu ebiziramu makulu.”

Yeremia 4:21

Ndituusa li okulingiriranga bendera dh'olutalo, n'okuwuliranga okuvuga okw'amagwala?

Yeremia 5:21

Muwulire kino imwe abantu abasiru era abatategeera. Muli n'amaiso aye timubona, era muli n'amatu aye timuwulira.

Yeremia 5:4

Agho naakoba mule nti: “Abantu bano baavu inho era bazira kye baidhi. Tibaidhi Musengwa Katonda by'ayenda, waire okumanha amateeka ga Katonda waibwe oyo.

Yeremia 9:2

Nguli ndi n'ekifo mu irungu mwe nsobola okuba, nandiviire mu bantu bange naaja naaba eyo; kuba boonaboona ti beesigwa naire, baafuuka kikuukuulu kya bantu ba nkwe.

Yeremia 9:3

Olulimi lwe bakozesa ti lutereevu naire, lwidhwire buguya bwereere. Ensi yaibwe mu kifo ky'okubaamu amazima, eidhwire bukupankupania. Musengwa Katonda akoba ati: “Abantu bange beeyongera bwa kukola bibi, era nze tibandidhi naire.”

Yeremia 9:5

Buli muntu aguya mwine, ezira ayogera bya mazima. Baanalirira kwogera bya buguya byereere, era tibalekera kwonoona ni beenenia.

Ezekieli 16:30

Musengwa Katonda akoba ati: “Omwoyo gwo gwakula gutya, iwe okukola ebintu ebyo byonabyona ng'oti ni malaaya ataswalaku naire:

Hosea 4:1

Imwe Abaisiraeli muwulire Musengwa Katonda by'akoba. Ghaligho omusango gw'ali kulumiriza abantu ababa mu nsi eno, kuba abantu b'omu nsi eno ti beesigwa era ti ba kisa, waire okutya Katonda.

Hosea 4:6

Abantu bange bazikirira olw'okuba tibandidhi nze. Imwe bakabona mwaloba okuumanha nze, kale ni zeena ndibaloba okuba bakabona bange. Era nga bwe mwerabira amateeka gange nze Katonda waimwe, zeena nja kwerabira abaana baimwe.

Hosea 5:4

Ebikolwa byaibwe tibibaganha kukyuka kwira ye Katonda waibwe; kuba batwalirizibwa okusinza ebitali Katonda, baaloba okumanha Musengwa Katonda oyo.

Amosi 3:10

Musengwa Katonda akoba ati: “Abantu abo tibaidhi kukolera ku butuufu, okutoolaku okwidhuza endhu dhaibwe ebintu ebinhage n'ebiibe.

Mika 2:1

Bakagwireku abantu abo ababa mu buliri bwaibwe ni bakyesa obwire nga bayiiya ebibi bye banaakola. Era obwire olukya buti nga bakola nga bwe baba bayiiyiiza.

Mika 7:3

Abantu banaze okukola ebibi, abafuzi n'abalamuzi balya enguzi. Omukungu bw'abakobera ekibi ky'ayenda okukola, beeyimba naye baayiiya bwe babe bakikole.

Luka 16:8

“Kale musengwa yaasaaka omughanika oyo atali mwesimbu olw'amagezi ge yasala kuba abaana ab'ensi eno bagezigezi mu ngeri ye bakolaganamu n'ab'oluse lwaibwe okusinga abaana ab'omusana.

Yoanne 16:3

Ebintu bino balibikola olw'okuba tibamanhanga Lata waire nze.

Ab'e Roma 1:22

Bwe beeyeta abagezi baafuuka basiru.

Ab'e Roma 1:28

Olw'okuba baaloba okumanha Katonda, kyova Katonda yabaleka ni badankaana mu myoyo, ni bakola ebitasaana.

Ab'e Roma 16:19

Kuba obuwulize bwaimwe mu kugondera Amawulire Amalungi bumanhiibwa woonawoona, era kyenva nsangaala ku lwaimwe. Nhenda mubenga bagezi mu kukola ekikalamu aye nga timwidhi kukola kibi.

Ab'e Roma 3:11

Ghazira ategeera Katonda waire okumusinza.

1 Ab'e Korintho 14:20

Aboluganda, mutabanga na bidhuubo ng'oti bya baana bato. Bwe kuba mu bya kukola bubi, mube ng'oti baana bato abaziraku musango. Aye mu kudhuuba mube bakulu.

Amateeka Agokubiri 32:28

Isiraeli n'eighanga ly'abantu abaziramu magezi, era abaziramu kutegeera naire.

Amateeka Agokubiri 32:6

Obwo bwene, mutyo bwe mugwaine okubisa Musengwa Katonda, imwe abantu abasiru era abatategeera? Ti ni iseimwe eyabataagho? Ti n'eyabafuula eighanga?