Yeremia 34:2 - Baibuli Ekibono kya Katonda 2014

² Musengwa Katonda, Katonda wa Isiraeli yankoba nje nkobe kyabazinga Zedekia owa Buyudaaya nti Musengwa Katonda akoba ati: “Bona, nze Musengwa Katonda, Katonda wa Isiraeli nja kughaayo ekibuga kino mu ngalo dha kyabazinga ow'e Babilonia, era aja kukyokya omuliro.

Yeremia 34:2 ပူးပေါင်းရင်းမြစ်များ

2 Bakyabazinga 25:1

Ku lunaku olweikumi, mu mwezi ogweikumi, mu mwaka ogwomwenda nga Zedekia n'afuga Buyudaaya, kyabazinga Nebukadinezzari ow'e Babilonia yaidha n'eigye lyonalyona okulumba ekibuga Yerusalemu. Baakizingiza era baakibungaku emungo ey'eitaka ey'okuniiniraku okukirwanisa.

2 Bakyabazinga 25:9

Yaayokya eisinzizo lya Musengwa Katonda, n'ekisaagaati kya kyabazinga, n'ebizimbe byonabyona ebikologho eby'omu Yerusalemu.

Yeremia 21:10

Namala okusalagho obutasaasira kibuga kino, okutoolaku okukizikiriza nga nkighaayo mu ngalo dha kyabazinga ow'e Babilonia akyokye omuliro kiweeregho irala. Nze Musengwa Katonda, ninze nkobye.’ ”

Yeremia 21:4

“Muje mukobe Zedekia muti Musengwa Katonda, Katonda wa Isiraeli akoba ati, ‘Nja kughangula eigye lyo eriri kulwanisa kyabazinga w'e Babilonia n'eigye lye eribazingiiza okubeezunguluza. Era nja kusolokeza eby'okulwanisa byaimwe ghagati mu kibuga.

Yeremia 27:22

Biidha kutwalibwa e Babilonia, era bisigale eyo okutuusa lwe ndiiramu kabiri okubirowoozaaku, ni mbiiza mu kifo kino. Nze Musengwa Katonda, ninze nkobye.”

Yeremia 32:3

Kyabazinga Zedekia n'eyalagira bansibe kuba nalanga nti Musengwa Katonda yakoba ati: “Nja kuleka kyabazinga w'e Babilonia ageme ekibuga kino.

Yeremia 34:22

Nze Musengwa Katonda ndiragira Abababilonia baira okulumba ekibuga kino, era baakirwanisa baakigema, baakyokya omuliro. Ebibuga eby'omu Buyudaaya ndibifuula bifulukwa byereere, ghaabulagho omuntu abibaamu. Nze Musengwa Katonda, ninze nkobye.”

Yeremia 38:23

Agho naayongeraku kino nti: “Abaisirukale baja kutoola bakazi bo boonaboona n'abaana bo, babatwale e Babilonia. N'iwe mwene toja kubawona, baja kukugema bakugheeyo eri kyabazinga w'e Babilonia, n'ekibuga kino bakyokye omuliro.”

Yeremia 39:8

Era Abababilonia baayokya ekisaagaati kya kyabazinga, n'endhu dh'abantu, n'ekimante eky'oku kibuga Yerusalemu baakikontakontagho.