Yeremia 32:32 - Baibuli Ekibono kya Katonda 2014

³² olw'ebibi byonabyona abantu b'omu Isiraeli n'ab'omu Yerusalemu bye baakola. Baakola ebibi ghalala ni bakyabazinga baibwe, n'abakulembeze baibwe, ni bakabona baibwe, era n'abalanzi baibwe.

Yeremia 32:32 ပူးပေါင်းရင်းမြစ်များ

Ezera 9:7

Okuviira irala ku biseera bya badhaadha baife okutuusa ni ye buli eno, tukola inho ebibi. Era olw'ebibi byaife, ife, n'ebya bakyabazinga baife, n'ebya bakabona baife, tubairenga tugheebwayo mu ngalo dha bakyabazinga abamaghanga agandi, baatwitira mu ntalo, baatutwala mu bunhage, baatunhagaku ebyaife, era twaswala nga bwe tuli buti.

Isaia 1:23

Abakulembeze bo badheemu, era bagemagana na baibi. Buli muntu agonza kulya nguzi era yaagunirira okugheebwa ebirabo. Tibalwaniriraku bamulekwa, waire okuwulirisa ensonga banamwandu dhe babaleetera.

Isaia 22:1

Buno n'obukwenda obugema ku kyetebwa Ekiiko eky'Okubonekerwa. Kiki ekibatuuseeku ekibaniiniisa mwenamwena, ni muja ghaigulu ku busolya bw'endhu?

Yeremia 2:26

Musengwa Katonda akoba ati: “Ng'omwibi bw'aswala nga bamugemye, mwena Abaisiraeli mutyo bwe muliswala aghalala ni bakyabazinga baimwe, n'abakungu baimwe, ni bakabona baimwe, n'abalanzi baimwe.

Yeremia 44:17

Twidha kwongera okukolanga byonabyona bye tweyama okukola. Twidha kuniokezanga obubbaani omusambwa gwaife omukazi, ogwetebwa Kyabazinga Omukazi ow'Eigulu, era twidha kugughanga ebigheebwayo ebifukibwa. Ebyo twidha kubikolanga, ng'oti niife beene bwe twabikolanga, era ng'oti ni badhaadha baife, ni bakyabazinga baife, n'abakungu baife, bwebaabikolanga mu bibuga eby'e Buyudaaya ni mu nguudo edh'omu Yerusalemu kuba mu biseera ebyo twabanga n'emere kamaala, nga buli kintu kitujiira bukalamu, era nga tuzira bizibu naire.

Yeremia 44:21

“Obubbaani imwe beene bwe mwaniokezanga, era ni badhaadha baimwe, ni bakyabazinga baimwe, n'abakungu baimwe, bwe baaniokezanga mu bibuga eby'e Buyudaaya ni mu nguudo edh'omu Yerusalemu, mulowooza muti Musengwa Katonda tiyabimanha, oba muti yabyerabira?

Yeremia 7:17

Tobona bye bakola mu bibuga bya Buyudaaya ni mu nguudo dha Yerusalemu?

Ezekieli 22:6

“Bona eno, abakulembeze ab'omu Isiraeli ababa mu iwe, baita abantu nga bakozesa obukumu bwaibwe.

Danieli 9:16

Wo Musengwa, ku lwaife wakola ebintu kamaala ebyoleka ng'oli mutukuvu, kyenva ni nkusaba olekere okusungughalira einho otyo ekibuga kyo Yerusalemu, olusozi lwo olwo olutukuvu. Abantu boonaboona abali mu nsi edhitwezungulwire banhooma inho ekibuga kyo Yerusalemu, n'ife abantu bo twena baatunhooma, kuba ife ni badhaadha baife twayonoona.

Danieli 9:6

Titwawulirisa bagheereza bo abalanzi, abaayogeranga mu liina lyo eri bakyabazinga baife, n'eri abakulembeze baife, n'eri badhaadha baife, n'eri eighanga lyonalyona.

Danieli 9:7

Wo Musengwa, iwe buliidho okola ebituufu, aye ife buliidho twakola bwa bituleetera kuswala, nga bwekiri n'okutuusa mpegaano. Ekyo kiri ku twenatwena ng'otwaliizaamu: abantu ab'omu Buyudaaya, n'ab'omu Yerusalemu, n'Abaisiraeli boonaboona abali okumpi n'abali eghala, eyo mu nsi dhoonadhoona ye wabasansaaniza olw'obutaba beesigwa y'oli.

Danieli 9:8

Wo Musengwa, ife twenatwena ng'otwaliizaamu, bakyabazinga baife, n'abakulembeze baife, ni badhaadha baife, twakola ebibi y'oli byatuleetera okuswala.