Yeremia 37:10 - Baibuli Ekibono kya Katonda 2014

¹⁰ Ni bwemughangula eigye lyonalyona ery'Abababilonia ni ghasigalagho bw'abo be bafumiite ebibwa bonka, nga balambaire mu weema dhaibwe, era abo balisituka baayokya ekibuga kino omuliro.’ ”

Yeremia 37:10 ပူးပေါင်းရင်းမြစ်များ

Isaia 10:4

Muliba nga muzira kindi kya kukola okutoolaku okutwalibwa mu busibe, oba okwitibwa mu lutalo. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.

Isaia 13:15

Kiisi ye baligwikiriza alifumitibwa, na kiisi ye baligemyaku aliitibwa n'empiima.

Isaia 14:19

Aye iwe bakuswire bw'ere amagombe go ye gatali, ng'oti n'omwana avaamu ng'akaabulaku, ekintu abantu kye batenda naire. Bakubunzeeku emirambo gy'abo abaitiirwa mu lutalo, baakusuula ghalala nagyo mu lwina olw'amabaale, waafuuka omulambo gwe batyankirira n'ebigere.

Isaia 30:17

Omwisirukale ow'abazigu aliba mulala ati, yaatiisa abantu lukumi (1,000) ku imwe baalumuka. Ate abaisirukale abataanu obutaanu, balibatiisa mwenamwena mwalumuka. Amagye gaimwe galiweekereragho, ghaasigalagho bwa kikondo kya bendera ku ngulu ku lusozi ng'akamanhiso.

Yeremia 21:10

Namala okusalagho obutasaasira kibuga kino, okutoolaku okukizikiriza nga nkighaayo mu ngalo dha kyabazinga ow'e Babilonia akyokye omuliro kiweeregho irala. Nze Musengwa Katonda, ninze nkobye.’ ”

Yeremia 32:29

Baidha kukikunaaniaku omuliro bakyokye kyonakyona, ghalala n'endhu edho abantu mwe bansungughalizanga nga baniokeza obubbaani ghaigulu ku busolya bwadho nga babuniokereza omusambwa Baali, era nga bafukira bakatonda baibwe ebigheebwayo eby'okunhwa.

Yeremia 37:11

Eigye ery'Abababilonia lyali lirese okulumba Yerusalemu lyairayo einhuma, olw'okuba eigye ery'Abamisiri lyali liri kwidha.

Yeremia 37:8

Olwo Abababilonia baidha kwira kabiri, balumbe ekibuga kino bakigeme, era bakyokye omuliro.

Yeremia 49:20

Kale ni muwulire kye ntegeike okukola abantu b'omu Edomu, akabi ke neesoomeire okutuusa ku bantu b'omu kibuga Temani. Ni bwe baba abaana baibwe, abazigu balibakwekwebya baabatwala, era abantu boonaboona balitya inho.

Yeremia 50:45

Kale ni muwulire kye ntegeike okukola ku kibuga Babiloni, akabi ke neesoomeire okutuusa ku bantu baakyo. Ni bwe baba abaana baibwe, abazigu balibakwekwebya baabatwala, era abantu boonaboona balitya inho.

Yeremia 51:4

Kale balibafumita, bafiira mu nguudo edh'omu bibuga byaibwe

Okulira 1:15

Abalwani bange ab'amaani, Musengwa yabasuula ere ng'oti n'abatagasa. Yaataagho eigye okuunumba, okufafaagania abasaadha bange ab'amaani. Antyankiriire n'abantu bange ng'oti mizabbibu mu kikunhiro eky'omwenge ogw'emizabbibu.

Yoeli 2:11

Musengwa Katonda atyabuka ng'oti lukuba, yaagha eigye lye ebiragiro. Ebikunsu by'abaisirukale be ebingi era eby'amaani, bigondera ebiragiro bye. Bwenebwene olunaku lwa Musengwa Katonda nga lutiisa! Naani aliruwona?