Yeremia 32:22 - Baibuli Ekibono kya Katonda 2014

²² Waabagha ensi eno engimu era erimu ebirungi kamaala, nga bwe wasuubiza badhaadha baibwe.

Yeremia 32:22 ပူးပေါင်းရင်းမြစ်များ

Amainhama 13:15

Ensi eyo yoonayoona y'oli kubona ndidha kugikugha iwe ni baidhukulu bo, ebe yaimwe ebyanda n'ebyanda.

Amainhama 24:7

Musengwa Katonda ow'eigulu yantoola mu ndhu ya lata, ni mu nsi ye nazaalibwamu, era yaayogera ninze, yandayirira ati aligha baidhukulu bange ensi eno. Oyo alituma malaika we yaakukulemberamu, osobole okufunira omwana wange omukazi okuva eyo.

Amainhama 50:24

Agho Yosefu yaakoba baganda be ati: “Ndi kumpi okufa, aye Katonda taliroba kubalabirira n'okubatoola mu nsi eno, okubatwala mu nsi gye yalayirira Aburahamu, ni Isaaka, ni Yakobo.”

Nehemia 9:15

Wabagha emere okuva mu igulu okubawonia endhala, era waabagha amaadhi okuva mu lubaale okubawonia endiwo. Waabakoba baje batoole ebiketezo bye wasuubiza okubagha, bibe ebyaibwe ku bwaibwe.

Okuvaayo 13:5

Era Musengwa Katonda bw'alibatuusa mu nsi ey'Abakanaani, n'Abahitti, n'Abamori, n'Abahivi, n'Abayebusi, ensi ye yalayirira badhaadha baimwe ng'aja kugigha imwe, mukuzanga olunaku luno mu mwezi guno. Ensi eyo ngimu era erimu ebirungi kamaala.

Okuvaayo 3:17

Era nsazeegho nti nja kubatoola mu kudaazibwadaazibwa kwe mulimu mu Misiri mbatwale mu nsi ey'Abakanaani, n'Abahitti, n'Abamori, n'Abaperizzi, n'Abahivi n'Abayebusi ensi engimu era erimu ebirungi kamaala.’

Okuvaayo 3:8

era n'okwika mbawonie Abamisiri, mbatoole mu nsi eyo, mbatwale mu nsi enene, engimu era erimu ebirungi kamaala ensi omuli buti Abakanaani, Abahitti, Abamori, Abaperizzi, Abahivi, n'Abayebusi.

Yeremia 11:5

Memale ntuukirizenga ekisuubizo kye nasuubiza badhaadha baibwe, nti ndibagha ensi engimu erimu ebirungi kamaala, era mwe bali buti.” Nze nairamu nti: “Wo Musengwa Katonda, ndidha kubakobera nga bw'okobye.”

Ezekieli 20:15

Kale, nze neerayirira mwene nga bali eyo mu irungu, nti tiribatuusa mu nsi ye nabagha, ensi engimu era erimu ebirungi kamaala, esinga edhindi dhoonadhoona ekitiibwa.

Ezekieli 20:6

Era ku olwo nabasuubiza okubatoola mu nsi Misiri, mbatwale mu nsi ye nabategekera engimu era erimu ebirungi kamaala, esinga edhindi dhoonadhoona ekitiibwa.

Okubala 14:16

‘Musengwa Katonda yalemwa okutuusa abantu bano mu nsi ye yabalayirira okubagha, kyeyava n'abaitira mu irungu.’

Okubala 14:30

ghazira waire mulala ati alituuka mu nsi ye nabalayirira okubagha, okutoolaku Kalebu mutabane wa Yefune, ni Yoshua mutabane wa Nuni.

Amateeka Agokubiri 1:35

‘Ghazira muntu waire omulala ku b'oluse luno olubi alibona ku nsi engimu ye nasuubiza okugha badhaadha baimwe,

Amateeka Agokubiri 1:8

Eyo n'ensi nze Musengwa Katonda ye nasuubiza okugha badhaadha baimwe Aburahamu, ni Isaaka, ni Yakobo, ni baidhukulu baibwe. Yiiyo ngibooleike, muje mugitwale.’ ”

Amateeka Agokubiri 6:10

“Nga Musengwa Katonda waimwe bweyasuubiza badhaadha baimwe, Aburahamu, Isaaka ni Yakobo, aidha kubagha imwe ensi erimu ebibuga ebikologho era ebirungi bye mutaazimba.

Amateeka Agokubiri 6:18

Mukolenga ebyo Musengwa Katonda by'abona nga bituufu era nga birungi. Olwo musobole okuba obukalamu, n'okwingira okutwala ensi enungi, Musengwa Katonda ye yasuubiza badhaadha baimwe.

Amateeka Agokubiri 6:23

Ife yaatutoolayo yaatuleeta ghano, yaatugha ensi eno ye yasuubiza badhaadha baife.

Amateeka Agokubiri 7:13

Aidha kubagonzanga, abaghe enkabi mweyongerenga okwala nga muzaala abaana kamaala. Aidha kughanga eitaka lyaimwe enkabi mufunenga emere, n'omwenge ogw'emizabbibu, n'omuzigo ogw'ebibala eby'emiti emyoliva. Aidha kuleeteranga ebyayo byaimwe okuzaalagana: ente, embuzi, n'entaama. Ebirungi ebyo byonabyona aidhanga kubibagheera mu nsi ye yasuubiza badhaadha baimwe okugibagha imwe.

Amateeka Agokubiri 8:1

Musa yaakoba Abaisiraeli ati: “Mutenga inho omwoyo ku biragiro byonabyona bye mbaghaire olwaleero, mubituukirizenga bukalamu. Olwo musobole okwala, mutwale ensi Musengwa Katonda ye yasuubiza okugha badhaadha baimwe.

Yoshua 1:6

Banga mumalirivu era atatya. Niiwe oja okukulemberamu abantu bano obaleetere okutwala ensi ye nabasuubiza okubagha nga mbita mu badhaadha baibwe.

Yoshua 21:43

Kale Musengwa Katonda yaagha Abaisiraeli ekiketezo kyonakyona kye yasuubiza okugha badhaadha baibwe. Era bwe baakifuna baakityamamu baatereera.