Yeremia 4:14 - Baibuli Ekibono kya Katonda 2014

¹⁴ Imwe ab'e Yerusalemu, munaaze emyoyo gyaimwe mugimalemu ebibi, memale mulokolebwe. Mulituusa li okubanga n'ebirowoozo ebibi mu myoyo gyaimwe?

Yeremia 4:14 ပူးပေါင်းရင်းမြစ်များ

Zabbuli 119:113

Nkyagha abantu abayuugayuuga ni batagema mateeka na mwoyo mulala, aye nze ngonza inho amateeka go.

Zabbuli 51:2

Nnaaliza irala omaleku embiidhabiidha, era ontukuze nveeku ebibi!

Zabbuli 66:18

Ngoli nali n'ebibi mu mwoyo gwange, Musengwa Katonda tiyandiwuliriisa kusaba kwange.

Ensambo 1:22

“Imwe abazira kye mwidhi, mulirekera li okugonza okubanga obwagho nga muzira kye mwidhi? Imwe abanhoomi, mulirekera li okusangaalira obunhoomi bwaimwe obwo? Era imwe abasiru mulirekera li okukyagha okumanha?

Isaia 55:7

Ababi balekeyo empisa dhaibwe embi; aboonooni bave mu ndowooza yaibwe embi. Baire eri Musengwa Katonda, aidha kubagemerwa ekivunika; Katonda waife oyo aidha kubasoniyira irala na mwoyo mulala.

Yeremia 13:27

Musengwa Katonda oyo ababona nga mukola ebintu ebyenhinhalwa. Era yaababona nga muja eri bakatonda ab'amaghanga agandi ku nsozi ni mu nsiko. Mwaba ng'oti n'omuntu omwenzi, oba ng'oti n'embalaasi enume bw'emoolera okuniina enkazi. Imwe abantu ab'e Yerusalemu mukagwireku! Mulibaaku li abalongoofu?

Yeremia 17:1

Musengwa Katonda yakoba ati: “Imwe abantu b'omu Buyudaaya, ebibi byaimwe tibibavaaku naire. Biri ng'oti byaghandiikibwa ku myoyo gyaimwe ni ku bintu ebiri ng'oti mayiga ga nsolo ebiri ku nsonda eina edh'alutaari dhaimwe. Ebibi byaimwe biri ng'omuntu bweyandibighandiise ku bipande n'ekalaamu ey'ekyuma ekigumu einho eri n'omunwa ogw'eibaale ery'omughendo eryetebwa diamondi.

Yeremia 18:11

Kale ni kobera abantu b'omu Buyudaaya n'ab'omu Yerusalemu, oti ndi kukola entegeka okubakolaku akabi, era neetegeike okubabonereza. Bakobe buli muntu alekere okukola ebibi, era akyuse empisa dhe n'ebikolwa bye ebibi.

Yeremia 2:22

Ni bwe munaabisa saabbuuni omungi einho, era nsigala nga nkaabona ekimyamya ky'ebibi byaimwe.

Yeremia 6:19

Iwe ensi wulira. Ndidha kuleeta akabi ku bantu bano, olw'entegeka dhaibwe edh'olugezigezi dhe bayiiya; kuba baaloba okuwulira bye mbakoba, era baaloba okugondera amateeka gange.

Ezekieli 18:31

Mwetooleku ebibi byonabyona bye mubairenga mukola, mufune emyoyo emiyaaka n'endowooza empyaka. Imwe abantu b'eighanga Isiraeli, lwaki mwenda okufa?

Zekaria 8:17

Era mutayiiyanga mu myoyo gyaimwe kukola kabi ku banaimwe, waire okulayiranga ebiziramu kuba ebyo byonabyona, nze Musengwa Katonda, mbikyayira irala inho.”

Matayo 12:33

“Omuti mugwete mukalamu nga n'ekibala kyagwo kikalamu oba omuti mugwete mubi nga n'ekibala kyagwo kibi kuba omuti gumanhirwa ku kibala kyagwo.

Luka 11:39

Aye Musengwa yaamukoba ati: “Imwe Abafarisaayo, muja mwatukuza ku ngulu okw'ekikopo n'esowaani ate nga munda mwaimwe mwidhwire obukambuzi n'obubi.

Yoanne 13:9

Simoni Petero yaamwiramu ati: “Musengwa niini otaannaaza bigere byonka, aye nnaaza n'emikono era n'omutwe!”

Ebikolwa by'Abatume 8:22

Kale ni weenenie ekirowoozo kyo ekyo ekibi, weeghembe Katonda tomanha bw'akusonigha ekidhuubo ekyo ekiri mu mwoyo gwo.

Ab'e Roma 1:21

Waire baamanha Katonda aye tibaamwisaamu kitiisa nga Katonda, oba okumwebaza. Aye baira mu kulowooza bitagasa n'emyoyo gyaibwe egizira kye giidhi gyaidhula enzikiiza.

1 Ab'e Korintho 3:20

era n'aghandi kiti: “Musengwa aidhi ng'ebidhuubo by'abagezi tibigasa.”

Yakobo 4:8

Museete kumpi ni Katonda, yeena aidha kuseeta kumpi n'imwe. Munaabe mu ngalo dhaimwe mwetukuze imwe abakozi b'ebibi. Mutukuze emyoyo gyaimwe imwe abaguya.