Yeremia 39:9 - Baibuli Ekibono kya Katonda 2014

⁹ Agho Nebuzaradani omukulu w'abaisirukale Abababilonia yaatwala e Babilonia mu bunhage, abantu abaali basigaire mu kibuga, n'abo abaali beeghaireyo ni baira ku luuyi lwa kyabazinga w'e Babilonia, era n'abandi boonaboona.

Yeremia 39:9 ပူးပေါင်းရင်းမြစ်များ

Amainhama 37:36

Mu kiseera ekyo, abasuubuzi baali bamaze okutunda Yosefu mu Misiri, nga bamuguziiza Potifari omukungu wa kyabazinga w'e Misiri, era omukulu w'abaisirukale abaakuumanga ekisaagaati kya kyabazinga.

2 Bakyabazinga 20:18

N'abandi ku batabane bo beene, balibatwala baabalaawa, baafuuka bagheereza ba mu kisaagaati ekya kyabazinga w'e Babilonia.’ ”

2 Bakyabazinga 25:11

Agho Nebuzaradani oyo yaabatwala e Babilonia mu bunhage, abantu abaali basigaire mu kibuga, n'abo abaali beeghaireyo ni baira ku luuyi lwa kyabazinga w'e Babilonia, era n'abandi boonaboona.

2 Bakyabazinga 25:20

Nebuzaradani yaabatwala eri kyabazinga w'e Babilonia e Ribula,

Isaia 5:13

Kale abantu bange kye baliva ni batwalibwa mu bunhage, olw'obutaba na kumanha. Abakungu baibwe endhala eribaita, n'abantu baibwe boonaboona baafa olw'endiwo.

Yeremia 10:18

Musengwa Katonda akoba ati: “Bona eno, ku luno ndi kuja kuwoloba ere abantu b'omu nsi eno, ng'oti bali bwa mu nsuumulo. Ndidha kubaleetera enaku ebalume ebitaloodheka.”

Yeremia 16:13

Kyenva ndidha okubatoola mu nsi eno, mbasuule mu nsi imwe beene ni badhaadha baimwe ye mutawulirangaku naire. Eyo ye mwidha okubanga nga mugheereza bakatonda ab'amaghanga agandi omusana n'obwire. Era tija kubagemerwanga kivunika naire.’

Yeremia 24:8

“Aye kyabazinga Zedekia owa Buyudaaya, n'abakungu be, n'abantu b'omu Yerusalemu abaasigala mu nsi eno, n'abo abaalumukira e Misiri, nze Musengwa Katonda abo boonaboona ndibabisa ng'oti n'emitiini egyo emibi einho, egitasobola na kuliibwa.

Yeremia 38:19

Aye kyabazinga yairamu ati: “Nze ntya Bayudaaya banaife abaamala okweghaayo ni baira ku luuyi lw'Abababilonia. Abababilonia basobola okumpaayo eri Abayudaaya abo bandeetera okulumizibwa nga bandaazadaaza.”

Yeremia 40:1

Agho Musengwa Katonda yaayogera ninze, nga Nebuzaradani omukulu w'abaisirukale amaze okunsibulula mu ikomera e Rama. Eyo baali bantwaireyo nga bansibye ku ndhegere, ghalala n'abantu boonaboona abaatoolebwa mu Yerusalemu ni mu Buyudaaya nga bali kutwalibwa e Babilonia mu bunhage.

Yeremia 40:7

Ghaaligho abandi ku bakulu mu magye ga Buyudaaya n'abaisirukale baibwe abaali mu irungu, nga bakaali kweghaayo kwira ku luuyi lwa kyabazinga w'e Babilonia. Bwe baawulira nga kyabazinga w'e Babilonia aghaire Gedalia mutabane wa Ahikamu okufuga ensi yaibwe n'abantu boonaboona abasembayo okuba abaavu abataatwalibwa Babilonia mu bunhage, baidha eri Gedalia oyo e Mizipa.

Yeremia 52:26

Nebuzaradani yaabatwala eri kyabazinga w'e Babilonia eyali e Ribula mu kiseera ekyo,

Yeremia 52:27

mu kiketezo ky'e Hamathi. Kyabazinga oyo yaabakuba era yaabaitira eyo. Batyo Abayudaaya bwe baabatoola mu nsi yaibwe nga basibe, baabatwala mu bunhage.

Danieli 2:14

Agho Danieli yaaja ye Arioki omukulu w'abaisirukale abaakuumanga kyabazinga, eyali aidhie okwita abagezigezi ab'omu Babilonia. Yaakozesa amagezi n'obwegendereza,

Abalevi 26:33

Ndidha kubaleeteranga entalo dhibaite, mbasansaanizenga eyo mu maghanga. Ensi yaimwe esigalenga agho etyo, n'ebibuga byaimwe mbisaaniegho.

Amateeka Agokubiri 4:27

Musengwa Katonda alibasansaaniza eyo mu maghanga agandi, era batono ku imwe abalisigala nga bakaali balamu.