Yeremia 32:24 - Baibuli Ekibono kya Katonda 2014

²⁴ Bona, Abababilonia babunze ku kibuga emungo ey'eitaka ey'okuniiniraku, nga benda bakirumbe bakigeme. Olw'okuba ghaligho olutalo, n'endhala, n'endwaire ya kawumpuli, Abababilonia abo baidha kusobola okugema ekibuga kino. Era obona nga bye wakoba byonabyona bituukiriire.

Yeremia 32:24 ပူးပေါင်းရင်းမြစ်များ

2 Samueli 20:15

Abantu abaali ni Yoabu bwe baawulira ng'ali eyo, boonaboona baidha baazingiza ekibuga ekyo Abeli eky'e Bethi Maaka. Baabunga emungo ey'eitaka ey'okuniiniraku baagyazayaza n'ekimante ekigumu ekyezungulwire ekibuga, era baakiguumulaguumula kigwe.

Isaia 37:33

“Bino Musengwa Katonda by'akoba ku kyabazinga w'e Assiria, ati, ‘Taidha kwingira mu kibuga kino, waire okulasaayo akasaale. Taidha kukirumba na ngabo, waire okukibungaku emungo y'eitaka ey'okuniiniraku.

Yeremia 16:4

Baja kufanga endwaire embi einho, era ghazira aja kubalira waire okubaziika. Emirambo gyaibwe gija kubanga ku itaka okwo ng'oti mmungo ya busa. Baja kwitibwanga mu ntalo oba balambukenga endhala bafe, n'emirambo gyaibwe giriibwenga enhonhi n'ensolo dh'omu nsiko.

Yeremia 20:5

Era nja kuleka abazigu baimwe banhage eby'obukombe byaimwe byonabyona ebiri mu kibuga muno, n'ebintu abantu bye baafaabiikanira, n'eby'omughendo einho omuli n'ebya bakyabazinga ab'omu Buyudaaya. Ebyo byonabyona abazigu abo balibinhaga baabitwala e Babilonia.

Yeremia 24:10

Ndibaleetera entalo era naabasindikira endhala n'endwaire ya kawumpuli, okutuusa lwe balizikirira ni bawaagho mu nsi ye nabagha beene ni badhaadha baibwe.”

Yeremia 29:17

Musengwa Katonda oyo Afuga Amagye akoba ati, ‘Ndidha kubaleetaku entalo, n'endhala, n'endwaire ya kawumpuli, bibaite, era mbafuule ng'oti mitiini emibi einho, egitasobola na kuliibwa.

Yeremia 29:18

Ndibakiriga n'entalo, n'endhala, n'endwaire ya kawumpuli, era naabafuula ekintu ekitiisa einho abantu boonaboona ku nsi. Yoonayoona ye ndibasansaaniza baidha kubanga kintu kya kukolima, kya kwesimooza, era kya kuvuma.

Yeremia 32:25

Aye ate iwe Musengwa Katonda waife, niiwe wandagira okugula ekibandha nga ghaligho n'abadhulizi, waire nga Abababilonia bali kumpi kugema ekibuga.”

Yeremia 32:28

Nja kugha kyabazinga Nebukadinezzari ow'e Babilonia n'eigye lye, ekibuga kino bakigeme.

Yeremia 32:3

Kyabazinga Zedekia n'eyalagira bansibe kuba nalanga nti Musengwa Katonda yakoba ati: “Nja kuleka kyabazinga w'e Babilonia ageme ekibuga kino.

Yeremia 32:36

Agho Musengwa Katonda, Katonda wa Isiraeli yankoba ati: “Yeremia, abantu bali kukoba bati olutalo, endhala, n'endwaire ya kawumpuli bija kuleetera ekibuga kino okugheebwayo mu ngalo dha kyabazinga w'e Babilonia. Aye mpegaano nkoba nti:

Yeremia 32:5

Zedekia balimutwala e Babilonia yaaba eyo okutuusa lwe ndisalagho eky'okumukolera. Ni bw'anaagezaaku atya okulwanisa Abababilonia taja kubaghangula. Nze Musengwa Katonda, ninze nkobye.”

Yeremia 33:4

Nze Musengwa Katonda, Katonda wa Isiraeli nkoba nti endhu edh'omu Yerusalemu n'ekisaagaati kya bakyabazinga ba Buyudaaya, bija kumenhebwagho. Nga kino kiidha kuva ku bazigu abaja okubunga emungo dh'eitaka edh'okuniiniraku ekibuga Yerusalemu nga bakirumba.

