Yeremia 38:17 - Baibuli Ekibono kya Katonda 2014

¹⁷ Agho naamukobera nti: “Musengwa Katonda Afuga Amagye, Katonda wa Isiraeli, akoba ati, ‘Bwoneeghaayo eri abakungu ba kyabazinga w'e Babilonia, tibaja kukwita, n'ekibuga kino tibaja kukyokya muliro. Baja kukuleka iwe n'ab'omu maka go musigale nga mukaali balamu.

Yeremia 38:17 ပူးပေါင်းရင်းမြစ်များ

Amainhama 12:13

Kale iwe oidha kubakoba oti oli mwanhinaze, memale olwo mbisibwe bukalamu era mpone okwitibwa ku lulwo.”

2 Bakyabazinga 24:12

Kyabazinga Yehoiakini owa Buyudaaya, ng'ali ghalala n'inhina, n'abagheereza be, n'abakungu be, n'abakulira ekisaagaati kye, yaavaayo, yeeghaayo mu ngalo dha kyabazinga w'e Babilonia. Mu mwaka ogwomunaana ogwo, nga Nebukadinezzari n'afuga Babilonia, Nebukadinezzari oyo yaatwala Yehoiakini nga musibe.

2 Bakyabazinga 25:27

Agho kyabazinga Evilimerodaki ow'e Babilonia, yaagemerwa kyabazinga Yehoiakini ow'e Buyudaaya ekivunika mu mwaka gwene Evilimerodaki oyo gwe yafuukiramu kyabazinga. Yaamutoola mu ikomera ku lunaku olwamakumi abiri n'omusanvu, mu mwezi ogweikumi n'ebiri (12), mu mwaka ogwamakumi asatu n'omusanvu (37), okuva Yehoiakini oyo kyabazinga wa Buyudaaya lwe yasibwa.

1 Ebyomubyanda 17:24

Oidha kubanga mukologho ebyanda n'ebyanda, abantu bakwogerengaku bati, ‘Musengwa Katonda Afuga Amagye oyo, ni Katonda wa Isiraeli.’ Era nkweghemba okuumenga ab'endhu yange nze omugheereza wo Daudi.

Ezera 9:4

Agho abo boonaboona abaalumirwa ebyo Katonda wa Isiraeli bye yayogera ku kibi ekyo abo abaira okuva mu bunhage kye baakola, baidha baaneetooloola agho ghe nali ntyaime nga nsobeirwa inho mu nnaku. Baabaagho okutuusa ku kiseera eky'okughaayo ekigheebwayo ekyeigulo.

Yobu 23:13

“Aye Katonda takyuka era ghazira asobola kumukyusa, oba okumutakania alobe kukola ky'ayenda.

Zabbuli 80:14

Wo Katonda Afuga Amagye, kyusaamuuku. Ng'oli eyo mu igulu, linga ghansi otubone; labirira omuzabbibu guno,

Zabbuli 80:7

Wo Katonda Afuga Amagye, twirizeegho ensi yaife nga bwe yali. Tulingeku n'ekisa era otulokole.

Yeremia 27:12

Ekintu n'ekirala ekyo, kye nakoba kyabazinga Zedekia ow'e Buyudaaya nti: “Ganha kyabazinga ow'e Babilonia akufuge, ogonde ng'oti n'ensolo bw'egonda n'evaala mu nkoto ekikoligo kya musengwa waayo. Omugheereze mwene n'abantu be, memale obe omulamu.

Yeremia 27:17

Mutawulirisa bye babakoba. Mugondere kyabazinga w'e Babilonia, olwo mwidha kuba balamu. Lwaki ekibuga kino kyandifuuse emungo edh'ebifunfugu?

Yeremia 27:8

“Aye eighanga lyonalyona oba obwakyabazinga, abaliroba okufugibwa Nebukadinezzari, ni baloba okugonda ng'oti n'ensolo bw'egonda n'evaala mu nkoto ekikoligo kya musengwa waayo, ndibabonereza nga mbazikiriza mu ntalo era nga mbasindikira endhala n'endwaire ya kawumpuli bibaite, okutuusa lwe ndireetera Nebukadinezzari oyo okubasaanizaagho irala.

Yeremia 38:2

“Musengwa Katonda akoba ati, ‘Omuntu yeenayeena anaasigala mu kibuga kino aidha kwitirwa mu lutalo, oba okufa endhala, oba okufa endwaire ya kawumpuli. Aye anaakifuluma ni yeeghaayo eri Abababilonia, aidha kuwoniagho obulamu bwe.’

Yeremia 39:3

Bwe baamala okugema Yerusalemu, abakungu abakulu boonaboona aba kyabazinga w'e Babilonia bangira baatyama mu bifo ebyali ku gwetebwa Omulyango Ogwaghagati. Abakungu abo nga ni bano: Nerugali Sharezeri, Shamugari Nebo, Sarasekimu Rabusarisi, ni Nerugali Sharezeri owundi.

Yeremia 40:9

Gedalia yaabalayirira ghalala n'abaisirukale baibwe, ng'akoba ati: “Mutatya kugheereza Bababilonia. Imwe musigale mu nsi eno mugheereze bugheereze kyabazinga w'e Babilonia, byonabyona biidha kubajiira bukalamu.

Yeremia 44:7

“Kale ni, nze Musengwa Katonda Afuga Amagye, Katonda wa Isiraeli, mperaano ndi kubabuuza lwaki muli kwereetaku akabi akaaga agho. Lwaki muli kwenda okuzikiriza abasaadha, n'abakazi, n'abaana abato, n'abaghere, ghalobe kuwonagho waire omulala ati ku bantu baimwe?

Ezekieli 8:4

Bwe nali ndi eyo, naja okulinga nti nga mbona okumesunkana okw'ekitiisa kya Katonda wa Isiraeli, ng'oti ni bwe nakubona nga ndi mu kiketezo eky'oku museetwe.

Amosi 5:27

ku lunaku lwe ndibaghaayo okutwalibwa mu bunhage mu nsi eri eyo ng'omaze okubisa Damasiko.” Atyo Musengwa Katonda bw'akoba, ayetebwa eriina, “Katonda Afuga Amagye.”