Yeremia 34:9 - Baibuli Ekibono kya Katonda 2014

⁹ Buli muntu yali n'okulekula abairu be Abaheburayi abasaadha n'abakazi babe ba idembe, ghabule omuntu aba ni Muisiraeli mwine ng'omwiru.

Yeremia 34:9 ပူးပေါင်းရင်းမြစ်များ

Amainhama 14:13

Aye omuntu eyawonagho yaidha yaakobera byonabyona Aburamu, Omuheburayi eyali ng'aba kumpi n'emiti gya Mamure Omuamori. Mamure ono ni baganda be, Esikoli ni Aneri, baali ba mukago n'Aburamu.

Amainhama 40:15

Kuba bwenebwene bampuuya buwuuye okuva mu nsi y'Abaheburayi, era ni ghano tikolangaghooku kintu kyonakyona ekyandinsibiisa mu ikomera.”

Okuvaayo 2:6

Omumbeedha bweyakisandukula ati, yaabonamu omwana omulenzi. Omwana yali ali kulira. Omumbeedha oyo yaamugemerwa ekivunika era yaakoba ati: “Ono ateekwa okuba nga mwana wa Baheburayi.”

Okuvaayo 3:18

Baidha kwikiriza ky'onaabakoba. Ng'olwo iwe n'abakulu ab'ebikunsu abo muja ye kyabazinga w'e Misiri nga mumukoba muti, ‘Musengwa Katonda, Katonda w'Abaheburayi yatweyolekera era buti tuli kukusaba otuleke tuje mu irungu nga tutambula olugendo olumala enaku eisatu, tugheereyo eyo omusengo eri Musengwa Katonda waife oyo.’

Yeremia 25:14

Ndyesasuliza ku Bababilonia olw'ebyo bye baakola. Era amaghanga kamaala ni bakyabazinga abakologho balifuula Abababilonia abo okuba abairu baibwe.’ ”

Yeremia 27:7

Amaghanga goonagoona galimugheereza era gaagheereza ni mutabane we ni mwidhukulu we, okutuusa ekiseera bwe kirituuka eighanga lye ni ligwa. Olwo eighanga lye lyona lyafuuka mugheereza wa amaghanga kamaala ag'amaani, agafugibwa bakyabazinga abakologho.

Yeremia 30:8

Musengwa Katonda Afuga Amagye, akoba ati: “Olunaku olwo bwe lulituuka ndimenhamenha ebikoligo ebiri mu nkoto dhaibwe, era naakutulakutula n'endhegere dhe baabasiba. Tibaliiramu kabiri kuba bairu ba bamaghanga gandi.

Yeremia 34:10

Kale abantu boonaboona n'abakulembeze baibwe, baisania okulekula abairu baibwe abasaadha n'abakazi babe ba idembe, era nga tibakairayo kabiri kubafuula bairu. Agho baabalekula.

1 Ab'e Korintho 6:8

Aye imwe beene musobya, era mwatwala ebitali byaimwe ni bwekuba ku boluganda beene.

2 Ab'e Korintho 11:22

Abo Baheburayi? Zeena bwendi. Abo Baisiraeli? Zeena bwendi. Abo baidhukulu ba Aburahamu? Zeena bwendi.

Amateeka Agokubiri 15:12

Musa yaakoba Abaisiraeli ati: “Bwe bakuguzanga Muheburayi mwino ng'omwiru, k'abe musaadha oba mukazi, memale n'akugheereza okumala emyaka omukaaga, mu mwaka ogwomusanvu oidhanga kumuleka agolole nga wa idembe.

Ab'e Filippi 3:5

kuba nze nakeketebwa nga naakamala enaku munaana. Ndi Muisiraeli, ndi mu kika kya Benjamini Omuheburayi mwene. Mu kugema amateeka ndi Mufarisaayo.

1 Samueli 14:11

Kale bombi beeyoleka eri enkambi ey'abalwani Abafilisiti. Abafilisiti baakoba bati: “Mubone, Abaheburayi bali kuvaayo mu biina mwe baali beegisiisa.”

1 Samueli 4:6

Abafilisiti bwe baawulira okukuba emizira okw'amaani kutyo, beebuuzagania bati: “Okukuba emizira okw'amaani okwo okuli mu Baisiraeli kutegeeza ki?” Era bwe baakitegeera bati Sanduuku ey'Endagaano ya Musengwa Katonda n'eyali etuuse mu kifo Abaisiraeli ghe baasimba weema dhaibwe,

1 Samueli 4:9

Imwe Abafilisiti, mugume, mulwane kisaadha, mulobe kufuuka bairu ba Baisiraeli, nga beene bwe baali abairu baimwe. Mugume, mulwane kisaadha!”