Yeremia 4:10 - Baibuli Ekibono kya Katonda 2014

¹⁰ Agho naakoba nti: “Wo Musengwa Katonda waife, walimbalimba abantu bano ab'e Yerusalemu, waabakoba oti, ‘Mwidha kubanga mu miraala,’ ng'ate empiima dhiseese okubasaaniagho!”

Yeremia 4:10 ပူးပေါင်းရင်းမြစ်များ

Okuvaayo 5:22

Agho Musa yaira ye Musengwa Katonda yaasaba ati: “Wo Musengwa Katonda, lwaki oleese obuzibu ku bantu bano? Lwaki wantuma nze.

Okuvaayo 9:14

Ku mukuzi guno nja kukubonereza nga nkusindikira ebibamba iwe mwene, n'abakungu bo, n'abantu bo abandi, olwo omanhe ng'ezirayo wundi ali ng'oti ninze Musengwa Katonda, mu nsi yoonayoona.

Isaia 30:10

Bakoba ababoni bati, ‘Mulekere agho okubonekerwa’ baakoba n'abalanzi bati, ‘Mutalanga bituufu bye mubonekeirwa. Aye mulange ebyo ebitunhoonha, ebitali bituufu naire era eby'obuguya.

Isaia 37:35

Ndidha kulwanirira ekibuga kino nkikuume, ku lwange ni ku lw'omugheereza wange Daudi.’ ”

Isaia 63:17

Wo Musengwa Katonda, lwaki otuleka okudaaliima ni tuva ku ngira y'otwoleka? Lwaki oleetera emyoyo gyaife okukalanguka ni tutakutya? Ganha oire ye tuli, ku lw'abantu bo abagheereza bo, abantu ababo ku bubwo ab'omu bika bya Isiraeli.

Yeremia 1:6

Nze naakoba nti: “Aa, Musengwa Katonda wange, bona eno, nze tiidhi kwogera kuba nkaali muto inho.”

Yeremia 23:17

Buli kaakyeire bakobera abantu abaloba okuwulirisa nze Musengwa Katonda bye nkoba, bati, Mwidha kubanga mu miraala.’ Era baakobera buli muntu akola ebyo omwoyo gwe omukalangufu bye gwenda, bati, ‘Ezira kabi kaidha kukutuukaku naire.’ ”

Yeremia 32:17

“Aa, Musengwa Katonda wange, niiwe owatonda eigulu n'ensi ng'okozesa obuyinza bwo obungi n'amaani go agataloodheka. Ghazira kintu kikalangufu inho iwe ky'otasobola.

Yeremia 4:18

Imwe Abayudaaya, niimwe beene abeereetera ebyo, olw'ensambo ye mwebisangamu n'ebintu bye mwakolanga. Ebibi byaimwe n'ebyabaleetera okudaagadaaga okwo, era bibafumitiire irala ku mwoyo.”

Yeremia 5:12

“Abantu abo boogeire eby'obuguya ku Musengwa Katonda, nga bakoba bati, ‘Musengwa Katonda azira kyaidha kutukola. Ezira kabi kaidha kututuukaku, waire olutalo okutwidhira, oba endhala okugwa mu nsi yaife.’

Yeremia 6:14

Amabwa g'abantu bange bagawonia bwa ku ngulu. Baalamusagania bati, ‘Emiraala gibe n'iwe,’ ate nga ghazira miraala.

Yeremia 8:11

Amabwa g'abantu bange bagawonia bwa ku ngulu. Baalamusagania bati, ‘Emiraala gibe n'iwe,’ ate nga ghazira miraala.

Okulira 2:21

Abakaire n'abato baagaanibwa nga bafu, nga bagwire agho ghansi ku nguudo edh'ekibuga, abaisuka n'abaguna baitibwa n'empiima. Iwe mwene wabasala ku lunaku lwe wasungughaliraku waabaita ng'oziramu na kusaasira.

Ezekieli 11:13

Nali nkaalangirira ebyo, Pelatia mutabane wa Benaia yagwa ghansi yaafa. Agho naakuba amakiryaivu era naakutama n'ekyeni kyatuuka ku itaka. Naaleekaana nti: “Aa, Musengwa Katonda, obwo bwenebwene oja kumaliragho irala buli muntu eyali awoniegho mu Isiraeli?”

Ab'e Roma 1:24

Kale ni kyova Katonda yabalekera okwegomba okw'emyoyo gyaibwe okukola eby'eiko nga baghemula emibiri gyaibwe beene na beene.

Ab'e Roma 1:26

Kyova Katonda yabaleka okufugibwanga okwegomba kwaibwe okubi. Abakazi baibwe mu kifo eky'okukozesa emibiri gyaibwe ng'obutonde bwe buli, bagikozesa bindi ebitajiira ku butonde.

Ab'e Roma 1:28

Olw'okuba baaloba okumanha Katonda, kyova Katonda yabaleka ni badankaana mu myoyo, ni bakola ebitasaana.