Yeremia 38:7 - Baibuli Ekibono kya Katonda 2014

⁷ Agho Ebedimeleki Omwethiopia omulaawe, eyagheerezanga mu kisaagaati kya kyabazinga, yaawulira nga bantaire mu nsulo. Mu kiseera ekyo, kyabazinga yali atyaime ku gwetebwa Omulyango gwa Benjamini ng'ali mu lwekobaano.

Yeremia 38:7 ပူးပေါင်းရင်းမြစ်များ

2 Bakyabazinga 24:15

Kyabazinga w'e Babilonia yaatwala Yehoiakini e Babilonia ghalala n'inhina, ni bakazi be, n'abakungu be, n'abantu abakologho mu Buyudaaya. Yabatoola e Yerusalemu, yaabatwala e Babilonia nga basibe.

Zabbuli 68:31

Abakwenda abakologho balireetebwa okuva e Misiri; ate ab'e Ethiopia baagololera Katonda emikono gyaibwe.

Ensambo 29:10

Abatemo bakyayira irala omuntu aziraku musango, aye abeesimbu balabirira omuntu oyo.

Isaia 56:3

Omugwira eyasenga mu bantu ba Musengwa Katonda, atakobanga ati: “Nze bwenebwene Musengwa Katonda aidha kumboola mu bantu be.” N'omulaawe, olw'obutasobola kuzaala baana, atakobanga ati: “Bona, nze ndi ng'oti bwa muti mukalu.”

Yeremia 13:23

Omuntu asobola okukyusa langi y'omubiri gwe? Oba empala esobola okukyusa obudholodhondho bwayo ku mubiri? Ebyo bwebiba bisoboka, olwo n'imwe mwena omwamanhirira okukola ebibi, mwandibaire musobola okwega okukola ebirungi.

Yeremia 20:2

yaalagira bangeme bankube, era bamale bansibire mu nkoligo. Enkoligo eyo yali kumpi n'omulyango ogw'eitale ogw'eisinzizo ogwetebwa Omulyango gwa Benjamini.

Yeremia 26:16

Agho abakungu n'abantu abandi boonaboona baakoba bakabona n'abalanzi bati: “Omusaadha ono ayogeire n'ife mu liina lya Musengwa Katonda waife, kale tagwaniire kwitibwa.”

Yeremia 29:2

Nagighandiika nga kyabazinga Nebukadinezzari oyo amaze okutwala mu bunhage, kyabazinga Yehoiakini, n'inhina wa Yehoiakini oyo, n'abagheereza ghalala n'abakungu b'omu kisaagaati kya kyabazinga, n'abakulembeze b'omu Yerusalemu ni mu Bayudaaya yoonayoona, n'abagheesi, n'abakugu mu mirimo egy'endhawulo.

Yeremia 37:13

Aye bwe natuuka ku gwetebwa Omulyango gwa Benjamini, ghaabaagho omukulu w'abaisirukale nga bamweta Iriya mutabane wa Shelemia era nga mwidhukulu wa Hanania. Yaanhemereza yankoba ati: “Oli kulumuka oire ku luuyi olw'Abababilonia!”

Yeremia 38:8

Kale Ebedimeleki oyo yaaja y'ali, yaamukoba

Amosi 5:10

Abantu imwe, mukyagha omuntu abatakania olw'okusaliriza mu mbuga dh'amateeka. Era n'omuntu ayogera amazima abasina.

Zekaria 14:10

Ekiketezo kyonakyona ekiri ku luuyi olw'omukono omusaadha olw'e buvandhuba olwa Yerusalemu, okuva e Geba okutuuka e Rimmoni, kirifuulibwa museetwe mwereere. Aye Yerusalemu kirisigala mu kifo kyakyo nga kiri ghaigulu okuwula ebiketezo byonabyona ebikyezungulwire. Era ekibuga ekyo kiriva ku gwetebwa Omulyango gwa Benjamini, kyaja kyatuuka ku gwetebwa Omulyango ogw'omu Nsonda aghaali omulyango omukaire, era kyatuuka ku kyetebwa Ekituuti ekya Hananeli, ni ku bikunhiro bya kyabazinga eby'omwenge ogw'emizabbibu.

Matayo 20:16

“Kale ab'ensembo batyo bwe baliba ab'emberi ate n'ab'emberi baaba ab'ensembo.”

Amateeka Agokubiri 21:19

Abazaire abo banaamutwalanga y'abakulembeze b'ekibuga eky'ewaibwe, mu kifo eky'olwekobaano ku mulyango ogwingira ekibuga ekyo,

Yoshua 20:4

Omuntu oyo aghanga okulumukira mu kindi ku bibuga ebyo, era bw'atuuka eyo ali n'okuja aghasalirwa emisango, agho ku luya ku mulyango ogw'ekibuga, yainhonhola abataka abakulu ab'ekibuga ekyo byonabyona nga bwe byali. Bw'amala nga bamungiza mu kibuga nga bamugha agh'okubanga.