Yeremia 36:2 - Baibuli Ekibono kya Katonda 2014

² “Toola enzingo y'ekitabo oghandiikemu ebintu byonabyona bye nkukobeire ebigema ku Isiraeli, ni ku Buyudaaya, ni ku maghanga agandi goonagoona. Ghandiika ebintu byonabyona bye mbairenga nga nkukobera okuviira irala ku lunaku lwe natoolera okwogera n'iwe, nga Yosia ni kyabazinga, okutuusa olwaleero.

Yeremia 36:2 ပူးပေါင်းရင်းမြစ်များ

Ezera 6:2

Baayagaana mu kibuga Ekubatana ekyali mu kiketezo eky'e Media, enzingo y'ekitabo eyalimu ekighandiiko ekikoba kiti:

Yobu 31:35

“Kale ngoli ghaligho awulirisa bye nkoba! Nkakasa nga bye nkoba bituufu. Aghanga Ebintu Byonabyona leka andhiremu. Ngoli omuntu yeenayeena aliku ky'anvunaana ampa omusango mu bughandiike,

Zabbuli 40:7

Agho naakoba, nti: “Bona, ndidhie; ebinfaaku byaghandiikibwa mu nzingo y'ekitabo.

Okuvaayo 17:14

Musengwa Katonda yaakoba Musa ati: “Obughanguzi obwo bughandiike mu kitabo bulobe kwerabirwa. Era okobere Yoshua oti ndidha kuzikiriza Abamaleki mbamaliregho irala.”

Isaia 8:1

Musengwa Katonda yankoba ati: “Toola ekipande ekinene okighandiikeku mu nhuguta enene, oti: OMUNHAGO OGW'AMANGU, OKUSWANKULA BYE BANHAGULWIRE

Yeremia 1:10

Olwaleero luno, nkugemiisa amaghanga n'obwakyabazinga, oiwululengagho era omenhemenhenga, ozikirizenga era osaaniengagho ozimbenga era osimbenga.”

Yeremia 1:5

“Nakulonda nga nkaali na kukuwumba mu nda ya inhoko. Era wali okaali kuzaalibwa naakutukuza naakulonda obe mulanzi eri amaghanga.”

Yeremia 1:9

Agho Musengwa Katonda yaagolola omukono gwe, yangema ku munwa. Yankoba ati: “Bona eno, nkutaire mu kanwa mwo, ebibono byange by'onaayogera.

Yeremia 2:4

Muwulire obukwenda obuva ye Musengwa Katonda, imwe baidhukulu ba Yakobo, imwe Abaisiraeli mwenamwena.

Yeremia 25:3

“Okuva ku mwaka ogweikumi n'esatu (13) nga Yosia mutabane wa Amoni ni kyabazinga wa Buyudaaya okutuuka ni ye buli eno, giri emyaka abiri n'esatu nga Musengwa Katonda ampa obukwenda bwe. Era mbakoberanga obukwenda obwo aghazira kukoogha naire, aye imwe mwaloba kutaayo mwoyo.

Yeremia 30:2

“Ghandiika mu kitabo ebintu byonabyona bye nkukobeire,

Yeremia 36:14

Agho abakungu abo baatuma Yehudi mutabane wa Nethania, era nga mwidhukulu wa Shelemia, era nga mwidhukulu wa Kushi, aje akobe Baruku abaleetere enzingo y'ekitabo ye yasomera abantu. Baruku yaagibaleetera.

Yeremia 36:18

Baruku yairamu ati: “Yeremia n'eyabinkoberanga, eno nga bwe mbighandiika ni bwino mu nzingo eno ey'ekitabo.”

Yeremia 36:23

Agho Yehudi bwe yamalanga okusoma ebitundu ebibiri oba ebina ku nzingo y'ekitabo eyo, nga kyabazinga abisalaku n'akambe akatono, ng'abisuula mu muliro. Yaakola atyo okutuusa enzingo y'ekitabo yoonayoona bweyawaagho okuya.

Yeremia 36:29

Era kyabazinga oyo omukobe oti, ‘Wayokya enzingo y'ekitabo era waabuuza Yeremia lwaki yaghandiika ati kyabazinga ow'e Babilonia aliidha yaazikiriza ensi eno, era yaita abantu baamu n'ensolo dhaamu.’

Yeremia 36:6

Kale nhenda iwe ojeeyo ku lunaku abantu lwe baba mu kusiiba. Agho osome enzingo y'ekitabo eyo, abantu boonaboona abali mu isinzizo bawulire bukalamu ebyo byonabyona Musengwa Katonda bye yankoba, era bye ndhogeirenga eno nga bw'obighandiika. Oidha kusoma ebintu ebyo nga n'abantu ab'omu Buyudaaya abava mu bibuga byaibwe ebindi bali kuwulira.

Yeremia 45:1

Mu mwaka ogwokuna nga Yehoiakimu mutabane wa Yosia ni kyabazinga wa Buyudaaya, nze Yeremia naakoba Baruku mutabane wa Neria, yaaghandiika ebibono bino byonabyona nga bwe nabyogera. Era naamukoba nti,

Yeremia 51:60

Naghandiika mu kitabo, byonabyona ebigema ku kuzikirizibwa okwali kuja okutuuka ku Babilonia, era ni bino byonabyona ebigema ku nsi Babilonia eyo

Ezekieli 2:9

Naja okulinga nti, nga mbona omukono ogusonse ye ndi. Era okuja okwetegereza nga mbona gugemye enzingo ey'ekitabo erimu ebighandiikiibwaku.

Hosea 8:12

Ni bwenandibaghandiikiire amateeka gange nga gali nkumi na nkumi, era bandigalobye ng'oti tibagawulirangaku.

Amateeka Agokubiri 31:24

Musa yaaghandiika mu kitabo ebibono by'amateeka gano byonabyona aghazira kulekayo waire ekirala.

Abaheburayi 10:7

Kye nava ni nkoba nti, ‘Katonda wange, ndidhie okukola ky'oyenda, ng'ekyaghandiikibwa bwe kindhogeraku mu nzingo y'ekitabo.’ ”