Yeremia 32:7 - Baibuli Ekibono kya Katonda 2014

⁷ “Bona eno, muganda wo Hanameli azaalibwa lata wo omuto Shallumu, aidha kwidha y'oli akusabe omuguleku ekibandha kye ekiri mu Anathothi mu kiketezo kya Benjamini kuba niiwe amuliku oluganda einho era niiwe ali n'obukumu okukigula kibe ekikyo.”

Yeremia 32:7 ပူးပေါင်းရင်းမြစ်များ

1 Bakyabazinga 14:5

Musengwa Katonda yaakoba Ahiya ati: “Muka Yeroboamu wuuyo ali kwidha okukwebuuzaaku amanhe mutabane we bw'anaaba, kuba mulwaire. Kale oidha kumukoba oti n'oti.” Muka Yeroboamu bwe yatuuka, yeefuula okuba omukazi owundi.

Yeremia 1:1

Bino n'ebibono Yeremia bye yayogera. Yeremia oyo yali mutabane wa Hilikia, eyali owundi ku bakabona ab'e Anathothi mu kiketezo kya Benjamini.

Yeremia 11:21

Bino Musengwa Katonda by'akoba abantu ab'omu Anathothi, abenda okundhita nga bakoba bati: “Bw'onaalangirira mu liina lya Musengwa Katonda, twidha kukwita.”

Yeremia 32:6

Agho Musengwa Katonda yankoba ati:

Yeremia 32:8

Agho, nga Musengwa Katonda bwe yankoba, Hanameli yaidha ye nali mu luya olw'ekisaagaati kya kyabazinga, yansaba mmuguleku ekibandha kye. Agho naategeera nga bwene Musengwa Katonda n'eyayogera ninze.

Abalevi 25:23

“Eitaka tiriitundibwenga butaizibwa, kuba ninze mwene lyo. Imwe muli basenze busenze ku itaka eryo.

Abalevi 25:24

Eitaka bwe linaatundibwanga, munaaganhanga mwene lyo eyasooka yaalinunula.

Abalevi 25:25

“Omuisiraeli bw'anaayavughalanga n'atunda eitaka lye, owoluganda lwe anaanunulanga eitaka eryo.

Abalevi 25:34

Aye eitaka lye baayiraku eryezungulwire ebibuga byaibwe, tiriitundibwenga, kuba liba lyaibwe enaku dhoonadhoona.

Abalevi 25:49

oba ise omuto, oba mutabane wa ise omuto, oba owundi ku boluganda lwe. Oba ni mwene bw'anaakombaghalanga, anaabanga wa idembe okwenunula.

Okubala 35:2

“Lagira Abaisiraeli oti, mughe Abalevi ebibuga eby'okubangamu, nga mutoola ku ebyo imwe Abaisiraeli bye mwagabana bibe obutaka bwaibwe. Era mughe Abalevi abo eitaka ery'okwayiramu eryezungulwire ebibuga ebyo.