Yeremia 4:13 - Baibuli Ekibono kya Katonda 2014

¹³ Bona, abazigu baabale bali kwidha ng'oti bire. Ebigaali byaibwe eby'omu lutalo birumuka ng'oti mpewo eyeezungulula n'amaani bw'eidha; n'embalaasi dhaibwe dhiziinhuuka okusingaku n'enkookooma. Tukagwireku ife era tuzikiriire!

Yeremia 4:13 ပူးပေါင်းရင်းမြစ်များ

2 Samueli 1:23

Saulo ni Yonathani baali bagonzi era abasanhusa! Mu bulamu ni mu kufa tibaayawukana, baali ba mbiro okusinga enkookooma, era baaba ba maani okusinga empologoma.

Isaia 13:5

Bava mu maghanga ag'eghala ere ensi y'ekanga. Musengwa Katonda ali kwidha n'obusungu okuzikiriza ensi yoonayoona.

Isaia 19:1

Buno n'obukwenda obugema ku Misiri. Bona, Musengwa Katonda atyaime ku kire ekirumuka embiro, ali kukivuga ng'aja e Misiri. Ebisinzibwa ebitali Katonda eby'e Misiri bija kudhugumira mu maiso ge, n'Abamisiri emyoyo gija kubatekemuka.

Isaia 3:8

Bwenebwene ekibuga Yerusalemu bakizikiriiza n'ensi Buyudaaya baagireetera okugwa; kuba byonabyona abantu bye bakola ni bye boogera, bivumirira Musengwa Katonda, byanhooma n'ekitiisa kye.

Isaia 5:28

Obusaale bwaibwe bwogi, n'obulaso bwaibwe bwonabwona babudhuumwire. Ebinuulo by'embalaasi dhaibwe bibbalangafu ng'oti mabaale, n'enkede edh'ebigaali byaibwe eby'omu lutalo dhirumuka ng'oti n'empewo eyeezungulula n'amaani.

Isaia 66:15

Bona, Musengwa Katonda aliidhira mu muliro ng'ali n'ebigaali eby'omu lutalo ebiziinhuuka ng'oti kiwunga, ng'aidha okwolesa obusungu bwe obubitirivu, n'okubonereza ng'akozesa enimi edh'omuliro.

Yeremia 10:19

Agho abantu bairamu bati: “Tukagwireku okufumitibwa ebibwa tuti. Batutaireku ebibwa ebitaja kuwona. Aye tuzira kya kukoba: enaku eno etutuuseeku tuteekwa kugigumira.

Yeremia 4:12

Eno eidha kuba ya maani okusingagho. Nze Musengwa Katonda mwene ninze nja okusalira abantu bange omusango.”

Yeremia 4:31

Mpuliire okusinda ng'oti n'okw'omukazi ali kulumwa okuzaala, era naawulira okwana ng'oti n'okw'omukazi ali kuzaala omwana we omuberi. Okwo n'okulira kwa Yerusalemu ali kusika omuuka nga tigwidha, n'ayandhuluza emikono ng'akoba ati: ‘Nkagwireku nze! Abatemo bali kwenda kundhita!’”

Yeremia 46:18

Nze Musengwa Katonda Afuga Amagye, ninze kyabazinga, era ninze Katonda omulamu. Ng'olusozi Tabori bwe lweruupiise ghaigulu okusinga ensozi edhindi dhoonadhoona, era ng'olusozi Karumeli bwe lugungumaire ku mbali kw'enhandha, n'amaani g'oyo aja okubalumba imwe gatyo bwe galisinga ag'omuntu owundi yeenayeena.

Yeremia 48:40

Musengwa Katonda akoba ati: “Eighanga lirirumba Moabu lyagigwaku ng'oti n'enkookooma eyandhulwiza amaghagha gaayo.

Yeremia 49:22

Abazigu balirumba Bozira baakigwaku ng'oti n'enkookooma eyandhulwiza amaghagha gaayo. Ku lunaku olwo, abalwani ba Edomu ab'amaani baliidhula okutya ng'oti n'omukazi ali kulumwa okuzaala.”

Yeremia 6:23

Bagemye obulaso n'amafumo, bakambwe era tibasaasira naire. Empindo dhaibwe nga bali ku mbalaasi dhivuuma ng'oti kuwolomboka kwa maadhi ga nhandha. Beetegekeire olutalo, okulwanisa imwe abantu b'omu Yerusalemu.”

Yeremia 9:19

Wulira amaliro agali kuva mu Sioni nga gakoba gati: “Tuzikiriire! Era tuswaire inho; kuba bakonseegho endhu dhaife, twava mu nsi yaife.”

