Yeremia 39:5 - Baibuli Ekibono kya Katonda 2014

⁵ Aye eigye ery'Abababilonia lyababingirira, lyagemera Zedekia mu biketezo eby'oku museetwe kumpi n'e Yeriko. Baamutwala ye kyabazinga Nebukadinezzari ng'ali mu kibuga Ribula mu kiketezo ky'e Hamathi, era Nebukadinezzari oyo yaamusalira eyo omusango okumusinga.

Yeremia 39:5 ပူးပေါင်းရင်းမြစ်များ

2 Samueli 8:9

Kyabazinga Toi ow'e Hamathi bwe yawulira nga Daudi aghangwire eigye lyonalyona erya Hadadezeri.

2 Bakyabazinga 17:24

Agho kyabazinga w'e Assiria yaasengula abantu okubatoola mu bibuga, Babiloni, ni Kutha, ni Avva, ni Hamathi, ni Sefarivaimu. Yaabatwala okubasenza mu bibuga bya Samaria, mu kifo ky'Abaisiraeli. Abantu abo baatwala ensi Samaria yaaba yaibwe, baabanga mu bibuga byayo.

2 Bakyabazinga 23:33

Agho kyabazinga Neko ow'e Misiri yaasibira Yehoahazi e Ribula mu nsi y'e Hamathi, alobe kufuga mu Yerusalemu. Yaasalira Buyudaaya omusolo gwa kilo enkumi isatu na bina (3,400) edha feeza ni kilo amakumi asatu na ina (34) edha zaabu.

2 Bakyabazinga 25:6

Agho Abababilonia baamugema baamutwala ye kyabazinga Nebukadinezzari ow'e Babilonia ng'ali e Ribula, yaamusalira omusango gwamusinga.

2 Ebyomubyanda 33:11

Kale Musengwa Katonda oyo yaaleeta abaduumizi b'eigye lya kyabazinga ow'e Assiria baalumba Buyudaaya, baagema Manasse n'ebyuma ebiri ng'oti malobo era baamusiba ku ndhegere edh'ekyuma ky'ekikomo, baamutwala e Babilonia.

Isaia 22:3

Abakulembeze bo boonaboona baalumuka, era abazigu baamala baabagema nga tibalasiisaaku kasaale waire akalala kati. Abazigu baagema abo boonaboona be baayagaana, waire nga baali balumwike nga batuuse ghala.

Yeremia 21:7

Aye iwe Zedekia, n'abakungu bo, n'abantu abandi abaliwona olutalo n'endwaire eyo n'endhala, nja kubalekera kyabazinga Nebukadinezzari n'abazigu baimwe abandi abendanga okubaita, babageme. Nebukadinezzari oyo aja kubaita aghazira kusonigha waire okusaasira. Nze Musengwa Katonda, ninze nkobye.’ ”

Yeremia 24:8

“Aye kyabazinga Zedekia owa Buyudaaya, n'abakungu be, n'abantu b'omu Yerusalemu abaasigala mu nsi eno, n'abo abaalumukira e Misiri, nze Musengwa Katonda abo boonaboona ndibabisa ng'oti n'emitiini egyo emibi einho, egitasobola na kuliibwa.

Yeremia 38:18

Aye bw'onaaloba okweghaayo eri abakungu ba kyabazinga w'e Babilonia, Musengwa Katonda aja kughaayo ekibuga kino eri Abababilonia bakyokye omuliro, era n'iwe weena olobe kubawona.’ ”

Yeremia 38:23

Agho naayongeraku kino nti: “Abaisirukale baja kutoola bakazi bo boonaboona n'abaana bo, babatwale e Babilonia. N'iwe mwene toja kubawona, baja kukugema bakugheeyo eri kyabazinga w'e Babilonia, n'ekibuga kino bakyokye omuliro.”

Yeremia 4:12

Eno eidha kuba ya maani okusingagho. Nze Musengwa Katonda mwene ninze nja okusalira abantu bange omusango.”

Yeremia 44:30

Ndighaayo kyabazinga Hofura ow'e Misiri mu ngalo edh'abazigu be abenda okumwita, ng'oti ni bwe naghaayo kyabazinga Zedekia ow'e Buyudaaya mu ngalo dha kyabazinga Nebukadinezzari ow'e Babilonia, eyali omuzigu we era ng'ayenda okumwita.”

Yeremia 49:23

Bino Musengwa Katonda bye yakoba ku Damasiko, ati: “Abantu b'omu bibuga Hamathi ni Arupadi beeraliikirivu era basobeirwa, kuba baawulira amawulire amabi agatiisa. Okweraliikirira kuli kubeefuukuula mu myoyo gyaibwe ng'oti kwefuukuula kwa nhandha. Era bazira miraala naire.

Okulira 1:3

Abantu ab'omu kibuga ekyo n'ab'omu Buyudaaya mwonamwona baatwalibwa mu bunhage era eyo ye bali mu bwiru. Baba eyo mu maghanga agandi etali waibwe era ye batawuliriraku miraala naire. Beezungulwirwa abazigu be batasobola kunuuka.

Okulira 4:20

Baasima ebiina okutega kyabazinga, oyo Musengwa Katonda ye yasiiga omuzigo abenga obugheereso bwaife, era baamala baamugemya. Ate ng'oyo ye twali tudhuuba tuti n'anaatulwaniriringa nga tulumbiibwa.

Ezekieli 23:24

Balikulumba nga baviira ku luuyi olw'omukono omugooda olw'e buvandhuba, nga bali na igye iramba, n'ebigaali eby'omu lutalo, n'eby'okutambuliramu. Baliidha n'enkoofiira edh'ekyuma ku mitwe, nga bagemye engabo entono n'enene, baakulumba nga bakuva ku buli luuyi. Ndikughaayo mu ngalo dhaibwe, baaja baakusalira omusango nga bajiira ku mateeka gaibwe.

Habakkuku 1:7

Abababilonia abo batiisa era beeraliikiriza bubi inho. Beidhi nga bonka n'ab'amaani, era ng'ezira iteeka libafuga.

Okubala 13:21

Kale abantu abo baaja baakeeta ensi eyo okuva ku irungu ery'e Zini okutuuka e Rehobu, agho gh'oingirira mu Hamathi.

Yoshua 13:5

Ghaligho ekiketezo eky'Abagebali n'eky'e Lebanoni kyonakyona ekiri e buvandhuba ow'e Baalagada nga kiva ku luuyi olw'omukono omusaadha ogw'olusozi Herimoni ku ngira eja e Hamathi.

Yoshua 4:13

Bano baali baghera emitwalo ng'ena (40,000), nga beetegekeire bukalamu olutalo. Agho baasala omwiga nga Musengwa Katonda ali nabo, bangira ekiketezo ky'e Yeriko eky'omuseetwe.

Yoshua 5:10

Abaisiraeli bwe baali nga bakaagumbye agho e Giligali mu biketezo by'e Yeriko eby'omuseetwe, olw'eigulo baakola Ekibinuko eky'Okwidhukiriraku Okubitizibwa, ng'enaku edh'omwezi ikumi na ina.

Abalamuzi 3:3

Abantu abaalekebwa mu nsi eyo ni bano: abantu ab'omu bibuga eby'Abafilisiti ebitaanu n'abafuzi baibwe, n'Abakanaani boonaboona, n'Abasidoni, n'Abahivi abatyamye b'omu nsozi dh'omu Lebanoni, okuva ku lusozi Baali Herimoni okutuuka gh'oingirira e Hamathi.