Yeremia 4:15 - Baibuli Ekibono kya Katonda 2014

¹⁵ Ghaligho abakwenda abaviire mu kibuga Dani ni mu nsozi dh'omu Efuraimu, okulangirira akabi akali kwidha.

Yeremia 4:15 ပူးပေါင်းရင်းမြစ်များ

Isaia 52:7

Nga kisangaaza okubona omukwenda ng'ali kubitira mu nsozi okwidha okuleeta amawulire amalungi, amawulire agalangirira emiraala era agalangirira obulokozi n'obughanguzi! Omukwenda oyo akoba ati: “Katonda waimwe n'afuga!”

Yeremia 10:22

Wulira oluvuuvuumo luli kwidha. Ghaligho akabuguutano nga kava mu nsi eri ku luuyi olw'omukono omugooda olw'e buvandhuba. Eigye lyayo lija kufuula ebibuga bya Buyudaaya bifulukwa byereere, omuba obw'ebibe.”

Yeremia 6:1

Imwe abantu ba Benjamini mulumuke mwewonie. Muve mu kibuga Yerusalemu. Mufuuyire e Tekoa amagwala, era mute mu kibuga Bethi Hakkeremu akamanhiso; kuba akabi n'okuzikirira biri kwidha nga biva ku luuyi olw'omukono omugooda olw'e buvandhuba.

Yeremia 8:16

Abazigu baife bamaze okutuuka mu kibuga ky'e Dani. Embalaasi dhaibwe tudhiwulira nga dhiri kugufula, era nga dhiri kukuba emyasi, n'ensi yoonayoona yaadhugumira. Abazigu baife bali kwidha okuzikiriza ensi yaife n'ebigirimu byonabyona, era bazikirize ebibuga byaife n'abantu ababirimu boonaboona.”

Yoshua 17:15

Yoshua yaabairamu ati: “Oba nga muli kamaala era ng'ekiketezo ekya Efuraimu eky'ensozi tikibamala, muje musaaghe ebibira mu kiketezo ekirimu Abaperizzi n'Abarefa.”

Yoshua 20:7

Kale e bugwandhuba wa Yorudani baalondayo Kedeshi eky'e Galilaaya, mu kiketezo eky'ensozi ekya Nafutali ate mu kiketezo eky'ensozi ekya Efuraimu baalondayo Shekemu. Mu kiketezo eky'ensozi ekya Yuda baalondayo Kiriathi Araba, ekyo nga ni Heburoni.

Abalamuzi 18:29

Eriina ery'ekibuga ekyo eryali Laishi baalikyusa, baakituuma Dani erya dhaadha waibwe eyali mutabane wa Yakobo.

Abalamuzi 20:1

Agho Abaisiraeli boonaboona, okuva mu kiketezo kya Dani okutuuka e Beerisheba, n'okuva e Gileadi, beesoloza ghalala nga bali kitole mu maiso ga Musengwa Katonda e Mizipa.