Yeremia 33:3 - Baibuli Ekibono kya Katonda 2014

³ “Bw'onandheta nze Musengwa Katonda, ndidha kukuvugira era nkukobere ebintu ebyewuunhisa ebyagisibwa by'otaidhi.

Yeremia 33:3 ပူးပေါင်းရင်းမြစ်များ

Zabbuli 145:18

Abo abasaba Musengwa Katonda, Musengwa Katonda oyo tabasuulirira, abo ababa nga bamusabye n'omwoyo omulala.

Zabbuli 25:14

Musengwa Katonda aba mukagwa w'abo abamutya, era akakasa endagaano ye nabo.

Zabbuli 50:15

Munsabenga nga muli mu bizibu, ndidhanga kubawonia, imwe muntengamu ekitiisa.”

Zabbuli 91:15

Bw'anandhetanga ndidha kumuvugiranga; ndidha kubanga ghalala naye mu buli kizibu. Mmuwonienga ebimunhigiriza, era mmugheesenga ekitiisa.

Isaia 45:3

Ndikugha obukombe bwe baakweka mu bifo ebyekusifu, olwo omanhe nga nze Musengwa Katonda, Katonda wa Isiraeli, ninze nkwese eriina lyo obe wange.

Isaia 48:6

Ebyo byonabyona mwabiwulira, era muli n'okwatula muti byali bituufu, kuba mwabibona byatuukirira. Okuva ni mpegaano nja kubakobera ebiyaaka, bye ntabamanhisangaku naire.

Isaia 65:24

Banaabanga bakaali na kundheta nga nabawuliire ira, era banaajanga okumala okunsaba nga nabaizeemu ira.

Yeremia 23:35

Aye buli muntu aidha kubuuzanga bakagwa be oba aboluganda lwe ati, ‘Musengwa Katonda aizemu atya? Musengwa Katonda akobye ki?’

Yeremia 29:12

Olwo mulindheta okubayamba era mwansaba, naabawulirisa.

Yeremia 32:17

“Aa, Musengwa Katonda wange, niiwe owatonda eigulu n'ensi ng'okozesa obuyinza bwo obungi n'amaani go agataloodheka. Ghazira kintu kikalangufu inho iwe ky'otasobola.

Yeremia 32:27

“Bona eno, nze ninze Musengwa Katonda, Katonda w'abantu boonaboona. Ghazira kintu kikalangufu inho nze kye ntasobola.

Danieli 2:18

Era yaabakoba basabe Katonda ow'eigulu abasaasire ku bigema ku kyama ekyo, balobe kwitirwa ghalala n'abagezigezi ab'omu Babiloni.

Danieli 2:22

Ayoleka ebintu eby'ekyama ebitaboneka; yaamanha ebiri mu nzikiiza, era mwene gh'aba n'obutangaavu ghe buba.

Danieli 2:23

Wo Katonda wa badhaadha bange, nze nkwebaza era naakusaaka; kuba wampa amagezi n'amaani. Era ni mpegaano omanhiisa kye tukusabye, waatwoleka eky'okukobera kyabazinga.”

Yoeli 2:32

Aye kiisi alisaba Musengwa Katonda okumubeera alirokolebwa, kuba ku lusozi Sioni mu Yerusalemu eribaayo abaliwona, nga Musengwa Katonda mwene bwe yakoba. Abo Musengwa Katonda mwene baalirondamu n'abaliwonagho.”

Amosi 3:7

Mu butuufu bwene, ghazira Musengwa Katonda ky'akola mu kyama nga takyoleike bagheereza be abalanzi.

Mika 7:15

Wo Musengwa Katonda, tukolere ebyewuunhio nga bwe wakolanga mu biseera bye twalinga e Misiri.

Matayo 13:35

Kino ni kyatuukiriza omulanzi kye yakoba ati: “Ndyogeranga mu nfumo, ndyatula ebitaatulwanga okuva ku kwinhama okw'ensi.”

Ebikolwa by'Abatume 2:21

Era buli alyeta eriina lya Musengwa alirokolwa.’

1 Ab'e Korintho 1:2

Tughandiikira Ekikunsu eky'Abaikiriza mu Kurisito ekya Katonda ekiri mu Korintho abo boonaboona abaayetebwa okuba abatuukirivu mu Kurisito Yesu, ghalala n'abantu boonaboona abali buli ghantu, abeeghemba mu liina lya Yesu Kurisito Musengwa waibwe era owaife.

Ab'Efeso 3:20

Katonda oyo asobola okukola ebisinga n'ebyo bye tusaba, oba ebyo bye tutegeera, olw'amaani ge agakolera mu ife,

Amateeka Agokubiri 4:29

Aye nga muli eyo, mwidha kusabanga Musengwa Katonda waimwe. Era bwe munaamusabanga n'omutima gwaimwe gwonagwona era n'omwoyo gwaimwe gwonagwona, aidhanga kubawulira.

Amateeka Agokubiri 4:7

“Agho Musa yaayongera okukoba ati: ‘Ezirayo ighanga lindi, ni bweriba eikologho litya, liri na katonda aliri okumpi einho, ng'oti ni Musengwa Katonda waife bw'atuba okumpi nga tumusabye okutubeera.

Okwolekebwa 2:17

“Ali n'amatu awulire Mwoyo ky'akoba Ebikunsu eby'Abaikiriza mu Kurisito. Oyo aghangula ndimugha ku mannu eyagisibwa, era ndimugha eibaale eryeru okughandiikiibwa eriina eiyaaka eritamanhiibwa muntu wundi yeenayeena, okutoolaku oyo aba alifunie.