Okulira 4:19

Abazigu nga batubingirira embiro okusingaku n'enkookooma bw'eguluka mu ibbanga; baatubingirira mu nsozi, era baatweteega ni mu irungu.

Ezekieli 26:10

Baliba n'embalaasi kamaala, dhaasiikuula enkungu waagibuliramu n'okugibuliramu. Empindo ey'embalaasi, n'ebigaali eby'okutambuliramu, n'ebigaali eby'omu lutalo, eritengeesa ebimante byo nga bali kubita mu miryango gyo, okwingira mu kibuga ekimaze okuwomolwawomolwa.

Ezekieli 38:9

Oliidha n'eigye lyo lyonalyona, ghalala n'abalwani abava mu maghanga agandi kamaala, mwalumba ensi eyo ng'oti n'amaadhi agalimu kiwunga era mwagighembaku ng'oti kire.”

Danieli 11:40

“Ekiseera eky'enkomerero eya kyabazinga wa Siria bwe kiriba nga kiri kumpi kutuuka, kyabazinga w'e Misiri alimulumba. Era kyabazinga wa Siria oyo aliziinhuuka okuja okumulwanisa ng'oti n'empewo eyeezungulula n'amaani bw'eidha. Alikozesa ebigaali eby'omu lutalo, n'abalwani ab'oku mbalaasi, n'amaato kamaala. Aliidha n'eigye lye eryo, lyalumba ensi kamaala nga liri kubanda bubande ng'oti n'amaadhi ag'omwidhuzo, era lyataalaalira mu nsi edho.

Danieli 7:4

Ekyasooka nga kiri ng'oti mpologoma, aye nga kiri n'amaghagha ng'oti ga nkookooma. Bwe nali nga nkaalingiriire, baakimaanhuulaku amaghagha. Baamala baakisitusa, baakyemereza ku magulu abiri ng'oti muntu, era baakigha okulowooza ng'oti kwa muntu.

Hosea 8:1

Musengwa Katonda akoba ati: “Mufuughe amagwala agalaalika olutalo! Abazigu bali kwidha okugwa ku nsi yange Isiraeli ng'oti nsega; kuba abantu bange Abaisiraeli baamenha endagaano ye nakola nabo, baadheemera amateeka gange.

Mika 2:4

Olunaku olwo bwe lulituuka, abantu balibayiiyaamu olwembo olw'okubayeeyereza, era beeriza amaziga nga bakoba bati: Ee, ebintu nga bitufiiririire! Musengwa Katonda atutoireku eitaka lyaife, yaaligabira abo abaatutwala mu bunhage.”

Nahumu 1:3

Musengwa Katonda alwagho okusungughala, era ali n'obuyinza obutaloodheka. Musengwa Katonda taleka muntu aliku musango nga tamubonereiza. Musengwa Katonda gh'atambulira ghabaagho kiwunga n'empewo eyeezungulula n'amaani. Era ebire, n'ebiba enkungu ebigere bye ye bisiikuula ng'ali kutambula.

Habakkuku 1:8

“Embalaasi dhaibwe dhirumuka embiro okusingaku n'empala, era nkambwe okusingaku emisege egiri endhala einho; dhimaduka nga dhizira kye dhitya. Abadhivuga bava ghala, baidha nga baguluka buguluke ng'oti n'enkookooma bw'eika n'eswankula ky'eja okulya.

Zekaria 6:1

Kabiri naafuna okubonekerwa okundi, era okuja okulinga nti nga mbona ebigaali eby'omu lutalo bina biri kuviira ghagati gh'ensozi ibiri. Ensozi edho dhaali nga dha kyuma kya kikomo.

Matayo 24:30

Agho akamanhiso ak'Omwana w'Omuntu kaliboneka mu igulu era abantu boonaboona ab'oku nsi balikuba empungu, nga babona Omwana w'Omuntu aidhira mu bire eby'omu igulu n'amaani, n'ekitiisa ekinene.

Amateeka Agokubiri 28:49

Musengwa Katonda alibasindikira abantu ab'eighanga erindi, aboogera olulimi lwe mutategeera. Abantu abo alibatoola ku nkomerero y'ensi, baabalumba nga baziinhuuka ng'oti n'enkookooma bw'eziinhuuka.

Okwolekebwa 1:7

Bona, wuuyo aliidhira ku bireri! Abantu boonaboona balimubona, era n'abo abaamufumita balimubona. Abantu boonaboona ku nsi baligegenga ku lulwe. N'ekyo. Amiina.