Yeremia 32:25 - Baibuli Ekibono kya Katonda 2014

²⁵ Aye ate iwe Musengwa Katonda waife, niiwe wandagira okugula ekibandha nga ghaligho n'abadhulizi, waire nga Abababilonia bali kumpi kugema ekibuga.”

Yeremia 32:25 ပူးပေါင်းရင်းမြစ်များ

Zabbuli 77:19

Watambula ku nhandha, waakola akagira ku maadhi amangi, aye ebigere mw'obise byaloba kuboneka.

Zabbuli 97:2

Ali ghagati mu bire n'enzikiiza eri bedimudimu, afuga mu butuufu ng'akolera ku mazima.

Yeremia 24:10

Ndibaleetera entalo era naabasindikira endhala n'endwaire ya kawumpuli, okutuusa lwe balizikirira ni bawaagho mu nsi ye nabagha beene ni badhaadha baibwe.”

Yeremia 32:15

Musengwa Katonda oyo Afuga Amagye, Katonda wa Isiraeli, akobye ati endhu, n'ebibandha, n'amasamba g'emizabbibu, biriiramu kabiri okugulwa mu nsi eno.”

Yeremia 32:24

Bona, Abababilonia babunze ku kibuga emungo ey'eitaka ey'okuniiniraku, nga benda bakirumbe bakigeme. Olw'okuba ghaligho olutalo, n'endhala, n'endwaire ya kawumpuli, Abababilonia abo baidha kusobola okugema ekibuga kino. Era obona nga bye wakoba byonabyona bituukiriire.

Yeremia 32:26

Agho Musengwa Katonda yankoba ati:

Yeremia 32:43

Abantu bali kukoba bati ensi eno eidha kusigala agho etyo ng'eri bwa bifulukwa byereere, ng'eziramu muntu waire ensolo, era bati eja kugheebwayo mu ngalo dh'Abababilonia. Aye abantu baliiramu kabiri okugulanga ebibandha mu nsi eno.

Yeremia 32:8

Agho, nga Musengwa Katonda bwe yankoba, Hanameli yaidha ye nali mu luya olw'ekisaagaati kya kyabazinga, yansaba mmuguleku ekibandha kye. Agho naategeera nga bwene Musengwa Katonda n'eyayogera ninze.

Yeremia 34:17

Nze Musengwa Katonda nkoba nti mwandheemera mwaloba kugha Baisiraeli banaimwe idembe lyaibwe. Kale ni mubone eno, nze ndidha kubagha imwe eidembe ery'okufiira mu lutalo, n'ery'okufa endwaire ya kawumpuli, n'ery'okufa endhala. Ndidha kubafuula ekintu ekitiisa einho abantu boonaboona ku nsi.

Yoanne 13:7

Yesu yaamwiramu ati: “Mperaano iwe totegeera nze kye ndi kukola aye olikitegeera nga bino bibise.”