Yeremia 32:23 - Baibuli Ekibono kya Katonda 2014

²³ Aye bwe baatuuka mu nsi eno ni bagitwala n'eba eyaibwe ku bwaibwe, tibaagondera biragiro byo, waire okwebisa nga bwe wabagalagira. Ghazira kye baakolaku ku ebyo bye wabalagira okukola. Kale ni, iwe n'okubaleetaku okuzikirira kuno kwonakwona.

Yeremia 32:23 ပူးပေါင်းရင်းမြစ်များ

Ezera 9:7

Okuviira irala ku biseera bya badhaadha baife okutuusa ni ye buli eno, tukola inho ebibi. Era olw'ebibi byaife, ife, n'ebya bakyabazinga baife, n'ebya bakabona baife, tubairenga tugheebwayo mu ngalo dha bakyabazinga abamaghanga agandi, baatwitira mu ntalo, baatutwala mu bunhage, baatunhagaku ebyaife, era twaswala nga bwe tuli buti.

Nehemia 9:15

Wabagha emere okuva mu igulu okubawonia endhala, era waabagha amaadhi okuva mu lubaale okubawonia endiwo. Waabakoba baje batoole ebiketezo bye wasuubiza okubagha, bibe ebyaibwe ku bwaibwe.

Zabbuli 78:10

Tibaakuuma ndagaano yaibwe ni Katonda era baaloba okugondera amateeka ge.

Yeremia 2:7

Nabaleeta mu nsi erimu ebirungi kamaala, muwoomerwe ebibala byamu n'ebintu byamu ebirungi. Aye imwe bwe mwagituukamu, mwagyonoona bwonoone, omugabo nze gwe nabagha mwagufuula ekyenhinhalwa.

Yeremia 26:4

“Era bakobe, oti nze Musengwa Katonda mbakobye nti muteekwa okungonderanga nga mujiira ku bye nabeegeresa.

Yeremia 44:10

Aye ni ye buli eno timwegangaku kwewombeeka mu maiso gange, waire okuntya, oba waire okwebisa nga mujiira ku mateeka ge nabagha, imwe ni badhaadha baimwe.

Yeremia 7:26

Aye mwaloba kumpulirisa waire okugondera bye ndagira, mweyongera bwa kukalangusa myoyo gyaimwe era mwebisa bubi inho mwasinga ni badhaadha baimwe.

Okulira 1:18

Aye Musengwa mutuufu, kuba ninze eyadheemera ekibono kye. Aye bantu imwe muwulire mwenamwena, mubone nga bwe ndaagadaaga. Abaisuka bange n'abaguna boonaboona baabatwala mu bunhage.

Okulira 1:8

Abantu ab'omu Yerusalemu abo baayonoona inho mu maiso ga Katonda, baamufuukira ekyenhinhalwa. Abaabatangamu ekitiisa baatoolera okubanhooma nga bababona ng'oti n'omuntu ali amadu. Bwenebwene bali mu nnaku era beebwalabwala olw'ensoni.

Ezekieli 20:18

Agho naalabula abaana baibwe nga bali eyo mu irungu, nti mutajiira ku mateeka badhaadha baimwe ge baataagho, era mutagondera biragiro byaibwe, waire okweyonoona nga musinza ebyo bye basinza ebitali nze Katonda.

Ezekieli 20:21

“Aye abaana boona bandheemera, baaloba kujiira ku mateeka gange era baava ku biragiro byange, ebireetera omuntu okuba omulamu ng'abituukiriiza. Baayonoona n'olunaku lwange olwa Sabbato. Agho naayenda okubamaliraku ekiruyi kyange, mboolekeze obusungu bwange nga bali eyo mu nsi Misiri.

Ezekieli 20:8

Aye bandheemera, baaloba kuwulirisa bye nabakoba. Baaloba kusuula ere ebyenhinhalwa ebyabasikirizanga, waire okuva ku bisinzibwa ebitali nze Katonda eby'omu Misiri. Agho naayenda okubamaliraku ekiruyi kyange, mboolekeze obusungu bwange nga bali eyo mu nsi Misiri.

Luka 17:10

Kale mwena bwe mukolanga ebyo byonabyona ebibalagirwa mukobanga muti ‘Tuli bagheereza abazira kye tugasa, tukoze bw'ekyo kye tuteekwa okukola.’ ”

Yoanne 15:14

Bwe mukola bye mbalagira muba bakagwa bange.

Ab'e Galatia 3:10

Abo abeesigama ku kukola ng'Amateeka bwe galagira bakolimirwe, kuba ebyaghandiikibwa bikoba biti: “Omuntu yeenayeena ataatuusenga buliidho ebyo byonabyona ebyaghandiikibwa mu kitabo kino eky'Amateeka, akolimirwe!”

Yakobo 2:10

Oyo agema Amateeka goonagoona aye eirala liti ni limulema, abaaku omusango ogw'okumenha Amateeka goonagoona

Yoshua 21:43

Kale Musengwa Katonda yaagha Abaisiraeli ekiketezo kyonakyona kye yasuubiza okugha badhaadha baibwe. Era bwe baakifuna baakityamamu baatereera.

Yoshua 23:16

Kasita muloba okukuuma endagaano Musengwa Katonda waimwe ye yabalagira okukuuma, ni mugheereza era ni musinza bakatonda abandi, aja kubasungughalira era ababonereze okutuusa lwe mulizikirira ni muwa ku nsi eno enungi ye yabagha.”