Yeremia 4:19 - Baibuli Ekibono kya Katonda 2014

¹⁹ Obulumi bwe ndi nabwo bwenda bwa kundhita! Omwoyo guunumirira era gwampakukapakuka! Kino tisobola kukisirikira, kuba mpulira amagwala agali kuvuga, n'enduulu edh'olutalo.

Yeremia 4:19 ပူးပေါင်းရင်းမြစ်များ

Amainhama 49:6

Tiryeyimba nabo mu ntegeka dhaibwe edh'okukola ebibi, waire okutyama nabo mu neekobaano dhaibwe; kuba mu busungu bwaibwe baita abasaadha, era mu iralu lyaibwe baatema ente ebigere.

2 Bakyabazinga 4:19

Yaalirira ise ati: “Omutwe guli kundhita, omutwe guli kundhita!” Ise yaakoba omugheereza we ati: “Mubbeede omutwale ye inhina.”

2 Bakyabazinga 8:11

Agho Elisha yaalingirira Hazaeli obutatemya, okutuusa ensoni lwe dhaagema Hazaeli oyo. Elisha omuntu wa Katonda oyo yaalira amaziga.

Zabbuli 103:1

Ka nsaake Musengwa Katonda n'omwoyo gwange gwonagwona, na buli kitundu kya mubiri gwange kisaake eriina lye eitukuvu.

Zabbuli 116:7

Olwo naalekera okweraliikirira, kuba Musengwa Katonda yankolera bukalamu.

Zabbuli 119:136

Amaziga gakuuluula okunva mu maiso ng'oti miiga, olw'okubona ng'abantu tibagema mateeka go.

Zabbuli 119:53

Bwembona abakozi b'ebibi nga tibali kujiira ku mateeka go, obusungu bungema bungi.

Zabbuli 146:1

Nze ka nsaake Musengwa Katonda. Ka nsaake Musengwa Katonda n'omwoyo gwange gwonagwona.

Zabbuli 16:2

Nze nkoba Musengwa Katonda nti: “Niiwe Musengwa Katonda wange, nzira kikalamu kyonakyona okutoolaku iwe.”

Isaia 15:5

Omwoyo guli kuunumira ensi Moabu. Abantu baayo balumukiire e Zoari ni mu Egulathi Shelishiya. Abandi baniinieniinie baaja e Luhithi nga bali kulira amaziga. N'abandi baagema engira ey'e Horonaimu, nga bali kuwowoola ebitaloodheka.

Isaia 16:11

Kyenva ni ngegenga olwa Moabu, era ni ndira enaku olwa Kiriheresi.

Isaia 21:3

Obulumi bwe ndi nabwo bwenda kundhita bwite; ndi ng'oti n'omukazi ali kulumwa okuzaala. Obulumi tibunganha kubona waire okuwulira.

Isaia 21:4

Akazunguluze kangemye era ndi kudhugumira olw'okutya. Enzikiiza ey'eigulo ye mbaire neegomba etuuke, eri ku ntiisa butiise.

Isaia 22:4

Agho naakoba nti: “Muleke kuuningirira. Muje ere, mundeke nze ndire enaku yange, olw'abantu bange be nfiiriirwa. Mutadaaga na kunsaasira.”

Yeremia 13:17

Aye bwe munaaloba okuwulirisa bye nkoba, ndidha kulira mule mu ngiso olw'okwekuluntaza kwaimwe. Ndidha kulira inho mmagaze n'amaziga, olw'abantu ba Musengwa Katonda abatwaliibwa nga banhage.

Yeremia 20:9

Bwe nkoba mule nti: “Ka ndobe kwogera mu liina lya Musengwa Katonda oba waire okumwogeraku obwogere,” obukwenda bwo buba ng'oti muliro oguli kwakira munda mu nze. Era bumbitiriireku tikaasobola kubufuga.

Yeremia 23:9

Omwoyo gumpoiremu, zeenazeena ndi kudhugumira budhugumire, ku lwa Musengwa Katonda, ni ku lw'ebibono bye ebitukuvu. Ndi ng'oti n'omuntu atamiire, omuntu abitiriiza okunhwa omwenge.

Yeremia 4:21

Ndituusa li okulingiriranga bendera dh'olutalo, n'okuwuliranga okuvuga okw'amagwala?

Yeremia 4:5

Mulangirire mu Buyudaaya ni mu Yerusalemu, mukobe abantu muti: “Mufuuwe amagwala mu kiketezo ekyo, mwete abantu n'amaani, muti, ‘Mwesoloze, mwidhe tuje tulumukire mu bibuga ebyezungulwirwa ebimante ebigumu.

Yeremia 42:14

Ka twejiire e Misiri tube eyo, tulobe kubona ntalo, waire okuwulira amagwala agalaalika entalo, oba waire okufa endhala olw'okubulwa emere’,

Yeremia 49:2

Aye bona, ekiseera kiidha kutuuka, abantu ab'omu Rabba ekibuga ekikulu eky'Abammoni, mbaleetere okuwulira okwasiikana okw'omu lutalo. Abazigu balikireka agho kityo nga kifuuse bifulukwa byereere, era nga bookiikya n'ebyalo byakyo omuliro byawaagho. Olwo Abaisiraeli balyeiriza ekiketezo kyaibwe, baakitoola ku abo abaali bakibatoireku.

