Yeremia 32:10 - Baibuli Ekibono kya Katonda 2014

¹⁰ Naata omukono ku ndagaano, twagisibaku akamanhiso okugikakasa, era naayeta n'abadhulizi baabagho. Agho twapima feeza oyo ku minzaani.

Yeremia 32:10 ပူးပေါင်းရင်းမြစ်များ

Amainhama 23:16

Aburahamu yaaganha Efuroni kye yakoba. Agho yaapimira Efuroni oyo feeza ye yakoba, ng'Abahitti bawulira ebitundu ebikumi ebina, ng'akozesa ekipimo eky'abasuubuzi.

Amainhama 23:20

Kale enimiro n'empuku yaamu ebyali eby'Abahitti, byafuukira irala ekifo kya Aburahamu eky'okuziikangamu abafu be.

Yobu 14:17

Olwo wansonigha ebibi byange ebyo, waabitoolagho; waasasaagho ebisobyo byange ebyo.

Olwembo 8:6

Gonzanga mulala nze zenka, onsibe ku omwoyo gwo ng'akamanhiso. Olobenga kugemerera wundi mu makono go okutoolaku nze zenka. Kuba okugonza kuli n'amaani agaagayaga n'ag'olumbe; eighali liri n'obukambwe obwagayaga n'obw'okufa. Okugonza kutumbuka ng'oti muliro gwene, kwayokya ng'oti n'omuliro oguli kubbeibbera ogw'amaani.

Isaia 30:8

“Ebyo ja obighandiike ku kipande nga babona, era obighandiike mu kitabo, bibenga obudhulizi obw'olubeerera obukakasa obubi bw'abantu bano.

Isaia 44:5

Ghalibaagho omuntu alikoba ati, ‘Nze ndi wa Musengwa Katonda.’ Ate ole alyetuuma eriina lya Yakobo, n'owundi yaaghandiika ku mukono gwe ati, ‘Nze ndi wa Musengwa Katonda,’ era yeebalira mu Baisiraeli.”

Yeremia 32:12

byombi naabigemya Baruku mutabane wa Neria era nga mwidhukulu wa Mahaseia. Naabimugemya nga ghaligho Hanameli, n'abadhulizi abaata ku ndagaano eyo emikono, era n'abantu abaali batyaime mu luya olw'ekisaagaati kya kyabazinga.

Yeremia 32:25

Aye ate iwe Musengwa Katonda waife, niiwe wandagira okugula ekibandha nga ghaligho n'abadhulizi, waire nga Abababilonia bali kumpi kugema ekibuga.”

Yeremia 32:44

Abantu baidha kugulanga ebibandha, batenga ku ndagaano emikono era badhisibengaku obumanhiso nga ghaligho n'abadhulizi. Ebyo biidha kubangagho mu biketezo bya Benjamini, ni mu byalo ebyezungulwire Yerusalemu, ni mu bibuga eby'omu Buyudaaya, ni mu bibuga eby'omu biketezo eby'oku nsozi, ni mu bibuga eby'omu biketezo eby'omu biiko, ni mu bibuga eby'omu biketezo bya Buyudaaya ebikalukalu ebiri ku luuyi olw'omukono omusaadha olw'e buvandhuba. Ndiizaagho abantu mu nsi yaibwe, naabaleetera ebintu kabiri okubajiiranga obukalamu. Nze Musengwa Katonda, ninze nkobye.”

Danieli 8:26

Era okubonekerwa okugema ku misengo egigheebwayo enkyo n'eigulo kwe nkwinhonhoire, kwidha kutuukirira. Aye iwe kuuma ebiri mu kubonekerwa okwo nga bya kyama, kuba ghaidha kubitagho ekiseera kinene memale bituukirire.”

Matayo 27:66

Agho baaja baakalangula amagombe nga eibaale balitaaku akamanhiso, era baataagho n'abakuumi.

Yoanne 3:33

Oyo aikiriza by'akoba akakasa nga Katonda wa mazima.

Yoanne 6:27

Mutakolereranga mere ewaagho, aye mukolererenga emere etawaagho, etuusa ku bulamu obutawaagho. Eyo n'emere Omwana w'Omuntu yaalibagha. Kuba oyo Katonda Lata yamutaaku akamanhiso.”

2 Ab'e Korintho 1:22

Yatutaaku akamanhiso ke ng'ababe, era yatugha Mwoyo Mutukuvu mu myoyo gyaife ng'omusingo olw'ebyo by'atuterekera.

Ab'Efeso 1:13

Era mu Kurisito oyo, n'imwe mwena abaawulira ekibono eky'amazima eky'Amawulire Amalungi ag'okulokolebwa kwaimwe era ni mwikiriza Kurisito, Katonda yabasibaku akamanhiso ng'abagha Mwoyo Mutukuvu ye yasuubiza.

Ab'Efeso 4:30

Era mutanakughazanga Mwoyo Mutukuvu wa Katonda, kuba Mwoyo n'akamanhiso ke mwateebwaku okutuuka ku lunaku olw'okununulibwa.

Amateeka Agokubiri 32:34

Musengwa Katonda aidhukira abazigu ba Isiraeli abo kye bakoze, era ali kuteega ekiseera ky'ategeike kituuke, memale ababonereze;

Yoshua 18:9

Kale abasaadha abo baaja, baakebera bukalamu nga baghandiika ebifa ku bitundu omusanvu eby'ekiketezo ekyo nga kiisi kibuga bakiinhonhola lwakyo. Bwe baamala bairayo ye Yoshua ye baasimba weema dhaibwe e Shilo.

Okwolekebwa 7:2

Era naabona malaika owundi ng'ali kuniinaniina okuva e buvandhuba, ng'ali n'ekitaaku akamanhiso ka Katonda omulamu. Yaayeta n'amaani bamalaika abana abaali bagheereibwa obukumu okuzikiriza obukalu n'enhandha ku nsi.

Okwolekebwa 9:4

Dhaaloberwa okwonayona eisubi, n'emiti oba ekimera ekindi kyonakyona, okutoolaku abantu abo bonka abaziraku kamanhiso ka Katonda mu byeni byaibwe.

Ruthi 4:1

Boazi yaaja mu kifo eky'olwekobaano ku mulyango ogwingira ekibuga, yaatyama. Agho omusaadha asobola okuba omusika wa Elimeleki, Boazi ye yayogeraku asooka, yaidha. Boazi yaamweta ati: “Idha Mukagwa, otyameku ghano.” Yeena yaaja yaatyama.