Yeremia 32:34 - Baibuli Ekibono kya Katonda 2014

³⁴ Baatoola emisambwa gyaibwe egyenhinhalwa, baagita mu isinzizo lyange, baalyonoona.

Yeremia 32:34 ပူးပေါင်းရင်းမြစ်များ

2 Bakyabazinga 21:1

Manasse yali agheza emyaka ikumi n'ebiri egy'obukulu ghe yafuukira kyabazinga wa Buyudaaya, era yaafuga okumala entangama ya myaka amakumi ataanu n'etaanu (55) mu Yerusalemu. Inhina yali nga ni Hefuziba.

2 Bakyabazinga 23:6

Yaatoola mu isinzizo ekifaananie ky'omusambwa omukazi Ashera, yaakitwala kuliya wa Yerusalemu eri akaiga Kiduroni, yaakyokera eyo, yaakisekulasekula kyafuuka bwa nkungu, yaamansira enkungu eyo mu kifo mwe baaziikanga abantu ababuliidho.

2 Ebyomubyanda 33:15

Yaatoola mu isinzizo bakatonda b'amaghanga agandi, n'ekisinzibwa ekitali Katonda kye yali atairemu, n'alutaari dhe yali azimbye ku lusozi olwazimbwaku eisinzizo eryo. Yaatoola ebintu ebyo ni mu bifo ebindi mu Yerusalemu, byonabyona yaabisuula kuliya kw'ekibuga.

2 Ebyomubyanda 36:14

Ni bakabona abakulu nga kw'otaire n'abakulembeze abantu, boona baakola ebibi einho nga bajiira ku byenhinhalwa byonabyona eby'abamaghanga agandi. Kale baayonoona batyo eisinzizo Musengwa Katonda mwene lye yatukuza mu Yerusalemu.

Yeremia 19:4

Nja kukola ntyo kuba abantu abo banviireku baayonoona ekifo kino nga baghaayo emisengo eri bakatonda abandi, ate nga beene, waire badhaadha baibwe, oba bakyabazinga b'omu Buyudaaya, tibamanhangaku bakatonda abo naire. Era abantu abo baidhwiza ekifo kino omusaayi ogw'abantu abaziraku musango be baita.

Yeremia 23:11

Musengwa Katonda era akoba ati: “Abalanzi ni bakabona tibatya Katonda era nabaagaana nga bakola ebibi ni mu isinzizo mwene.

Yeremia 30:14

Abo be mwakolagananga nabo baabeerabira tibakaabafaaku naire. Nze nabalumba imwe ng'oti ndi bwa muzigu waimwe, naababonereza aghazira kusaasira naire, olw'ebibi byaimwe ebingi n'olw'emisango gyaimwe egitaloodheka.

Yeremia 34:15

Ghano dhuuzi imwe mwakola ekyansanhusa, mwakyusa ekirowoozo, mwalangirira okulekula Baisiraeli banaimwe abairu babe ba idembe, era mwakola endagaano mu maiso gange mu isinzizo lino eryange lyene.

Yeremia 44:4

Ate nga natumanga ye muli abagheereza bange abalanzi aghazira kukoogha naire, babakobe bati, ‘Mutakola bintu ebyo ebyenhinhalwa bye nkyagha!’

Yeremia 7:10

Mpegaano mwidha mutya okwemerera mu maiso gange, mu isinzizo lino eryange lyene, mwakoba muti, ‘Tuli bukalamu’, nga kabiri mumala muja bwa mu maiso na kukola ebyenhinhalwa ebyo byonabyona?

Yeremia 7:30

“Abantu b'omu Buyudaaya, bakoze ekibi ye ndi, nze Musengwa Katonda. Batoire emisambwa egyenhinhalwa, baagita mu isinzizo lyange, baalyonoona.

Yeremia 7:31

Era baaja baazimba ebifo ebigulumivu eby'okusinzizaamu e Tofethi, mu kyetebwa Ekiiko ekya mutabane wa Hinnomu, baayokeranga mu muliro batabane baibwe ni baghala baibwe. Ate nga nze tibalagirangaku kukola kintu ekyo, waire okukirowoozaaku obulowooze mu mwoyo gwange.