Yeremia 4:11 - Baibuli Ekibono kya Katonda 2014

¹¹ Mu kiseera ekyo balikobera abantu abo ab'e Yerusalemu, bati: “Ghaligho empewo ebabula eri kufuuwa ng'eva ghaigulu ku nsozi edhiziraku kantu edh'omu irungu, ng'eri kwidha ye muli. Aye nga ti n'empewo ey'empolampola efuuwa ebiwusu ku ngaano enkube.

Yeremia 4:11 ပူးပေါင်းရင်းမြစ်များ

Zabbuli 11:6

Aja kulagira omuliro ogw'amanda n'obuganga bwa salufa, okumagalika ng'oti maadhi ku bakozi b'ebibi, n'empewo ebabula okubafuuwa. Ebyo n'ebiri mu kikopo kye yabategekera okunhwa.

Isaia 22:4

Agho naakoba nti: “Muleke kuuningirira. Muje ere, mundeke nze ndire enaku yange, olw'abantu bange be nfiiriirwa. Mutadaaga na kunsaasira.”

Isaia 27:8

Musengwa Katonda yabonereza abantu be ng'abatwala mu bunhage. Yabakunguudhia n'empewo ye enkambwe eva e buvandhuba.

Isaia 41:16

Olibisensa, empewo yaabifuumuula yaabitwala, ni kiwunga yaabisansaania. Olwo waasagambira mu nze Musengwa Katonda, era wansaaka nze Omutukuvu wa Isiraeli.

Isaia 64:6

Twenatwena twafuuka ng'oti n'abatali balongoofu, n'ebikolwa byaife byonabyona ebirungi, biri ng'oti n'ekivaalo ekikongeire eiko. Olw'ebibi byaife, twenatwena tuli ng'oti makaba maniavu, era empewo etufuuwa ere yaatutwalikiza irala.

Yeremia 13:24

Musengwa Katonda aidha kubasansaania ng'oti n'empewo eva mu irungu bw'esansaania ebikaba.

Yeremia 14:17

Agho Musengwa Katonda yandagira okukobera abantu enaku yange nti: “Amaziga ka gakuuluule okunva mu maiso omusana n'obwire aghazira kulekera, kuba abantu bange bafumitiibwa ebibwa ebinene era baalumizibwa inho.

Yeremia 23:19

Bona, obusungu bwa Musengwa buli ng'oti kiwunga, era buli ng'oti n'empewo ey'amaani erifuuwa nga yeezungululira ku mitwe gy'ababi.

Yeremia 4:12

Eno eidha kuba ya maani okusingagho. Nze Musengwa Katonda mwene ninze nja okusalira abantu bange omusango.”

Yeremia 8:19

Wulira, abantu bange bali kulira woonawoona mu ighanga, bati: “Musengwa Katonda takaaba mu Sioni? Oyo Kyabazinga ow'ensi eno takaabaamu?” Aye Musengwa Katonda yaabairamu ati: “Lwaki mwansoononkereza ni mundeetera okusungughala, nga musinza ebifaananie ebibaadhe, ni musinza ebintu ebitali Katonda?”

Yeremia 9:1

Nguli omutwe gwange gwali n'amaadhi mangi ng'oti kidiba, n'amaiso gange ni gaba n'amaziga mangi ng'oti maadhi agakuuluula okuva mu nhindo dh'ensulo, nandirizenga amaziga omusana n'obwire olw'abantu bange abaitibwa.

Yeremia 9:7

Kale ni Musengwa Katonda oyo Afuga Amagye akoba ati: “Bona eno, ndidha kubasaanuusa ng'omuntu bw'asaanuusa ekyuma, era mbeekebeedhe; kuba nzira kindi kya kukolera bantu bange abo.

Okulira 2:11

Amaiso gaanafiighe olw'okulira, era ntabwirwa mu mwoyo. Amaani gampoire n'enaku yangema olw'okuzikirizibwa okw'abantu bange, n'olw'abaana abato abayonka era n'abo abakuzekuzeemu abalambukira ku nguudo edh'ekibuga.

Okulira 3:48

Nja naalira amaziga ganfukumuka mu maiso ng'oti miiga, olw'okuzikirizibwa okw'abantu bange.

Okulira 4:10

Mu biseera abantu bange bye baazikiriramu, abakazi beenebeene abaamanhibwa okuba abasaasizi, baatuuka okufumba abaana baibwe beene baabafuula emere.

Okulira 4:3

Ni bwebiba ebibe, biyonsa era byalabirira ebyana byabyo, aye abantu bange bakambughala baaba ng'oti ni maaya edh'omu irungu edhitafa ku baana baadho.

Okulira 4:6

Ekibonerezo abantu bange kye baafuna kinene okusinga ekibonerezo ekyagheebwa Sodoma, Katonda kye yazikiriza mu kaseera akazira ghe kaaga.

Ezekieli 17:10

Bona eno, omuzabbibu ogwo bwe bagusimba gulibaagho gwakula? Tigulikala bukale ng'empewo eva e buvandhuba egufuuyiriire, nga guli mu kifo ghe baagusimba?”

Ezekieli 19:12

Aye abantu baagwiwululagho n'emizi mu busungu, baagusuula ghansi. Empewo eva e buvandhuba yaidha yaagukaza. Ebibala byagwo baabikunkumusa ghansi, n'ensaga dhaagwo baadhikookola dhaakala, era baadhookya omuliro.

Hosea 13:15

Abaisiraeli ni bwe baliba nga n'abali obulungi mu baganda baibwe, nze Musengwa Katonda ndisindika empewo yange ey'e buvandhuba eva mu irungu, yaidha yaakaza ensulo dhaibwe n'emiiga gyaibwe. Era erikokoobya ebintu byaibwe eby'omughendo byonabyona bye baatereka.

Hosea 13:3

Kale ni abantu abo baliwaagho ng'oti lufu lwa ku nkyo, era ng'oti musulo ogukala nga bukaali na nkyo. Baliba ng'oti musinsi empewo gw'efuuwa okuva ghe bakubira engaano, era ng'oti mwosi ogufuumuukira mu kituli ni gubulagho.

Hosea 4:19

Empewo eribawungula yaaja nabo, era ensoni dhiribagema olw'emisengo gye baghaayo mu kusinza ebitali Katonda.”

Habakkuku 1:11

Agho baafuumuuka embiro ng'oti mpewo baaja. Abantu abo bali n'omusango, amaani gaibwe ge batwala okuba katonda waibwe.”

Habakkuku 1:6

Bona eno, nja kuleetera Abababilonia babe eighanga ery'amaani einho era ery'obukumu. Baje n'obukambwe mu nsi yoonayoona nga banhaga ebiketezo eby'abantu abandi.

Matayo 3:12

Agemye olugali mu ngalo, aidha kulongoosa bukalamu ekifo kye aghakubirwa engaano, engaano agikungaanize mu kyagi, omusinsi agwokye mu muliro ogutazikira.”

Luka 3:17

Wuuyo agemye olugali mu ngalo aja kulongoosa bukalamu ekifo kye aghakubirwa engaano, engaano agisololeze mu kyagi, omusinsi agwokye n'omuliro ogutazikira.”