Yeremia 50:22

Abantu b'omu Babilonia bali kuwulira mu nsi yaibwe eyo okwasiikana okw'omu lutalo, era baabona n'okuzikirira okunene einho.

Yeremia 6:24

Agho abantu b'omu Yerusalemu baakoba bati: “Tuwuliire ebiri kutwidhira, n'emikono gyatuwaamu amaani, twawulira obulumi ng'oti bwa mukazi ali kulumwa okuzaala.

Yeremia 8:18

Enaku yange, nze Yeremia, teja kuwaagho. Mpulira ng'endidhwire bwa ku mwoyo.

Yeremia 8:21

Omwoyo guunuma olw'abantu bange abalumizibwa. Era ntiire inho naawaamu amaani n'enaku yangema.

Yeremia 9:1

Nguli omutwe gwange gwali n'amaadhi mangi ng'oti kidiba, n'amaiso gange ni gaba n'amaziga mangi ng'oti maadhi agakuuluula okuva mu nhindo dh'ensulo, nandirizenga amaziga omusana n'obwire olw'abantu bange abaitibwa.

Yeremia 9:10

Nze Yeremia naakoba nti: “Ndidha kulira amaziga nga ndirira ensozi, era mpowoole olw'ebyayiro ensolo mwe dhiriira; kuba bikaze era biziramu muntu abibitamu naire. Tokaawulira nte nga dhimooleramu. Enhonhi n'ensolo edh'omu nsiko dhaalumukamu dhaaja.”

Okulira 1:16

Bino bindiza, amaziga gaafukumuka okunva mu maiso; kuba ghazira asobola kunsaasiraku, ghazira asobola kundhizaamu maani. Abazigu bange bampangula era abantu bange baasigala nga bawuubaire.

Okulira 1:20

Wo Musengwa Katonda, bona eno ndi mu buzibu bwa maani era ntabwirwa mu mwoyo. Olw'obudheemu bwange ndi mughafu adaaga. Mu nguudo edh'omu kibuga abatemo bali kwita abantu bange, ate mu ndhu mba ng'oti ndi bwa mu magombe.

Okulira 2:11

Amaiso gaanafiighe olw'okulira, era ntabwirwa mu mwoyo. Amaani gampoire n'enaku yangema olw'okuzikirizibwa okw'abantu bange, n'olw'abaana abato abayonka era n'abo abakuzekuzeemu abalambukira ku nguudo edh'ekibuga.

Danieli 4:19

Agho Danieli oyo, era ye baatuuma eriina Beluteshazzari, yaamala akaseera ng'asobeirwa era ng'ali kutya okwogera. Kyabazinga yaamukoba ati: “Beluteshazzari, ekirooto n'amakulu gaakyo birobe kukutiisa bityo.” Beluteshazzari yaamwiramu ati: “Isebantu kyabazinga, kyandibaire kirungi nguli ekirooto ekyo kibaire kigema ku abo abakukyagha, n'amakulu gaakyo gaaba nga gagema ku bazigu bo!

Danieli 7:15

Nze Danieli neeraliikirira era naatya olw'okubonekerwa okwo.

Danieli 7:28

Ebyo agho ghe byakoma. Era nze Danieli naatya inho mule, n'okusiiwuuka naasiiwuuka. Aye era ebintu ebyo naabita ku mwoyo.

Danieli 8:27

Nze Danieli amaani gampwamu, era naabeera irala mulwaire okumala enaku. Oluvainhuma naamala naasituka, naaja ku mirimo kyabazinga gye yampa. Aye okubonekerwa okwo kwasigala nga kukantabwire, nga tisobola kukutegeera naire.

Amosi 3:6

Eigwala eriraalika olutalo, lifuuyibwa mu kibuga abantu baaloba kutya? Akabi kagwa ku kibuga nga Musengwa Katonda ti n'akasindiike?

Habakkuku 3:16

Bwe mpulira ebyo byonabyona ndhugumira, n'ensaya dhantengera olw'okutya. Amagumba gange gaanafugha, n'ebigere byange byatengeeta ku itaka. Ndidha kusirika nteegerere olunaku Katonda lw'alituusa obuzibu ku abo abatulumba.

Okubala 10:9

Bwe munaabanga muja okulwana olutalo mu nsi yaimwe ng'omuzigu abalumbye, mwidha kufuuwanga amagwala ng'akamanhiso ak'okuja. Olwo nze Musengwa Katonda waimwe ndidha kubaidhukiranga mbawonie abazigu abo.

Ab'e Roma 10:1

Aboluganda, omwoyo gwange kye gwenda era kye nsabira Abaisiraeli ye Katonda ni kino nti balokoke.

1 Ab'e Korintho 14:8

Era oyo afuuwa endeka bw'atafuuwa bukalamu, naani aghanga okwetegekera olutalo?

Ab'e Galatia 4:19

Bwana bwange obugonzi, ng'omukazi bw'alumwa ng'azaala, zeena bwenumwa ku lwaimwe okutuusa Kurisito lw'alitondebwa mu myoyo gyaimwe.

Abalamuzi 5:21

Omwidhuzo ogw'omu mwiga Kishoni gwabaghalabania, gwabayoolookeraku gwabeeyaagho. Nze ndidha kutambuza maani, nga tiira inhuma!