Yeremia 4:20 - Baibuli Ekibono kya Katonda 2014

²⁰ Akabi oluba okuvaagho kati ng'akandi kairagho; ensi yoonayoona efuuse bifulukwa byereere. Okuja okutemya n'okuzibula nga weema dhaife badhizikiriiza, nga n'ensuubo dhaamu badhikanwirekanwire mu kaseera buseera.

Yeremia 4:20 ပူးပေါင်းရင်းမြစ်များ

Zabbuli 42:7

Iwe oleetera amaadhi okwefuukuula, gaatyabuka oti lukuba, era geekuluumulula, nga genda kuumira.

Zabbuli 72:19

Eriina lye ery'ekitiisa lisaakibwenga ebyanda n'ebyanda. Ekitiisa kye kiidhule ensi yoonayoona! Amiina era Amiina.

Okuvaayo 33:5

kuba Musengwa Katonda yali amaze okukoba Musa akobe abantu ati: “Muli ba mpwitu inho, era bwe njiira aghalala n'imwe, ni bwekaba akaseera akatono kati, mbaita naabamalagho. Buti ni mutoolemu ebyamadholobera byaimwe, nze mwene ndidha kumanha eky'okubakolera.”

Isaia 13:6

Muwowoole amaziga kuba olunaku lwa Musengwa Katonda luli kumpi; olunaku oyo Aghanga Ebintu Byonabyona lw'alireeteraku okuzikirira.

Isaia 15:5

Omwoyo guli kuunumira ensi Moabu. Abantu baayo balumukiire e Zoari ni mu Egulathi Shelishiya. Abandi baniinieniinie baaja e Luhithi nga bali kulira amaziga. N'abandi baagema engira ey'e Horonaimu, nga bali kuwowoola ebitaloodheka.

Isaia 33:20

Mulingirire Sioni ekibuga kye tukulizaamu embaga edh'ebibinuko byaife ebyalagirwa. Mubone Yerusalemu nga bwe kirimu emiraala, kuba era ekyo n'ekifo ekibeekamu. Kiriba ng'oti ni weema ye batatoolagho, ng'enkondo dhaayo tidhisimbulwagho, waire emigugha gyayo okukutuka.

Isaia 47:9

Aye ebyo byombi birikwidhira mu kaseera buseera era ku lunaku lulala luti, waafiirwa abaana era wafuuka namwandu. Era waire eirogo lyo n'okulagula kwo, by'okozesa tibirikuwonia naire.

Isaia 54:2

Kola ogaziye weema yo, ogaziye n'ensuubo dhaamu, oleeye n'emigugha gyayo, era onhweze n'enkondo dhaayo.

Yeremia 12:11

Bagifiire bifulukwa byereere omuzira kalungi ke mbonaku. Ensi eyo yoonayoona efuuse irungu, aye ghazira na muntu afaayo naire.

Yeremia 17:18

Abo abankiriga bagwananga baaswala, aye nze, iwe Musengwa Katonda, mponia okuswala. Beene n'ababe beeraliikirirenga, aye nze otandekanga kweraliikirira. Basindikire akabi kabasaanizeegho irala.

Yeremia 4:21

Ndituusa li okulingiriranga bendera dh'olutalo, n'okuwuliranga okuvuga okw'amagwala?

Yeremia 4:27

Musengwa Katonda akoba ati: “Ensi eyo yoonayoona eidha kusigala agho etyo, ng'eri bwa bifulukwa byereere. Aye era tirigizikiriza yoonayoona kuwaagho.

Yeremia 4:6

Mughanike bendera nga mugiringiriiza e Sioni, mulumuke mwewonie aghazira kugayaala naire; kuba Musengwa Katonda aja kuleeta akabi n'okuzikirira okunene einho, okuva ku luuyi olw'omukono omugooda olw'e buvandhuba.

Yeremia 9:18

Abantu baakoba bati: “Mubakobe bangughe batuliriseeku, amaziga gamagale okutuva mu maiso, n'ebigoghe byaife bibole bubole.”

Okulira 3:47

Batulumba twatya inho, baatufafaagania era baatuzikiriza.

Ezekieli 14:21

Agho ni Musengwa Katonda akoba ati: “Bwenebwene tikirisingagho inho bwe ndisindika ku Yerusalemu ebibonerezo byange ebina ebikakali: olutalo, endhala, ensolo edh'akabi, n'endwaire ya kawumpuli, okuja okukiitamu abantu n'ensolo?

Yoeli 1:15

Tukagwireku! Olunaku lwa Musengwa Katonda luli kumpi; olunaku oyo Aghanga Ebintu Byonabyona lw'alireeteraku okuzikirira.

Abalevi 26:18

“Ebyo byonabyona bwe binaamalanga okubaagho, era ni musigala nga timukampulira, ekibonerezo kyaimwe ndidha kukyongerangaku emikuzi musanvu olw'ebibi byaimwe.

Abalevi 26:21

“Bwe munaayongeranga okukola empwitu n'obutampulira, ndidha kwongeranga kabiri ku kibonerezo kyaimwe emikuzi musanvu, nga njiira ku bungi bw'ebibi byaimwe.

Abalevi 26:24

zeena ndibeefuulaku naababonereza emikuzi musanvu okuwulagho olw'ebibi byaimwe.

Abalevi 26:28

zeena ndibeefuulaku mu busungu naayongera okubabonereza emikuzi musanvu okusingagho olw'ebibi byaimwe.

Habakkuku 3:7

Nabona abantu ab'e Kushani nga bali mu kutya, n'ab'e Midia nga bali kudhugumira.

Okubala 16:21

“Mwesende muve mu bantu bano, mbazikirize amangu gano.”

Okubala 16:45

“Mwesende muve mu bantu bano, mbazikirize buti buti!” Musa ni Aaroni baakutama n'ebyeni byatuuka ku itaka.

Matayo 10:28

Mutatyanga abo abaita omubiri aye nga tibaghanga kwita mwoyo, aye mutye oyo aghanga okuzikiriza omwoyo n'omubiri mu geyeena.

2 Ab'e Thessalonika 1:9

Ekibonerezo kye balifuna kya kuzikirira, na kubingibwa mu maiso ga Musengwa aghali ekitiisa kye eky'amaani.