Yeremia 34:7 - Baibuli Ekibono kya Katonda 2014

⁷ Mu kiseera ekyo eigye lya kyabazinga w'e Babilonia lyali lirumbye ekibuga ekyo Yerusalemu, era nga lirumbye n'ebibuga Lakishi ni Azeka, ebyali nga ni byonka ebyali bikaasigairegho mu Buyudaaya ebyezungulwirwa ebimante ebigumu.

Yeremia 34:7 ပူးပေါင်းရင်းမြစ်များ

2 Bakyabazinga 14:19

Ghaaligho abaakola olukwe mu Yerusalemu okwita Amazia oyo. Kale yaalumukira mu kibuga ky'e Lakishi, aye era baatumayo abantu okumunooniayo, baamwitirayo.

2 Bakyabazinga 19:8

Agho omukungu oyo Omuassiria yaawulira nga kyabazinga w'ewaibwe aviire e Lakishi, era ng'ali kulwanisa ab'omu kibuga Libuna, kale ni n'okuja y'ali.

2 Ebyomubyanda 27:4

Yaazimba ebibuga mu biketezo bya Buyudaaya eby'oku nsozi, era yaazimba ebifo eby'okwewogomamu n'ebituuti ebirengererwaku mu bibira eby'oku nsozi.

Isaia 36:2

Agho kyabazinga w'e Assiria oyo yaasindika omukungu we akulira baine boonaboona, ave e Lakishi ng'ali n'eigye eikologho, aje alumbe kyabazinga Hezekia e Yerusalemu. Bwe baatuukayo, baayemerera gha mweta oguleeta amaadhi okuva mu nsulo y'eitale eri ku ngira eja mu kifo ekyetebwa Ekyolezo.

Yeremia 11:12

Olwo abantu b'omu Yerusalemu n'ab'omu Buyudaaya balija ye bakatonda be baniokeza obubbaani, baabalirira babayambe. Aye bakatonda abo tibalisobola kubawonia ng'akabi kaidhie.

Yeremia 34:1

Agho Musengwa Katonda yaayogera ninze, mu kiseera kyabazinga Nebukadinezzari owa Babilonia, n'eigye lye, era n'amagye ag'amaghanga agandi goonagoona ge yali afuga, nga bali kulumba Yerusalemu n'ebibuga ebindi ebyali okumpi agho.

Yeremia 4:5

Mulangirire mu Buyudaaya ni mu Yerusalemu, mukobe abantu muti: “Mufuuwe amagwala mu kiketezo ekyo, mwete abantu n'amaani, muti, ‘Mwesoloze, mwidhe tuje tulumukire mu bibuga ebyezungulwirwa ebimante ebigumu.

Yeremia 8:14

Agho abantu ba Musengwa Katonda baakoba bati: “Lwaki tutyaime bwa ghano? Mukole twesoloze, tuje mu bibuga ebyezungulwirwa ebimante ebigumu tufiire eyo. Musengwa Katonda waife atughaireyo tufe. Atughaire amaadhi agalimu eirogo tunhwe, olw'okuba twakola ebibi twamusungughaza.

Mika 1:13

Imwe abantu ababa mu kibuga Lakishi musibe ebigaali byaimwe eby'omu lutalo ku mbalaasi dhaimwe mwetegeke. Mwakoopa ebibi eby'Abaisiraeli, mwaleetera ab'e Yerusalemu boona baababoneraku, baatoolera okukola ebibi n'ebirala ebyo.

Amateeka Agokubiri 28:52

Balibazingiza mu bibuga byaimwe byonabyona okubyezunguluza, mu nsi Musengwa Katonda waimwe y'ali kubagha. Balibazingiza mu bibuga byaimwe ebyo, okutuusa ebimante byaimwe ebibyezungulwire ebigumu era bigulumivu bye mwesiga, lwe birigwa.

Yoshua 10:3

Kale Adonizedeki n'okugheereza obukwenda ye Hohamu kyabazinga ow'e Heburoni, ni ye Piramu kyabazinga ow'e Yaramuthi, ni ye Yafia kyabazinga ow'e Lakishi, ni ye Debiri kyabazinga ow'Eguloni, ng'abakoba

Yoshua 10:5

Agho bakyabazinga abo abataanu Abamori: owa Yerusalemu, owa Heburoni, owa Yaramuthi, owa Lakishi n'owa Eguloni, beesoloza, baata amagye gaibwe ghalala okwezungulula Gibeoni era baakirumba.

Yoshua 12:11

Yaramuthi, Lakishi,

Yoshua 15:35

Yaramuthi, Adullamu, Soko, Azeka,

Yoshua 15:39

Lakishi, Bozikathi, Eguloni,