Yeremia 34:8 - Baibuli Ekibono kya Katonda 2014

⁸ Kyabazinga Zedekia yaisania n'abantu ab'omu Yerusalemu ku ky'okulekula abairu babe ba idembe.

Yeremia 34:8 ပူးပေါင်းရင်းမြစ်များ

2 Bakyabazinga 11:17

Yehoiada kabona yaaleetera kyabazinga n'abantu, okukola endagaano ni Musengwa Katonda ekakasa nga bwe baidha okubanga abantu aba Musengwa Katonda. Era yaakola endagaano ghagati gha kyabazinga n'abantu.

2 Ebyomubyanda 23:16

Agho Yehoiada kabona yaakola endagaano ni kyabazinga, era n'abantu boonaboona aghalala, ekakasa nga bwe baidha okubanga abantu aba Musengwa Katonda.

2 Ebyomubyanda 29:10

“Mperaano nsazeegho okukola endagaano ni Musengwa Katonda, Katonda wa Isiraeli, olwo alekere agho okutwolekeza obusungu bwe obubitiriire.

Nehemia 9:38

“Olw'ebyo byonabyona, kyetuva tuli kukola endagaano enkakafu mu bughandiike. Era abakungu baife, n'Abalevi baife, ni bakabona baife, bagitaireku ebinkumu byaibwe.”

Isaia 58:6

“ ‘Okusiiba nze kwe nhenda ni kuno: Musibule endhegere n'ebikoligo ebisibiriire abantu mu kutuntuzibwa. Abasibe abatuntuzibwa, mubalekule baje nga ba idembe. Mumaliregho irala ebikoligo byonabyona ebireetera abantu okutuntuzibwa.

Isaia 61:1

Omwoyo gwa Musengwa Katonda gundiku, kuba yansiiga omuzigo, yantuma okukobera abadaazibwadaazibwa amawulire amalungi. Yantuma okugumya abaawaamu emyoyo, n'okulangirira eri abali mu bunhage nti baidha kulekulwa babe ba idembe, n'abasibe nti baidha kusibulwa mu ikomera.

Yeremia 34:17

Nze Musengwa Katonda nkoba nti mwandheemera mwaloba kugha Baisiraeli banaimwe idembe lyaibwe. Kale ni mubone eno, nze ndidha kubagha imwe eidembe ery'okufiira mu lutalo, n'ery'okufa endwaire ya kawumpuli, n'ery'okufa endhala. Ndidha kubafuula ekintu ekitiisa einho abantu boonaboona ku nsi.

Abalevi 25:10

Mu nsambo eyo munaatukuzanga omwaka ogwamakumi ataanu (50). Munaalangiriranga eri abatyamye b'omu nsi yaimwe muti baidha kulekulwa babe ba idembe. Mu mwaka ogwo abantu banairizibwanga ebintu byaibwe ebyatundibwa, era abantu abaatundibwa mu bwiru, banaalekulwanga bairayo mu bantu baibwe.

Amateeka Agokubiri 15:12

Musa yaakoba Abaisiraeli ati: “Bwe bakuguzanga Muheburayi mwino ng'omwiru, k'abe musaadha oba mukazi, memale n'akugheereza okumala emyaka omukaaga, mu mwaka ogwomusanvu oidhanga kumuleka agolole nga wa idembe.