Yeremia 34:5 - Baibuli Ekibono kya Katonda 2014

⁵ Olifa bya bulungi mu miraala. Era ng'abantu bwe baaniosanga obubbaani nga baziika badhaadha bo abaali bakyabazinga okukusooka, weena batyo bwe balikuniokeza obubbaani. Baja kukulira nga bakoba bati, ‘Wo Kyabazinga waife atufiireku!’ Nze Musengwa Katonda, ninze nkobye.”

Yeremia 34:5 ပူးပေါင်းရင်းမြစ်များ

Yeremia 22:18

Kale ni, Musengwa Katonda bino by'akoba ebigema ku Yehoiakimu mutabane wa Yosia, era kyabazinga wa Buyudaaya: “Tibalimulirira mbu, ‘Wo muganda wange!’ Oba mbu, ‘Wo mwanhinaze!’ Tibaligegenga mbu, ‘Wo musengwa wange!’ Oba mbu, ‘Wo kyabazinga wange!’

2 Ebyomubyanda 16:14

Era yaaziikibwa mu magombe, mwene ge yeesimira mu lubaale, mu kyetebwa Ekibuga kya Daudi. Omulambo gwe baagulambaaza ku buliri obwidhwire obuwoowo obwa buli ngeri, obwatabulwa abakugu. Baakuma ekisiki eky'omuliro ekikologho, olw'okumulira.

Danieli 2:46

Agho kyabazinga Nebukadinezzari yaakuba amakiryaivu, yaakutama n'ekyeni kyatuuka ku itaka, yaasaaka inho Danieli. Era yaalagira bagheeyo ebigheebwayo, n'obubbaani, eri Danieli.

Ezekieli 17:16

“Aye nze Musengwa Katonda ndayira nti nga bwendi omulamu, kyabazinga oyo alifiira mu Babilonia, kuba yamenha endagaano ye yakola ni kyabazinga waayo, ate nga kyabazinga w'e Babilonia oyo n'eyamufuula kyabazinga.

Okulira 4:20

Baasima ebiina okutega kyabazinga, oyo Musengwa Katonda ye yasiiga omuzigo abenga obugheereso bwaife, era baamala baamugemya. Ate ng'oyo ye twali tudhuuba tuti n'anaatulwaniriringa nga tulumbiibwa.

2 Ebyomubyanda 34:28

Era bona eno, ndikutwala weeyimba ku badhaadha bo abaafa, waaziikibwa mu miraala, waaloba kubona ku kabi ke ndituusa ku kifo kino ni ku bantu abakibaamu.’ ” Agho abasaadha bairayo baakobera kyabazinga obukwenda obwo.

2 Bakyabazinga 22:20

Ndikutwala weeyimba ku badhaadha bo abaafa, waaziikibwa mu miraala. Era tolibona ku kabi ke ndituusa ku kifo kino.’ ” Agho abasaadha bairayo baakobera kyabazinga ebibono ebyo.

Yeremia 34:4

Iwe Zedekia, wulirisa bye nja okukukoba ebikugemaku: Tibalikwitira mu lutalo.

1 Samueli 31:12

abasaadha abaziramu ntete boonaboona baasituka, baatambula obwire bwonabwona. Baaja baaghanulayo ku kimante ky'ekibuga Bethi Shani omulambo gwa Saulo n'emirambo gya batabane be, baagireeta e Yabeshi baagyokera eyo.