Yeremia 38:18 - Baibuli Ekibono kya Katonda 2014

¹⁸ Aye bw'onaaloba okweghaayo eri abakungu ba kyabazinga w'e Babilonia, Musengwa Katonda aja kughaayo ekibuga kino eri Abababilonia bakyokye omuliro, era n'iwe weena olobe kubawona.’ ”

Yeremia 38:18 ပူးပေါင်းရင်းမြစ်များ

2 Bakyabazinga 24:12

Kyabazinga Yehoiakini owa Buyudaaya, ng'ali ghalala n'inhina, n'abagheereza be, n'abakungu be, n'abakulira ekisaagaati kye, yaavaayo, yeeghaayo mu ngalo dha kyabazinga w'e Babilonia. Mu mwaka ogwomunaana ogwo, nga Nebukadinezzari n'afuga Babilonia, Nebukadinezzari oyo yaatwala Yehoiakini nga musibe.

Yeremia 21:10

Namala okusalagho obutasaasira kibuga kino, okutoolaku okukizikiriza nga nkighaayo mu ngalo dha kyabazinga ow'e Babilonia akyokye omuliro kiweeregho irala. Nze Musengwa Katonda, ninze nkobye.’ ”

Yeremia 27:8

“Aye eighanga lyonalyona oba obwakyabazinga, abaliroba okufugibwa Nebukadinezzari, ni baloba okugonda ng'oti n'ensolo bw'egonda n'evaala mu nkoto ekikoligo kya musengwa waayo, ndibabonereza nga mbazikiriza mu ntalo era nga mbasindikira endhala n'endwaire ya kawumpuli bibaite, okutuusa lwe ndireetera Nebukadinezzari oyo okubasaanizaagho irala.

Yeremia 37:8

Olwo Abababilonia baidha kwira kabiri, balumbe ekibuga kino bakigeme, era bakyokye omuliro.

Yeremia 38:23

Agho naayongeraku kino nti: “Abaisirukale baja kutoola bakazi bo boonaboona n'abaana bo, babatwale e Babilonia. N'iwe mwene toja kubawona, baja kukugema bakugheeyo eri kyabazinga w'e Babilonia, n'ekibuga kino bakyokye omuliro.”

Yeremia 38:3

Era naakobera abantu nti Musengwa Katonda akoba ati, ‘Bwenebwene nze Musengwa Katonda nja kughaayo ekibuga kino eri Abababilonia bakigeme.’ ”

Yeremia 39:3

Bwe baamala okugema Yerusalemu, abakungu abakulu boonaboona aba kyabazinga w'e Babilonia bangira baatyama mu bifo ebyali ku gwetebwa Omulyango Ogwaghagati. Abakungu abo nga ni bano: Nerugali Sharezeri, Shamugari Nebo, Sarasekimu Rabusarisi, ni Nerugali Sharezeri owundi.

Yeremia 39:8

Era Abababilonia baayokya ekisaagaati kya kyabazinga, n'endhu dh'abantu, n'ekimante eky'oku kibuga Yerusalemu baakikontakontagho.

Ezekieli 12:13

Ndimutega naamugemya mu lutuula lwange, naamutwala mu kibuga Babiloni mu nsi ey'Abakaladea, yaafiira eyo aye nga ekibuga ekyo takiboineeku naire.

Ezekieli 17:15

Aye kyabazinga wa Buyudaaya yaadheema, yaatuma abakwenda e Misiri bamugheereze embalaasi n'eigye einene. Aye bwenebwene entegeka ya kyabazinga oyo esobola okutuukirira? Omuntu asobola okwewonia ng'akoze ebintu ng'oti n'ebyo? Omuntu asobola okumenha endagaano baaloba kumubonereza?