Yeremia 34:17

Nze Musengwa Katonda nkoba nti mwandheemera mwaloba kugha Baisiraeli banaimwe idembe lyaibwe. Kale ni mubone eno, nze ndidha kubagha imwe eidembe ery'okufiira mu lutalo, n'ery'okufa endwaire ya kawumpuli, n'ery'okufa endhala. Ndidha kubafuula ekintu ekitiisa einho abantu boonaboona ku nsi.

Yeremia 52:4

Agho ku lunaku olweikumi, mu mwezi ogweikumi, mu mwaka ogwomwenda nga Zedekia n'afuga Buyudaaya, kyabazinga Nebukadinezzari owa Babilonia yaidha n'eigye lyonalyona okulumba ekibuga Yerusalemu. Baakizingiza era baakibungaku emungo y'eitaka ey'okuniiniraku, basobole okukirwanisa.

Yeremia 52:6

Ku lunaku olwomwenda mu mwezi ogwokuna, endhala yeekalangula okuluma abantu mu kibuga, nga tibakaali na kya kulya.

Yeremia 6:6

Musengwa Katonda Afuga Amagye alagiire bakyabazinga ati: “Muteme emiti gyakyo, mukibungeku emungo ey'eitaka ey'okuniiniraku okukirwanisa. Ekibuga ekyo kiteekwa okubonerezebwa, kuba kiidhwire kutuntuza bantu kwereere.

Ezekieli 14:21

Agho ni Musengwa Katonda akoba ati: “Bwenebwene tikirisingagho inho bwe ndisindika ku Yerusalemu ebibonerezo byange ebina ebikakali: olutalo, endhala, ensolo edh'akabi, n'endwaire ya kawumpuli, okuja okukiitamu abantu n'ensolo?

Ezekieli 21:22

Mperaano agemye akalaso mu mukono gwe omusaadha, ng'akalulu kagwire ku kibuga Yerusalemu. Akalaso ako kamukoba aje akisimbeku ebintu eby'okukozesa okuwomola ekimante kyakyo, akizimbeku ebituuti ebirengererwaku, n'ebintu eby'okukontesa endhigi dh'emiryango gyakyo, era abunge n'emungo dh'eitaka edh'okuniiniraku okukirumba. Olwo akube enduulu edh'omu lutalo, era aite.

Ezekieli 21:27

Ekibuga ekyo ndikizikiriza kyafuuka bifulukwafulukwa, okutuusa oyo ye nhenda okukigha lw'aliidha, ni nkimugha.

Ezekieli 26:8

Baliitira mu lutalo abantu bo iwe Tiro, abali mu bubuga bwo ere ku bukalu ng'osomoike enhandha. Balikuzimbaku ekimante eky'okukuzingiza, baakubungaku n'emungo dh'eitaka edh'okuniiniraku okukulumba, olwo baagema engabo dhaakola ekimante ekigumu.

Ezekieli 4:2

Bw'omala, zimba ku kibuga ekyo ekimante eky'okukizingiza, obunge n'emungo dh'eitaka ku kimante ekyo edh'okuniiniraku okukirwanisa. Bw'omala, okisimbeku weema okukyezunguluza edh'abazigu ab'okukirumba, era okisimbeku n'ebintu eby'okukozesa okuwomola ekimante kyakyo.

Habakkuku 1:10

Tibata kinhagansi mu bakyabazinga, era batwala buli mufuzi ng'eky'okuzaanhisa. Ezira kifo kya kwewogomamu kibalema; bakibungaku emungo ey'eitaka kwe baniinira, baakitwala.

Zekaria 1:6

Aye okulabula kwange n'ebiragiro byange, bye nabisa mu bagheereza bange abalanzi, byatuukirira ku badhaadha baimwe abo, baatuuka n'okwenenia. Baakoba bati, ‘Musengwa Katonda Afuga Amagye akoze nga bwe yasalagho, yaatubonereza olw'empisa dhaife embi n'olw'ebikolwa byaife ebibi nga bwe tugwaniire.’ ”

Matayo 24:35

Eigulu n'ensi biriwaagho aye ebibono byange tibiriwaagho.

Amateeka Agokubiri 4:26

Ndayira olwaleero eri eigulu n'ensi, babe abadhulizi bange ababalumiriza, nti bwe muligeza ni mwekolera ebisinzibwa ebitali Katonda, mulizikirira mangu, mwasaanagho mu nsi ye muli kumpi okwingiramu okutwala, ere nga musomoike omwiga Yorudani. Timuligibaamu ntangama ndeeyi, aye mulizikirira mwasaanagho.