Yeremia 38:22 - Baibuli Ekibono kya Katonda 2014

²² Mu kubonekerwa okwo nabona abakazi boonaboona abaali basigaire mu kisaagaati kya kyabazinga wa Buyudaaya, ng'abaisirukale bali kubatwalira abakungu ba kyabazinga w'e Babilonia. Era nga bali kuja bwe bakoba bati, ‘Bakagwa ba kyabazinga be yeesiganga n'abaamubuzaabuza, baamuwubisawubisa; mpegaano bwe baboine ng'atubiire mu bitosi bamulekuliire bw'agho.’ ”

Yeremia 38:22 ပူးပေါင်းရင်းမြစ်များ

Yobu 6:15

Aye bakagwa bange tibeesigika, bali ng'oti n'obwiga obubaamuuku amaadhi, ate ni gamala gakamiira.

Zabbuli 41:9

Ni mukagwa wange mwene ow'omukago ye nali neesiga era ye nalyanga naye, yeena aneefuuliire.

Zabbuli 69:14

Mponia okudimira mu bitosi ontoole mu ngalo edh'abazigu bange ndobe kweyongerayo mu maadhi maleeyi.

Zabbuli 69:2

Ndi kudimira mu bitosi omuzira gha kuniina naire. Ndi kweyongerayo bwa mu maadhi amaleeyi, omwidhuzo gw'amaadhi gwenda kundheyaagho.

Isaia 42:17

Abo abeesiga ebifaananie ebibaadhe, ni bakoba ebifaananie ebyakolebwa mu kyuma ekisaanuusiibwa bati, ‘Niimwe bakatonda baife’, ndibaleetera okunhoomebwa n'okuswazibwa.”

Yeremia 13:21

Olyogera ki, ng'abantu be wadhuubanga okuba bakagwa bo bakughangwire era baakufuga? Toliwulira bulumi ng'oti n'obw'omukazi ali kulumwa okuzaala?

Yeremia 20:10

Mpulira nga boonaboona boogera obwama bati: “Entiisa egemye buli ghantu. Ka tumwogereku bubi, tumuseeghe mu b'obuyinza!” Bakagwa bange beene n'abakoba batyo, nga baguniriire okubona bwe ngwa. Era nga bakoba bati: “Oba katyo tunaamusalira amagezi twamugemya, olwo twamwesasulizaaku.”

Yeremia 27:14

Mutawulirisa bya balanzi ababakoba bati, ‘Mutaganhanga kugheereza kyabazinga w'e Babilonia’. Abalanzi abo balanga bya buguya.

Yeremia 27:15

Musengwa Katonda mwene akoba ati tabatumangaku, kale ni bye balanga mu liina lye bya buguya. Era birireetera Musengwa Katonda oyo okubabinga imwe mu nsi yaimwe, mwaja mwazikiririra eyo ghalala n'abalanzi abo ababaguya.”

Yeremia 38:19

Aye kyabazinga yairamu ati: “Nze ntya Bayudaaya banaife abaamala okweghaayo ni baira ku luuyi lw'Abababilonia. Abababilonia basobola okumpaayo eri Abayudaaya abo bandeetera okulumizibwa nga bandaazadaaza.”

Yeremia 38:21

Aye bw'onaaloba okweghaayo, bino n'ebija okukutuukaku Musengwa Katonda bye yandholeka mu kubonekerwa:

Yeremia 41:10

Agho baghala ba kyabazinga n'abantu abandi abaali bakaasigairegho e Mizipa, Nebuzaradani omukulu w'abaisirukale be yali agemiisa Gedalia abalabirire, Ishimaeli yaabatwala ng'abasibe, yaasimbira ku luuyi olw'ekiketezo kya Ammoni.

Yeremia 43:6

Mu abo mwalimu abasaadha, n'abakazi, n'abaana, ni baghala ba kyabazinga, n'abantu abandi boonaboona Nebuzaradani omukulu w'abaisirukale Abababilonia, be yali agemiisa Gedalia okubalabirira. Era mu abo baatwaliramu ni Baruku, ninze.

Yeremia 46:21

N'abalwani ba Misiri abapangise boona bali bw'agho batyo, ng'oti n'ente entototo empiite ensavu, ghazira kye basobola kukola. Baalemwa okwesimbagho okulwana, boonaboona baakyuka baalumuka bulumuke; kuba olunaku lwaibwe olw'okubonerezebwa lwali lutuuse, era nga n'olunaku lwaibwe olw'okuzikirira.

Yeremia 46:5

Aye Musengwa Katonda yeebuuza ati: “Kiki kye ndi kubona? Batiire inho era bali kwira einhuma! Abalwani baibwe ab'amaani baghangwirwa, baaziinhuuka embiro nga bagwidhubana, aghazira kulinga na inhuma. Era buli ghantu ghali ntiisa ndhereere!

Yeremia 6:12

Abantu abandi n'abalitwala endhu dhaibwe, okwo nga kw'otaire emisiri gyaibwe ni bakazi baibwe. Nja kugolola omukono mbonereze abantu boonaboona ababa mu nsi eno,

Yeremia 8:10

Kye ndiva ni mbatoolaku bakazi baibwe ni mbagha abasaadha abandi, n'emisiri gyaibwe ni ngigha abantu abandi; kuba okuviira irala ku basembayo ghansi okutuukira irala ku babbede beene, boonaboona bagwidhubanira bya kufuna mu bukyamu. Waire abalanzi ni bakabona, boona bakupankupania.

Okulira 1:13

Yagheereza omuliro nga guva ghaigulu, gwantuukira mu magumba gwagamamula. Yataagho olutuula lwangema ebigere, lwanzingamya naabula ghe nja, naasigala agho nga gampoire nga ndi mu bulumi obutasalaku ekiseera kyonakyona.

Okulira 1:2

Omukazi ono asiiba mu maziga era yaasula ng'alira, amaziga gaamukuuluula ku matama. Abo abaalinga bakagwa be ghazira ali agho kumusaasiraku. Era be yakolagananga nabo bamughemukiire tibakaali beesigwa, era baafuuka bazigu y'ali.

Okulira 5:11

Abazigu abo baagema abakazi baife n'abaghala abaguna baabakaka, mu Sioni era ni mu bibuga ebindi eby'omu Buyudaaya.

Mika 7:5

Otaikirizanga muntu muliraanwa wo ky'akoba, era oteesiganga ni bw'aba mukagwa wo. Weegenderezenga inho mu by'oyogera, ni bw'oba ng'oli kwogera ni mukazi wo y'oyenda.