Yeremia 32:29 - Baibuli Ekibono kya Katonda 201429 Baidha kukikunaaniaku omuliro bakyokye kyonakyona, ghalala n'endhu edho abantu mwe bansungughalizanga nga baniokeza obubbaani ghaigulu ku busolya bwadho nga babuniokereza omusambwa Baali, era nga bafukira bakatonda baibwe ebigheebwayo eby'okunhwa. အခန်းကိုကြည့်ပါ။ |
Aye bateekwa okungonderanga n'okukuumanga olunaku lwa Sabbato nga lutukuvu. Batabbeedanga kintu kyonakyona ni bakibisa mu miryango gya Yerusalemu ku lunaku olwo. Aye bwe balikola ekyo kye mbalobeire, nja kukunaania omuliro ku miryango egyo. Omuliro ogwo gulyokya ebisaagaati bya bakyabazinga eby'omu Yerusalemu, era tighalibaagho muntu asobola kuguzikiza.”
Endhu edh'omu Yerusalemu, n'edha bakyabazinga ab'omu Buyudaaya, ghalala n'edho dhoonadhoona abantu dhe baaniokezangaku obubbaani ghaigulu ku busolya bwadho nga babuniokereza emuunienie edh'oku igulu, era mwe baafukiranga ebigheebwayo eby'okunhwa eri bakatonda abandi, dhoonadhoona dhiriba nga ti nongoofu ng'oti n'ekifo ky'e Tofethi.”
Naakoba nti Musengwa Katonda Afuga Amagye, Katonda wa Isiraeli, akoba ati: “Imwe ni bakazi baimwe mweyamye y'omusambwa Kyabazinga Omukazi ow'Eigulu, nga bwenebwene mwidha kuguniokezanga obubbaani era mugughenga n'ebigheebwayo ebifukibwa. Kale, mutyo mukole bye musuubiiza, mutuukirize ebyo bye mweyamye!